'தளபதி 66' அடுத்த ஷெட்யூல் எங்கு? எப்போது? தெரியுமா..

'தளபதி 66' படத்தில் விஜய் இரட்டை வேடத்தில் நடிப்பதாக கூறப்படுகிறது. இந்த படத்தின் மூன்றாம் கட்ட படப்பிடிப்பு குறித்த தகவல் தற்போது கசிந்துள்ளது.

vijay 66

நெல்சன் இயக்கத்தில் வெளியான பீஸ்ட் படத்தையடுத்து தற்போது விஜய் தெலுங்கு இயக்குனர் வம்சி இயக்கத்தில் 66 வது படத்தில் இணைந்துள்ளார். இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார். ஸ்ரீ வெங்கடேஷ்வரா கிரியேசன்ஸ் சார்பாக தில் ராஜு இப்படத்தை தயாரிக்கிறார்.  தமன் இசையமைக்கிறார்.

vijay 66

சரத்குமார், பிரபு, பிரகாஷ் ராஜ், ஸ்ரீகாந்த், சங்கீதா என பல முன்னணி நட்சத்திரங்கள் நடிக்கிறார்கள். இப்படம் ஒரே நேரத்தில் தமிழ் மற்றும் தெலுங்கு ஆகிய இரு மொழிகளில் தயாராக உள்ளது. சென்னையில் முதல் கட்ட படப்பிடிப்பு முடிவடைந்ததை அடுத்து  சில வாரங்களுக்கு முன்பு ஹைதராபாத்தில் ஒரு முக்கிய ஷெட்யூலை முடித்துள்ளனர். இதையடுத்து இன்று  'தளபதி 66' சென்னை ஷெட்யூல் இன்று தொடங்குகிறது என்று சமீபத்திய தகவல்கள் தெரிவிக்கின்றன.

vijay 66

முன்னதாக FEFSI தொழிற்சங்கத் தலைவர் ஆர்.கே. செல்வமணி சென்னையில் உள்ள சினிமா  தொழிலாளர்களுக்கு உதவுமாறு விஜய்யிடம் கோரியதை அடுத்து, 'தளபதி 66' படத்தின் பெரிய ஷெட்யூல் ஹைதராபாத்தில் இருந்து சென்னைக்கு மாற்றப்பட்டுள்ளது. இப்படத்தின் படப்பிடிப்புக்காக சென்னையில் பிரமாண்ட செட் போடப்பட்டு, படத்தின் அடுத்த ஷெட்யூல் அடுத்த சில வாரங்களுக்கு பிலிம் சிட்டியில் நடக்கவுள்ளதாக தெரிகிறது.

vijay 66

படப்பிடிப்பு ஒரு பாடல் காட்சியுடன் தொடங்கும் என்று எதிர்பார்க்கப்படுகிறது. பின்னர் முக்கிய பகுதிகளை படமாக்க திட்டமிடப்பட்டுள்ளது. விஜய், ராஷ்மிகா மந்தனா மற்றும் 'தளபதி 66' படத்தின் மற்ற முன்னணி நட்சத்திரங்கள் ஷெட்யூலின் ஒரு பகுதியாக இருப்பார்கள் எனவும் தெரிகிறது. மேலும் படப்பிடிப்பிற்கு இடையூறு ஏற்படாமல் இருக்க தயாரிப்பாளர்கள் ஷூட்டிங் ஸ்பாட்டில் பாதுகாப்பை பலப்படுத்தியுள்ளனர்.

vijay 66

'தளபதி 66' படத்தில் விஜய் இரட்டை வேடத்தில் நடிப்பதாக கூறப்படுகிறது. ஹைதராபாத் ஷெட்யூலின் போது நடிகர் இரண்டு விதமான ஹேர் லுக்கில் காணப்பட்டார். குடும்ப செண்டிமெண்டாக உருவாகும் என எதிர்பார்க்கப்படும் இந்த படத்தின் ஹைதராபாத் படப்பிடிப்பை முடித்து கொண்டு சென்னை திரும்பிய விஜயின் புகைப்படம் வைரலானது.