பிரேக்கப்பிற்குப் பிறகு செய்யும் சில தவறுகள் உங்கள் வலியை இன்னும் அதிகமாக்கலாம். முன்னாள் காதலருடன் பேசுவது, சோஷியல் மீடியாவில் பின்தொடர்வது, உங்களையே குறை சொல்வது போன்றவை மன ஆரோக்கியத்தை பாதிக்கும். பிரேக்கப்பிற்கு இதனை தவிர்க்கவும்.!
ஒரு உறவு முடிவுக்கு வருவது என்பது இரண்டு பேர் பிரிவது மட்டுமல்ல, அது ஒருவரின் உலகத்தையே சில காலத்திற்கு தலைகீழாக மாற்றிவிடும். தினசரி பழக்கமாக இருந்த விஷயங்கள் திடீரென அமைதியாகிவிடும். மனம் மீண்டும் மீண்டும் பின்னோக்கிச் செல்லும், இதயம் இன்னும் அதிக வலியைத் தரும் முடிவுகளை எடுக்க வைக்கும். இந்த நேரத்தில் செய்யும் சின்னச் சின்ன தவறுகள், உங்கள் காயங்கள் ஆறுவதை மெதுவாக்கிவிடும். நீங்கள் உண்மையிலேயே உங்களைச் சமாளித்து முன்னேற விரும்பினால், பிரேக்கப்பிற்குப் பிறகு இந்த ஐந்து விஷயங்களிலிருந்து விலகி இருப்பது மிகவும் அவசியம்.
26
மீண்டும் மீண்டும் எக்ஸ்-க்கு கால் அல்லது மெசேஜ் செய்வது
பிரேக்கப்பிற்குப் பிறகு மக்கள் செய்யும் பொதுவான தவறு இதுதான். தொடர்பில் இருப்பது போல காட்டிக்கொள்வார்கள். நள்ளிரவில் எமோஷனலாக கால் செய்வது, திடீரென மெசேஜ் அனுப்புவது, "சும்மாதான் ஞாபகம் வந்தது" என்று பேச்சைத் தொடங்குவது அந்த நேரத்தில் ஆறுதல் தரலாம். ஆனால், இது காயங்களை மீண்டும் கீறிவிடும். இதனால் ஒரு முடிவும் கிடைக்காது, மனரீதியான சுதந்திரமும் கிடைக்காது. உங்களை நீங்களே சமாளிக்கவும், சுயமரியாதையை மீட்டெடுக்கவும் இந்த இடைவெளி மிகவும் அவசியம்.
36
சோஷியல் மீடியாவில் எக்ஸ்-ஐ வேவு பார்ப்பது
முன்னாள் காதலரின் புரொஃபைலை மீண்டும் மீண்டும் பார்ப்பது, அவரது ஸ்டோரி, லைக்ஸ் மற்றும் கமெண்ட்ஸை கவனிப்பது மெதுவாக உங்கள் மன அமைதியைப் பறித்துவிடும். அவர் சந்தோஷமாக இருந்தால், உங்களுக்குள் தாழ்வு மனப்பான்மையும், ஒப்பீடும் தொடங்கும். ஆனால், சோஷியல் மீடியா எப்போதும் உண்மையைக் காட்டுவதில்லை. சில காலத்திற்கு அவரை மியூட் அல்லது அன்ஃபாலோ செய்வது நல்லது. அப்போதுதான் உங்கள் வாழ்க்கையிலும், காயங்களை ஆற்றுவதிலும் கவனம் செலுத்த முடியும்.
உங்களை முழுமையாக மற்றவர்களிடமிருந்து துண்டித்துக் கொள்வது
பிரேக்கப்பிற்கு பிறகு தனியாக இருக்க விரும்புவது இயல்புதான். ஆனால், உங்களை முழுமையாக ஒரு அறைக்குள் பூட்டிக்கொள்வது பாதிப்பை ஏற்படுத்தும். நண்பர்கள், குடும்பத்தினர் மற்றும் சமூகப் பேச்சுகளிலிருந்து விலகி இருப்பது, அதிகமாக சிந்திப்பதையும், பதட்டத்தையும், தனிமையையும் இன்னும் அதிகரிக்கும். நம்பிக்கையானவர்களிடம் பேசுவது மனதை இலகுவாக்கும். உங்கள் உலகம் அந்த ஒரு உறவோடு முடிந்துவிடவில்லை என்பதை இது உங்களுக்கு நினைவூட்டும்.
56
உடனடியாக ஒரு புதிய உறவில் நுழைவது
வலியிலிருந்து தப்பிக்க, பலர் அவசரமாக ஒரு புதிய உறவைத் தேடிச் செல்கிறார்கள். இந்த உறவு பெரும்பாலும் தனிமையிலிருந்து பிறக்குமே தவிர, உண்மையான பிணைப்பிலிருந்து அல்ல. பழைய காயங்கள் ஆறாதபோது, அதன் தாக்கம் புதிய உறவிலும் தெரியும். உங்களைப் புரிந்துகொண்டு, உங்களைச் சமாளிக்க சிறிது நேரம் எடுத்துக்கொள்வது, எதிர்காலத்தில் ஆரோக்கியமான உறவுகளுக்கு அடித்தளமிடும்.
66
எல்லா விஷயங்களுக்கும் உங்களையே குறை சொல்லிக்கொள்வது
சுயபரிசோதனை செய்வது அவசியம், ஆனால் எல்லாவற்றுக்கும் உங்களை மட்டுமே குற்றவாளியாக நினைப்பது தவறு. பழைய சண்டைகளையும், தவறுகளையும் மீண்டும் மீண்டும் நினைத்து உங்களைத் நீங்களே தண்டிப்பது மனரீதியாக உங்களை உடைத்துவிடும். உறவுகள் ஒரே காரணத்தால் முடிவதில்லை, பல காரணங்களால் முடிகின்றன. இதிலிருந்து பாடம் கற்றுக்கொள்வது அவசியம், ஆனால் தேவையற்ற குற்ற உணர்வை விடுவது அதைவிட முக்கியம். பிரேக்கப் என்பது வாழ்க்கையின் முடிவல்ல, இது ஒரு மாற்றத்திற்கான காலகட்டம். இந்த பொதுவான தவறுகளைத் தவிர்ப்பதன் மூலம், உங்கள் காயங்களை விரைவாக ஆற்றலாம், மீண்டும் உங்களை வலிமையாக மாற்றிக்கொள்ளலாம். குணமடைய நேரம் எடுக்கும், ஆனால் சரியான முடிவுகளுடன் நீங்கள் முன்பை விட புத்திசாலியாக, சமநிலையுடன், தன்னம்பிக்கையுடன் முன்னேறலாம்.
