அதிரடி மாற்றங்களுடன் களமிறங்கும் DC and RR – 2ஆவது முறையாக டெல்லியை வீழ்த்துமா ஆர்ஆர்?

டெல்லி கேபிடல்ஸ் அணிக்கு எதிரான 56ஆவது லீக் போட்டியில் டாஸ் வென்ற ராஜஸ்தான் ராயல்ஸ் கேப்டன் சஞ்சு சாம்சன் பவுலிங் தேர்வு செய்துள்ளார்.

DC vs RR IPL 2024

டெல்லியிலுள்ள அருண் ஜெட்லி மைதானத்தில் நடைபெறும் 56ஆவது லீக் போட்டியில் டெல்லி கேபிடல்ஸ் மற்றும் ராஜஸ்தான் ராயல்ஸ் அணிகள் மோதுகின்றன. இந்தப் போட்டியில் டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன் பவுலிங் தேர்வு செய்துள்ளார். இரு அணிகளிலும் சில மாற்றங்கள் செய்யப்பட்டுள்ளது.

DC vs RR IPL 2024

ராஜஸ்தான் ராயல்ஸ் அணியில் ஷுபம் துபே மற்றும் டோனோவன் ஃபெரேரா ஆகியோர் இடம் பெற்றுள்ளனர். இதே போன்று டெல்லி கேபிடல்ஸ் அணியில் இஷாந்த் சர்மா மற்றும் குல்பதீன் நைப் இருவரும் இடம் பெற்றுள்ளனர். இதற்கு முன்னதாக இந்த சீசனில் இரு அணிகளும் ஒரு முறை மோதியுள்ளன. இதில், ராஜஸ்தான் ராயல்ஸ் 12 ரன்கள் வித்தியாசத்தில் வெற்றி பெற்றுள்ளது

DC vs RR IPL 2024

ராஜஸ்தான் ராயல்ஸ்:

யஷஸ்வி ஜெய்ஸ்வால், சஞ்சு சாம்சன் (கேப்டன், விக்கெட் கீப்பர்), ரியான் பராக், டோனாவன் ஃபெரேரா, ரோவ்மன் பவல், ஷுவம் துபே, ரவிச்சந்திரன் அஸ்வின், டிரெண்ட் போல்ட், ஆவேஷ் கான், சந்தீப் சர்மா, யுஸ்வேந்திர சாஹல்.

டெல்லி கேபிடல்ஸ்:

ஜாக் ஃப்ரேசர் மெக்கர்க், அபிஷேக் போரெல், ஷாய் ஹோப், ரிஷப் பண்ட் (கேப்டன், விக்கெட் கீப்பர்), டிரிஸ்டன் ஸ்டப்ஸ், குல்பதீன் நைப், அக்‌ஷர் படேல், குல்தீப் யாதவ், முகேஷ் குமார், இஷாந்த் சர்மா, கலீல் அகமது.

DC vs RR IPL 2024

இதற்கு முன்னதாக இரு அணிகளும் 28 போட்டிகளில் மோதியுள்ளன. இதில், ராஜஸ்தான் ராயல்ஸ் 15 போட்டிகளிலும், டெல்லி கேபிடல்ஸ் 13 போட்டிகளிலும் வெற்றி பெற்றுள்ளன. அருண் ஜெட்லி மைதானத்தில் நடைபெற்ற 80 போட்டிகளில் டெல்லி கேபிடல்ஸ் 34 போட்டிகளில் வெற்றியும், 44 போட்டிகளில் தோல்வியும் அடைந்துள்ளது. ஒரு போட்டிக்கு முடிவு இல்லை. ஒரு போட்டி டையில் முடிந்துள்ளது.

DC vs RR IPL 2024

மேலும், இந்த மைதானத்தில் இரு அணிகளும் மோதிய 8 போட்டிகளில் 5ல் டெல்லி கேபிடல்ஸ் அணியும், 3ல் ராஜஸ்தான் ராயல்ஸ் அணியும் வெற்றி பெற்றுள்ளன என்பது குறிப்பிடத்தக்கது.