பட்டு போன்ற கூந்தலுக்கு கைகொடுக்கும் கற்றாழை ஜெல்; 6 எளிய வழிகள்

கற்றாழை நமது சருமத்திற்கு மட்டுமல்ல, நமது கூந்தலுக்கும் மிகவும் நன்மை சேர்க்கும். இது முடியை உள்ளிருந்து வலுப்படுத்துகிறது மேலும் பட்டு போன்ற பளபளப்பையும், வலிமையையும் தருகிறது. கற்றாழையை முடிக்கு எப்படி பயன்படுத்தலாம் என்பதை அறிந்து கொள்வோம்.

கற்றாழை மற்றும் தேங்காய் எண்ணெய்

2 தேக்கரண்டி கற்றாழை ஜெல் மற்றும் 2 தேக்கரண்டி தேங்காய் எண்ணெயை நன்கு கலக்கவும். இந்த ஹேர் மாஸ்க்கை வீட்டிலேயே தயாரித்து உங்கள் உச்சந்தலையில் மற்றும் முடியில் தடவவும். 30 - 40 நிமிடங்கள் கழித்து, வெதுவெதுப்பான நீர் மற்றும் ஷாம்பு பயன்படுத்தி நன்கு கழுவவும்.

கற்றாழை மற்றும் எலுமிச்சை சாறு

ஒரு கிண்ணத்தில் 2 தேக்கரண்டி கற்றாழை ஜெல் மற்றும் 1 தேக்கரண்டி எலுமிச்சை சாற்றை கலக்கவும். இந்த கலவையை உங்கள் உச்சந்தலையில் மற்றும் முடியில் தடவி 20 நிமிடங்கள் கழித்து ஷாம்பு கொண்டு முடியை அலசவும்.

கற்றாழை மற்றும் தயிர்

2 தேக்கரண்டி கற்றாழை ஜெல் மற்றும் 2 தேக்கரண்டி தயிர் சேர்த்து நன்கு கலக்கவும். இந்த கலவையை உங்கள் உச்சந்தலையில் மற்றும் முடியில் தடவவும். இதை 30 நிமிடங்கள் ஊற விட்டு பின்னர் அலசவும்.

கற்றாழை மற்றும் ஆலிவ் எண்ணெய்

2 தேக்கரண்டி கற்றாழை ஜெல் மற்றும் 1 தேக்கரண்டி ஆலிவ் எண்ணெயை நன்கு கலக்கவும். இந்த கலவையை உங்கள் உச்சந்தலையில் மற்றும் முடியில் தடவவும். இதை 30 - 40 நிமிடங்கள் ஊற விடவும். பின்னர் தலைக்கு குளிக்கவும்.

கற்றாழை மற்றும் முட்டை

1 முட்டையை உடைத்து அதனுடன் 2 தேக்கரண்டி கற்றாழை ஜெல் சேர்க்கவும். இந்த ஹேர் மாஸ்க்கை 20- 30 நிமிடங்கள் ஊற விடவும். பின்னர் நீர் மற்றும் ஷாம்பு பயன்படுத்தி நன்கு கழுவவும்.