மாஸ் காட்டும் இந்தியன் ரயில்வே.. 180 கிமீ ஸ்பீடு..! நாட்டின் முதல் வந்தேபாரத் ஸ்லீப்பர் ரயில் ரெடி

வந்தே பாரத் ஸ்லீப்பர் கட்டணம்: நாட்டின் முதல் வந்தே பாரத் ஸ்லீப்பர் ரயில் கவுகாத்தி மற்றும் கொல்கத்தா இடையே இயக்கப்பட உள்ளது. பிரதமர் மோடி விரைவில் இந்த ரயிலை கொடியசைத்து தொடங்கி வைப்பார் என ரயில்வே அமைச்சர் அஷ்வினி வைஷ்ணவ் தெரிவித்துள்ளார். 

ஆண்டு இறுதிக்குள் 12 வந்தே பாரத் ஸ்லீப்பர் ரயில்கள்

1000 கி.மீ.க்கு அதிகமான பயணத்திற்காக வந்தே பாரத் ஸ்லீப்பர் ரயில் வடிவமைக்கப்பட்டுள்ளது. 2026 இறுதிக்குள் 12 வந்தே பாரத் ஸ்லீப்பர் ரயில்கள் இயக்க தயாராகிவிடும் என அமைச்சர் அஷ்வினி வைஷ்ணவ் கூறினார்.

வந்தே பாரத் ஸ்லீப்பர் ரயிலின் வேகம் என்ன?

ஸ்லீப்பர் வந்தே பாரத் ரயிலின் சோதனை ஓட்டம் இரண்டு நாட்களுக்கு முன்பு நிறைவடைந்தது. கோட்டா-நாக்டா தடத்தில் மணிக்கு 180 கி.மீ வேகத்தில் ரயில் இயக்கப்பட்டது. அப்போது வைக்கப்பட்டிருந்த தண்ணீர் சிந்தவில்லை.

வந்தே பாரத் ஸ்லீப்பர் ரயிலில் உள்ள வசதிகள்

இதில் சிறந்த பாதுகாப்பு அம்சங்கள் உள்ளன. ராஜ்தானி எக்ஸ்பிரஸை விட சிறந்த, வேகமான பயண அனுபவம் கிடைக்கும். வசதியான படுக்கைகள், ஆட்டோ-சென்சிங் கதவுகள், டச்-ஃப்ரீ டாய்லெட்டுகள், வைஃபை போன்றவை உள்ளன.

பயணிகளுக்கு 823 படுக்கை வசதிகள்

முதல் வந்தே பாரத் ஸ்லீப்பர் ரயிலில் மொத்தம் 857 படுக்கைகள் இருக்கும். இதில் 34 ஊழியர்களுக்கும், 823 பயணிகளுக்கும் ஒதுக்கப்படும். இந்த ரயில் பெட்டிகள் சென்னையின் ICF-ல் தயாரிக்கப்பட்டுள்ளன.

ஸ்லீப்பர் வந்தே பாரத் கட்டணம் எவ்வளவு?

ஸ்லீப்பர் வந்தே பாரத் ரயிலில் முதல் வகுப்பு ஏசி கட்டணம் சுமார் ₹3600, இரண்டாம் வகுப்பு ஏசி ₹3000 மற்றும் மூன்றாம் வகுப்பு ஏசி ₹2,300 என நிர்ணயிக்கப்பட்டுள்ளது.