KGF 2 success Party : அஜித்தின் பஞ்ச் வசனத்துடன் கூடிய கேக் வெட்டி... கே.ஜி.எஃப் 2 வெற்றியை கொண்டாடிய யாஷ்

KGF 2 success Party : கே.ஜி.எஃப் 2 படத்தின் சக்சஸ் பார்ட்டியில் நடிகர் யாஷ், இயக்குனர் பிரசாந்த் நீல் உள்பட படக்குழுவினர் ஏராளமானோர் கலந்துகொண்டனர். 

பிரசாந்த் நீல் இயக்கத்தில் யாஷ் நடிப்பில் பிரம்மாண்டமாக உருவாகி உள்ள படம் கே.ஜி.எஃப் 2. பான் இந்தியா படமாக தயாரான இப்படம் கடந்த ஏப்ரல் 14-ந் தேதி உலகமெங்கும் 10 ஆயிரம் திரைகளில் வெளியிடப்பட்டன. ரசிகர்களின் எதிர்பார்ப்பை பூர்த்தி செய்யும் விதமாக செம்ம மாஸாக அமைந்திருந்த இப்படம் 12 நாட்களில் 900 கோடிக்கும் மேல் வசூலித்து சாதனை படைத்துள்ளது.

கே.ஜி.எஃப் 2 படத்தின் பிரம்மாண்ட வெற்றியைத் தொடர்ந்து அப்படத்தின் 3-ம் பாகமும் உருவாக உள்ளதாக அப்படத்தின் இறுதியில் அறிவித்திருந்தனர். இப்படத்திற்கான ஆரம்பக்கட்ட பணிகள் தொடங்கிவிட்டதாக அண்மையில் தகவல் வெளியானது. இதனால் அடுத்த பாகம் எப்படி இருக்கும், அதில் யாரெல்லாம் நடிக்கப் போகிறார்கள் என்பதை தெரிந்துகொள்ள ரசிகர்கள் ஆவலோடு உள்ளனர்.

இந்நிலையில், கே.ஜி.எஃப் 2 படத்தின் பிரம்மாண்ட வெற்றியை அப்படக்குழு கேக் வெட்டி கொண்டாடி உள்ளது. கோவாவில் நடைபெற்ற கே.ஜி.எஃப் 2 படத்தின் சக்சஸ் பார்ட்டியில் நடிகர் யாஷ், இயக்குனர் பிரசாந்த் நீல் உள்பட படக்குழுவினர் ஏராளமானோர் கலந்துகொண்டனர். இதுகுறித்த புகைப்படங்களும் வெளியாகி உள்ளன.

இந்த சக்சஸ் பார்ட்டியில் வெட்டப்பட்ட கேக்கில் ஆரம்பம் படத்தில் அஜித் பேசும் “It's Just the Beginning.. " என்கிற பஞ்ச் வசனமும் இடம்பெற்றிருந்தது. இதன்மூலம் கே.ஜி.எஃப் படத்தின் 3-ம் பாகம் மிகவும் பிரம்மாண்டமாக இருக்கும் என்பதை படக்குழு சூசகமாக சொல்லி உள்ளது. சக்சஸ் பார்ட்டியில் எடுத்த புகைப்படங்கள் சமூக வலைதளங்களில் வைரலாகி வருகிறது.

இதையும் படியுங்கள்... Director Nelson : பீஸ்ட் படத்தின் நெகடிவ் விமர்சனங்களுக்கு நெல்சன் கொடுத்த பாசிடிவ் பதில்