Veetla Vishesham Box office Collection: ஆர்.ஜே.பாலாஜி நடிப்பு, இயக்கத்தில் கடந்த ஜுன் 17ம் தேதி வெளியான வீட்ல விசேஷம் திரைப்படம், வசூலில் கோடிகளை கடந்து கல்லா கட்டி வருகிறது.
ஆர்.ஜே.பாலாஜி வானொலியில் பணியாற்றிக் கொண்டிருந்த இவர் காமெடி நடிகராக சின்ன சின்ன கதாபாத்திரங்கள் மூலம் சினிமாவில் நடிக்க தொடங்கினார். பின் ஹீரோவாக ஒரு படத்தில் கூட கலக்கினார், அப்படியே இயக்குனர் அவதாரமும் எடுத்தார்.
இதையடுத்து நயன்தாராவுடன் மூக்குத்தி அம்மன் படத்தை இயக்கினார். இப்படம் கடந்த 2020-ம் ஆண்டு நேரடியாக ஓடிடி-யில் வெளியாகி வரவேற்பை பெற்றது.இந்த வெற்றிப்படத்திற்கு பிறகு ஆர்.ஜே.பாலாஜி இயக்கியுள்ள திரைப்படம் தான் வீட்ல விசேஷம் ஆகும். இதையடுத்து, சினிமாவில் தற்போது இயக்குனர், நடிகர் என கலக்கி வருகிறார். பின்னர், நயன்தாராவை வைத்து இயக்கிய மூக்குத்தி அம்மன் என்ற வெற்றிப்படத்திற்கு பிறகு ஆர்.ஜே.பாலாஜி இயக்கியுள்ள திரைப்படம் தான் வீட்ல விசேஷம் ஆகும்.
பிரபல நகைச்சுவை நடிகரும், இயக்குநருமான ஆர்.ஜே.பாலாஜி மற்றும் என்.ஜே.சரவணன் ஆகியோர் இணைந்து இயக்கிய திரைப்படம் வீட்ல விசேஷம். கடந்த ஜுன் 17ம் தேதி தமிழில் வெளியான இந்த படம் இந்தியில் ஆயுஷ்மான் குர்ரானா நடிப்பில் வெளியாகி பிளாக்பஸ்டர் ஹிட்டான ''பதாய் ஹோ'' படத்தின் தமிழ் ரீமேக் ஆகும்.
முழுக்க முழுக்க நகைச்சுவை கதையம்சம் கொண்ட இந்த படத்தில், ஆர்.ஜே.பாலாஜியும் சேர்ந்து, நடிகை ஊர்வசி, சத்யராஜ், லலிதா என அனுபமிக்க நடிகர், நடிகைகள் நடித்துள்ளனர். படத்திற்கு ரசிகர்களும் நல்ல வரவேற்பை கொடுத்துள்ளனர். இப்படத்தை வலிமை படத்தின் தயாரிப்பாளர் போனி கபூர் தயாரித்துள்ளார். குறிப்பாக பேமிலி ஆடியன்ஸ் படத்திற்கு நல்ல வரவேற்பை கொடுத்துள்ளனர்.
இந்த நிலையில், இந்த படத்தின் வசூல் விவரம் தொடர்ந்து வெளியாகி வருகிறது. இப்படம் பாக்ஸ் ஆபிஸில் பட்டையை கிளப்பி வருகிறது. முதல் நாளிலேயே நல்ல வசூலை எட்டிய வீட்ல விசேஷம் தற்போது வரை மொத்தமாக ரூ. 10 கோடிக்கு மேல் வசூலித்து ஹிட் லிஸ்டில் இடம்பெற்றுள்ளதாக கூறப்படுகிறது. வரும் நாட்களிலும் படம் நல்ல வசூல் வேட்டை நடத்தும் என்கின்றனர் சினிமா துறை வல்லுநர்கள். முன்னதாக, படத்திற்கு மக்கள் கொடுத்த நல்ல வரவேற்பிற்கு, படக்குழுவினர் பத்திரிக்கையாளர்களை சந்தித்து படத்தை ஹிட் ஆக்கியதற்கு நன்றி தெரிவித்தார்கள்.
சேனலை கிளிக் செய்து பின்தொடரவும்