Mobile Phone Charger : ஸ்மார்ட்போன்கள் விதவிதமான கலர்ல வந்தாலும், சார்ஜர் மட்டும் ஏன் கருப்பு இல்லைனா வெள்ளை நிறத்துல இருக்கு? இதுக்கு பின்னாடி டெக்னாலஜி, பாதுகாப்பு என பல காரணங்கள் இருக்கு. அது என்னன்னு பார்ப்போம்
இன்றைய சூழலில் மொபைல் போன் என்பது அனைவர் மத்தியிலும் ஒரு அத்தியாவசிய பொருளாக மாறிவிட்டது. போன் இல்லாதவர்களை பார்ப்பதே அபூர்வமாக இருக்கிறது. இப்படி அனைவரும் அன்றாடம் பயன்படுத்தும் மொபைல் போன்கள் வாங்கும் போது அதனுடன் சார்ஜரும் வழங்கப்படும். அந்த சார்ஜர் பெரும்பாலும் வெள்ளை அல்லது கருப்பு நிறத்தில் தான் இருக்கும். அது ஏன் என்பதை இந்த தொகுப்பில் பார்க்கலாம்.
போன் சார்ஜ் ஆகும்போது சார்ஜர்ல சூடு ஏறும். அப்போது வெள்ளை நிற சார்ஜர்கள் சூட்டை வெளியேத்த ரொம்ப உதவியா இருக்கு. இதனால சார்ஜர் அதிகமா சூடாகுறது தவிர்க்கப்படுது, விபத்துகளும் குறையுது.
ஸ்மார்ட்போன் கம்பெனிகள் லட்சக்கணக்குல சார்ஜர் தயாரிப்பாங்க. கருப்பு, வெள்ளை பிளாஸ்டிக் பயன்படுத்தினா உற்பத்தி ஈஸியா முடியும். மத்த கலர் மாதிரி இதுக்கு தனியா சாயம் தேவையில்லை. மெஷின்களை அடிக்கடி சுத்தம் செய்ய வேண்டிய வேலையும் மிச்சம். இதனால நேரமும் மிச்சம், செலவும் கம்மி. அதனை கருத்தில் கொண்டே இந்த இரு நிறங்களை பெரும்பாலும் பயன்படுத்துகிறார்கள்.
35
பாதுகாப்பு சோதனையும் ஈஸி!
சார்ஜர்கள் மார்க்கெட்டுக்கு வர்றதுக்கு முன்னாடி, தீ விபத்து, ஷார்ட் சர்க்யூட் மாதிரியான கடுமையான சோதனைகளுக்கு உட்படுத்தப்படும். கருப்பு, வெள்ளை பிளாஸ்டிக் மேல தீக்காயங்கள், புகைக்கறை, உருகின பாகங்கள் எல்லாம் தெளிவா தெரியும். இதனால குறைபாடுகளை சீக்கிரம் கண்டுபிடிக்க முடியும். வாங்கும்போதே அதில் ஏதாவது குறைபாடு இருந்தால் உடனே மாற்றிக் கொள்ள உதவியாக இருக்கும்.
இந்த ரெண்டு நிறங்களுக்கு பயன்படுத்துற பிளாஸ்டிக் ஃபார்முலாவுக்கு பாதுகாப்பு ஏஜென்சிகள் ஏற்கனவே அனுமதி கொடுத்திருக்கு. புதுசா வேற கலர் பயன்படுத்தினா, மறுபடியும் புதுசா டெஸ்ட் பண்ணி அனுமதி வாங்கணும். இதனால உற்பத்தி லேட் ஆகும். கருப்பு, வெள்ளை நிறத்துல அந்தப் பிரச்னை இல்லை. உற்பத்தியும் சீக்கிரம் முடிவும், கம்மி செலவிலேயே சார்ஜர் தயாரிக்க முடியும்.
55
கலர் கலரா சார்ஜர் இருந்தா என்ன பிரச்சனை?
போனோட கலருக்கு மேட்சா சார்ஜர் வாங்க வேண்டிய அவசியமே இல்லை. கருப்பு, வெள்ளை சார்ஜர் எந்த போனுக்கும் பொருந்தும். ஒருவேளை சார்ஜர் ரிப்பேர் ஆனா, புதுசு வாங்குறது ரொம்ப ஈஸி. கலர் மேட்ச் ஆகுமான்னு டென்ஷன் வேண்டாம். ஆகமொத்தம், இந்த ரெண்டு நிறங்களும் ஏதோ எதேச்சையா செலக்ட் பண்ணல. சூட்டைக் கட்டுப்படுத்துறது, குறைஞ்ச செலவு, பாதுகாப்பு, வேகமான அனுமதி, வாடிக்கையாளர் வசதின்னு பல விஷயங்களை மனசுல வெச்சு எடுத்த முடிவுதான் இது. அதனாலதான் உங்க போன் எவ்வளவு கலர்ஃபுல்லா இருந்தாலும், சார்ஜர் சிம்பிளா இருக்கு.
