கத்திரிக்காயை வைத்து எத்தனையோ வகையான பொரியல், குழம்பு, கூட்டு என செய்து சாப்பிட்டிருப்போம். ஆனால், கத்திரிக்காயை நேரடியாக நெருப்பில் சுட்டு, அதனுடன் பூண்டு, தக்காளி, காய்ந்த மிளகாய் சேர்த்து அரைத்து செய்யும் இந்த சுட்ட கத்திரிக்காய் கடையலின் சுவையே தனிதான்.
கத்திரிக்காயில் இறங்கும் அந்த லேசான புகை மணமும், பூண்டு மற்றும் தக்காளியின் காரசாரமான சுவையும் சேரும்போது சாதத்திற்கு அட்டகாசமான சைட் டிஷ் கிடைத்துவிடும்.
குறிப்பாக, கிராமத்து சமையல் சுவையை விரும்புபவர்களுக்கு இந்த ரெசிபி நிச்சயம் பிடிக்கும். அதிக நேரம் கஷ்டப்பட வேண்டிய அவசியமில்லை. வீட்டில் இருக்கும் சில எளிய பொருட்களை வைத்தே சுவையான சுட்ட கத்திரிக்காய் கடையலை தயார் செய்துவிடலாம்.
இட்லி, தோசை, சூடான சாதம் என அனைத்திற்கும் தொட்டுச் சாப்பிட ஏற்ற இந்த ரெசிபியை வீட்டிலேயே செய்து பாருங்கள்.