பரங்கிக்காய் என்றாலே கூட்டு, சாம்பார், பொரியல் என வழக்கமான உணவு வகைகள்தான் பலருக்கும் நினைவுக்கு வரும். ஆனால், அதே பரங்கிக்காயை வைத்து நாவிற்கு ருசி தரும் அசத்தலான துவையல் செய்யலாம் என்பது உங்களுக்குத் தெரியுமா? இனிப்புச் சுவை கொண்ட மஞ்சள் பூசணிக்காயுடன், வறுத்த பருப்பு வகைகள், காய்ந்த மிளகாய், பூண்டு, தேங்காய், புளி என ஒவ்வொன்றும் சேரும்போது கிடைக்கும் சுவையே தனி.
குறிப்பாக சூடான சாதத்தில் இந்தப் பரங்கிக்காய் துவையலைப் போட்டு, சிறிதளவு நெய் சேர்த்துப் பிசைந்து சாப்பிட்டால் அட்டகாசமாக இருக்கும். வழக்கமான துவையலில் இருந்து சற்று வித்தியாசமாகவும், வீட்டில் எளிதாகக் கிடைக்கும் பொருட்களைக் கொண்டும் இந்தத் துவையலைச் செய்து அசத்தலாம்.
குழந்தைகள் முதல் பெரியவர்கள் வரை அனைவரும் விரும்பிச் சாப்பிடும் வகையில் இருக்கும். சரி, இப்போது சுவையான பரங்கிக்காய் துவையல் செய்வது எப்படி என்று பார்க்கலாம்.