தம்பி ராமையாவின் பிறந்தநாள் ஷூட்டிங் ஸ்பாட்டில் எளிமையாக கொண்டாடப்பட்ட நிலையில் இந்த போட்டோக்கள் இணையத்தில் வைரலாகி வருகிறது
விஜய் டிவியில் ஒளிபரப்பான ராஜா ராணி சீரியல் மூலம் பிரபலமானவர் சின்னத்திரை நடிகை ஆலியா மானசா. எனினும் இந்த சீரியலுக்கு முன்பு அவர் பல்வேறு நிகழ்ச்சிகளில் நடனம் ஆடி இருந்தார். இதன் மூலம் தான் அவருக்கு சீரியலில் நடிக்கும் வாய்ப்பு கிடைத்தது. ஆரம்பக் காலக்கட்டத்தில் மிகவும் கஷ்டப்பட்டு தான் சீரியல்களில் நடிக்கும் வாய்ப்பை அவரை பெற்றார்.
இதனிடையே ராஜா ராணி சீரியல் அவருக்கு ரசிகர்கள் மத்தியில் நல்ல பெயரை பெற்று தந்தது. அந்த சீரியலில் தன்னுடன் ரீல் ஜோடியாக நடித்த சஞ்சீவை ஆலியா காதலித்து திருமணம் செய்து கொண்டார். இந்த தம்பதிக்கு தற்போது 2 குழந்தைகள் இருக்கின்றனர்.
தற்போது சீரியல், விளம்பரங்கள் என படு பிசியாக நடித்து வருகிறார் ஆலியா. சன் டிவியில் ஒளிபரப்பாகி வரும் இனியா சீரியலில் முக்கிய ரோலில் நடித்து வரும் பல்வேறு விளம்பரங்களிலும் நடித்து வருகிறார். சமீபத்தில் புதிய வீடு ஒன்றை கட்டி பிரம்மாண்டமாக கிரக பிரவேசம் ஒன்றை ஆலியா நடத்தி இருந்தார். இதுதொடர்பான போட்டோக்கள் இணையத்தில் வைரலான நிலையில் ரசிகர்கள் பலரும் அவருக்கு வாழ்த்து தெரிவித்து வந்தனர்.
வீடு கட்ட நிறைய கடன் வாங்கி இருந்ததாக ஆலியா ஏற்கனவே பல பேட்டிகளில் கூறியிருந்தார். சமூக வலைதளங்களில் ஆக்டிவாக இருக்கும் அவர் அவ்வப்போது தனது போட்டோக்கள் வீடியோக்களை சமூக வலைதள பக்கங்களில் பதிவிட்டு வருகிறார்.
அந்த வகையில் தற்போது ஷூட்டிங் ஸ்பாட்டில் எடுத்த வீடியோ ஒன்றை ஆலியா தனது இன்ஸ்டா பக்கத்தில் பதிவிட்டுள்ளார். அதில் விளம்பர ஷூட்டிங்கின் போது நடிகர் தம்பி ராமையாவின் பிறந்த நாள் கொண்டாடப்பட்டதாக அவர் குறிப்பிட்டுள்ளார். மேலும் தம்பி ராமையாவுக்கு பிறந்த நாள் வாழ்த்துகளையும் அவர் தெரிவித்துள்ளார்.
தம்பி ராமையாவின் பிறந்தநாள் ஷூட்டிங் ஸ்பாட்டில் எளிமையாக கொண்டாடப்பட்ட நிலையில் இந்த போட்டோக்கள் இணையத்தில் வைரலாகி வருகிறது. இதை தொடர்ந்து தம்பி ராமையாவுக்கு வாழ்த்துக்கள் குவிந்து வருகிறது.
சில நாட்களுக்கு முன்பு தான் தம்பி ராமையாவின் மகன் உமாபதிக்கும், அர்ஜுன் மகள் ஐஸ்வர்யாவுக்கும் திருமணம் நடைபெற்றது. இதுதொடர்பான புகைப்படங்கள் இணையத்தில் வைரலானது என்பது குறிப்பிடத்தக்கது.