நம் வீடு நமது அடையாளத்தை பிரதிபலிக்கும் கண்ணாடி. பெரிய செலவில் வீட்டை மாற்றாமல், சுவர்களில் மட்டும் சிறிய மாற்றங்கள் செய்வதன் மூலம் அறையை பிரம்மாண்டமாக மாற்றலாம். அதற்கான 5 எளிய வழிகளை இன்டீரியர் நிபுணர் ஆர்த் குமார் பகிர்ந்துள்ளார்.
சுவர்களில் சாதாரண பெயிண்ட் அடிப்பதற்குப் பதிலாக லேமினேட் (Laminates) அல்லது வினியர் (Veneers) போன்ற பேனல்களைப் பயன்படுத்தலாம். இது சுவர்களுக்கு ஒரு தனித்துவமான அமைப்பையும் (Texture), முப்பரிமாண தோற்றத்தையும் தருகிறது. ஆனால், அறையின் எல்லாச் சுவர்களிலும் இதைச் செய்யாமல், ஒரு முக்கிய சுவரை மட்டும் தேர்வு செய்து இப்படி அலங்கரிப்பது நல்லது.
25
மார்பிள் கிளாடிங் :
வீட்டிற்கு ஒரு ராஜகம்பீரமான மற்றும் ஆடம்பரமான தோற்றம் கிடைக்க இயற்கை மார்பிள் கற்களை சுவர்களில் பதிக்கலாம் (Cladding). இதில் உள்ள இயற்கையான கோடுகளும் வண்ணங்களும் ஒவ்வொரு சுவரையும் தனித்துவமாகக் காட்டும். மேலும், இது சுவர்களை சேதமடையாமல் பாதுகாப்பதுடன், ஒளியைப் பிரதிபலித்து அறையை அதிக வெளிச்சமாகவும், பெரியதாகவும் காட்ட உதவும்.
35
நவீன சுவரொட்டிகள் :
பழைய கால பூ போட்ட டிசைன்களைத் தவிர்த்து, இப்போது பல நவீன சுவரொட்டிகள் (Wallpapers) வந்துவிட்டன. ஜியோமெட்ரிக் டிசைன்கள், மெட்டாலிக் ஃபினிஷ் மற்றும் துணிகளால் ஆன பிரீமியம் சுவரொட்டிகளைப் பயன்படுத்தலாம்.
சிறிய அறைகள்: லேசான வண்ணங்கள் மற்றும் எளிமையான டிசைன்களைத் தேர்வு செய்ய வேண்டும்.
பெரிய அறைகள்: அடர்ந்த நிறங்கள் அல்லது பெரிய அளவிலான சித்திரங்கள் (Murals) கொண்ட டிசைன்களைத் தேர்வு செய்யலாம்.
சுவரின் நடுவே ஒரே ஒரு புகைப்படத்தை மட்டும் மாட்டி வைக்காமல், உங்களின் ரசனைக்கு ஏற்ற நவீன மற்றும் அப்ஸ்ட்ராக்ட் (Abstract Art) ஓவியங்களை சுவர்களில் வரிசையாக மாட்டி வைக்கலாம். இது பார்ப்பவர்களுக்கு ஒரு சுவாரஸ்யமான கதையைக் கூறுவது போலவும், அறையின் அழகைக் கூட்டுவதாகவும் அமையும்.
55
சரியான விளக்குகள் :
நீங்கள் எவ்வளவு தான் அழகாக சுவரை அலங்கரித்தாலும், சரியான லைட்டிங் இல்லை என்றால் அது வீணாகிவிடும். சுவர்களின் அமைப்பை (Texture) எடுத்துக் காட்ட ஸ்பாட்லைட்களையும், ஓவியங்களை அழகாகக் காட்ட பிக்சர் லைட்களையும் (Picture Lights) பயன்படுத்த வேண்டும். சரியான வெளிச்சம் தான் சுவர்களின் உண்மையான அழகை வெளிக்கொண்டு வரும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
