Thalapathy 67 : விஜய்யை வைத்து மாஸ்டர் படத்தை இயக்கிய லோகேஷ் கனகராஜ், அடுத்ததாக தளபதி 67 படத்தை இயக்க உள்ளதாக தகவல் வெளியாகி உள்ளது.
விஜய் நடிப்பில் அண்மையில் வெளியான பீஸ்ட் திரைப்படத்தை நெல்சன் இயக்கி இருந்தார். செல்வராகவன், பூஜா ஹெக்டே, ஷான் டாம் சாக்கோ, அபர்ணா தாஸ், விடிவி கணேஷ், யோகி பாபு என மிகப்பெரிய நட்சத்திர பட்டாளமே நடித்திருந்த இப்படம் எதிர்பார்த்த வெற்றியை பெறவில்லை. இருப்பினும் பாக்ஸ் ஆபிஸில் நல்ல வசூல் பார்த்து வருகிறது.
இதையடுத்து தளபதி 66 படத்தில் நடித்து வருகிறார் விஜய். இப்படத்தை இயக்குனர் வம்சி இயக்குகிறார். தில் ராஜு தயாரிக்கும் இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார். மேலும் சரத்குமார், ஷியாம் ஆகியோர் முக்கிய கதாபாத்திரங்களில் நடிக்கின்றனர். தமன் இப்படத்திற்கு இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.
இப்படத்தை தொடர்ந்து விஜய் நடிக்கும் 67-வது படத்தை இயக்குனர் லோகேஷ் கனகராஜ் இயக்க உள்ளதாக கூறப்படுகிறது. ஏற்கனவே விஜய்யை வைத்து மாஸ்டர் படத்தை இயக்கி வெற்றிகண்ட லோகேஷ், இப்படத்தின் மூலம் இரண்டாவது முறையாக இணைய உள்ளதாக தகவல் வெளியாகி உள்ளது. இப்படத்தின் ஷூட்டிங் வருகிற அக்டோபர் மாதம் தொடங்க உள்ளதாம்.
இந்நிலையில் இப்படம் குறித்து மேலும் ஒரு முக்கிய அப்டேட் வெளியாகி உள்ளது. இயக்குனர் லோகேஷ் கனகராஜ் கடந்த சில ஆண்டுகளுக்கு முன் கமல் தயாரிப்பில் ரஜினி நடிக்க இருந்த படத்துக்காக கதை எழுதி இருந்தார். சில காரணங்களால் இப்படம் கைகூடாமல் போனது. இந்த படத்துக்கு எழுதிய கதையை தான் தற்போது விஜய் கேட்டு ஓகே சொல்லி உள்ளதாக கூறப்படுகிறது.
இதையும் படியுங்கள்... பீஸ்ட்-ஐ தொடர்ந்து பாலிவுட் படத்தையும் பதம் பார்த்த ராக்கி பாய்... கே.ஜி.எஃப் 2-வால் மரண அடி வாங்கிய ஜெர்ஸி