மீண்டும் மீண்டுமா! லியோவை போல் தளபதி 68-ம் இந்த ஹாலிவுட் படத்தின் ரீமேக்கா? லீக்கான தகவல்... ஷாக்கான ரசிகர்கள்

வெங்கட் பிரபு இயக்கத்தில் பிரம்மாண்டமக உருவாகி வரும் தளபதி 68 திரைப்படம் பிரபல ஹாலிவுட் படத்தின் ரீமேக் என்கிற தகவல் பரவி வருகிறது.

venkat prabhu, vijay

நடிகர் விஜய் நடிப்பில் கடந்த மாதம் வெளியான லியோ திரைப்படம் பிளாக்பஸ்டர் ஹிட் ஆனது. லோகேஷ் கனகராஜ் இயக்கிய இப்படம் பாக்ஸ் ஆபிஸில் ரூ.600 கோடிக்கு மேல் வசூலை வாரிக்குவித்து சாதனை படைத்தது. நடிகர் விஜய்யின் கெரியரில் அதிக வசூல் செய்த படமாகவும் லியோ உருவெடுத்துள்ளது. இப்படத்தின் வெற்றியை பிரம்மாண்ட விழா நடத்தி கொண்டாடிய நடிகர் விஜய், அடுத்ததாக தளபதி 68 படத்தின் பணிகளில் பிசியாக உள்ளார்.

thalapathy 68 team

நடிகர் விஜய்யின் தளபதி 68 திரைப்படத்தை வெங்கட் பிரபு இயக்கி வருகிறார். இவர் விஜய்யுடன் கூட்டணி அமைப்பது இதுவே முதன்முறை. விஜய்யின் பிகில் படத்தை தயாரித்த ஏஜிஎஸ் நிறுவனம் தான் தளபதி 68 படத்தையும் தயாரித்து வருகிறது. இப்படத்தில் நடிகர் விஜய்யுடன் சினேகா, லைலா, மீனாட்சி செளத்ரி, பிரசாந்த், பிரபுதேவா, மைக் மோகன், பிரேம்ஜி என மிகப்பெரிய நட்சத்திர பட்டாளமே நடித்து வருகிறது. யுவன் சங்கர் ராஜா இப்படத்திற்கு இசையமைக்கிறார்.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Thalapathy 68 vijay

தளபதி 68 படத்தின் முதற்கட்ட படப்பிடிப்பு சென்னையில் நடைபெற்றது. இங்கு பாடல்காட்சியை படமாக்கிய படக்குழு, அடுத்தக்கட்ட படப்பிடிப்புக்காக தாய்லாந்து சென்றிருந்தனர். அங்கு விஜய் நடித்த அதிரடியான ஆக்‌ஷன் காட்சியை படமாக்கி இருந்தனர். தற்போது தாய்லாந்து ஷெட்யூலை முடித்துக் கொண்டு மீண்டும் சென்னை திரும்பிவிட்டது படக்குழு, அடுத்தக்கட்ட படப்பிடிப்பு விரைவில் தொடங்கும் என எதிர்பார்க்கப்படுகிறது.

Thalapathy 68 story

இந்த நிலையில் தளபதி 68 படத்தின் கதை குறித்த தகவல் ஒன்று கசிந்துள்ளது. அதன்படி இது கடந்த 2012-ம் ஆண்டு வெளிவந்த லூப்பர் என்கிற ஹாலிவுட் படத்தின் ரீமேக் என்றும், இதில் நடிகர் விஜய் வில்லன் கேரக்டர் ஒன்றில் நடித்து வருவதாகவும் தகவல் பரவி வருகிறது. அண்மையில் விஜய் நடிப்பில் வெளிவந்த லியோ படமும் ஹிஸ்ட்ரி ஆஃப் வயலன்ஸ் என்கிற ஹாலிவுட் படத்தை தழுவி எடுக்கப்பட்டு இருந்த நிலையில், தற்போது தளபதி 68 படக்குழுவும் அதே பார்முலாவை பின்பற்றி உள்ளதாக கூறப்படுகிறது. ஆனால் படக்குழு தரப்பில் இதுவரை எந்தவித தகவலும் வெளியிடப்படவில்லை என்பது குறிப்பிடத்தக்கது.

இதையும் படியுங்கள்...  பிக்பாஸ் வீட்டில் இருந்து எலிமினேட் ஆன ஐஷூவுக்கு இத்தனை லட்சம் சம்பளம் வழங்கப்பட்டதா? வெளியான ஷாக்கிங் தகவல்