கோலிவுட் திரையுலக ரசிகர்கள் மனதில் ராணியாக சிம்மாசனம் போட்டு அமர்ந்திருப்பவர் நயன்தாரா. தனது அசத்தல் நடிப்பால் லேடி சூப்பர் ஸ்டார் என்ற படத்திற்கு சொந்தக்காரியாக வலம் வருகிறார். டாப் ஹீரோக்களின் படம் என்றாலே ஹீரோயின்கள் வேட்டையில் பர்ஸ்ட் சாய்ஸ் நயன் தான் என்கிற அளவிற்கு, முன்னணி ஹீரோக்களும் கால்ஷீட் கேட்டு காத்திருக்கின்றனர். படத்தில் ஹீரோவை உருகி, உருகி காதலிக்கும் ஹீரோயின் கதாபாத்திரங்களை எல்லாம் விட்டுவிட்டு, கதையின் நாயகியாக வலம் வரக்கூடிய படங்களை மட்டுமே தேர்வு செய்து நடிப்பதில் நயன் கவனம் செலுத்தி வருகிறார்.
அப்படி நயன்தாரா நடிப்பில் வெளியான, மாயா ஐரா, அறம், கோலமாவு கோகிலா, இமைக்கா நொடிகள் உள்ளிட்ட பல படங்கள் வசூல் மற்றும் விமர்சன ரீதியாக நல்ல வரவேற்பை பெற்றது.
கடந்த ஆண்டு தீபாவளி விருந்தாக ஆர்.ஜே.பாலாஜி இயக்கத்தில் நயன்தாரா அம்மன் வேடத்தில் நடித்திருந்த 'மூக்குத்தி அம்மன்' திரைப்படம் ரசிகர்களிடையே நல்ல வரவேற்பை பெற்றுள்ளது. இந்த படத்தில் மரண மாஸான நடிப்பை வெளிப்படுத்தியிருக்கிறார். அரசியல் செய்யும் சாமியார்கள் பற்றியும் இந்த படம் புட்டு புட்டு வைத்துள்ளது.
இந்நிலையில் இதை தொடர்ந்து மிகவும் வித்தியாசமான கதைக்களத்தில், கதையின் நாயகியாக நயன்தாரா நடிப்பில் உருவாகி வரும் 'நெற்றிக்கண்' திரைப்படத்தை... அவரது காதலர் விக்னேஷ் சிவன் ரவுடி பிக்சர்ஸ் நிறுவனம் மூலம் தயாரித்து வருகிறார். இந்த படத்தின் டீஸர் நயன்தாராவின் பிறந்தநாளை முன்னிட்டு வெளியான நிலையில், சில மணிநேரத்தில் ஒரு மில்லியனுக்கும் அதிகமான ரசிகர்களால் பார்க்கப்பட்டு சாதனை படைத்தது.
இந்நிலையில் இந்த படத்தின் ஃபர்ஸ்ட் சிங்கிள் பாடல் குறித்த தகவலை இயக்குனர் விக்னேஷ் சிவன் தன்னுடைய சமூக வலைதள பக்கத்தில் வெளியிட்டுள்ளார். ’இதுவும் கடந்து போகும்’ என்று தொடங்கும் இந்த பாடல் கிரிஷ் கோபாலகிருஷ்ணன் இசையில், சித்ஸ்ரீராம் பாடியுள்ள இந்த பாடல் விரைவில் வெளியாக உள்ளது என அறிவித்துள்ளார். ஆனால் பாடல் ரிலீஸ் ஆகும் தேதி குறித்த எந்த தகவலையும் வெளியிடவில்லை.
சைக்கோ த்ரில்லர் கதையை மையமாக கொண்டு உருவாக்கப்பட்டுள்ள நெற்றிக்கண் திரைப்படம் ரசிகர்களிடையே மிகுந்த எதிர்பார்ப்பை உருவாகியுள்ளது என்பது குறிப்பிடத்தக்கது.
சேனலை கிளிக் செய்து பின்தொடரவும்