எந்த தொடர்பும் இல்ல... இத்தோட நிறுத்திக்கோங்க! நயினார் நாகேந்திரனுக்கு தரமான பதிலடி கொடுத்த த்ரிஷா

நடிகை த்ரிஷாவையும், விஜய்யையும் தொடர்புபடுத்தி பேசி தமிழக பாஜக தலைவர் நயினார் நாகேந்திரன் பரபரப்பை ஏற்படுத்திய நிலையில், அதற்கு நடிகை த்ரிஷா பதிலடி கொடுத்துள்ளார்.

Trisha Befitting Reply to Nainar Nagendran

தமிழக பாஜக தலைவர் நயினார் நாகேந்திரன் செய்தியாளர்களிடம் பேசும்போது, நடிகர் விஜய் மற்றும் நடிகை த்ரிஷா தொடர்பாக சர்ச்சைக்குரிய கருத்துகளை தெரிவித்தார். விஜய்யின் தனிப்பட்ட வாழ்க்கை குறித்தும், த்ரிஷாவுடனான தொடர்பு பற்றியும் அவர் குறிப்பிட்டு பேசியது பெரும் விவாதத்தை ஏற்படுத்தியது. இந்த சர்ச்சைக்குப் பிறகு விஜய் மற்றும் த்ரிஷா இருவரும் நீண்ட நாட்களாக எந்த பதிலும் அளிக்காமல் இருந்தனர். இது சமூக ஊடகங்களில் பரவலான விவாதங்களுக்கு வழிவகுத்தது.

நடிகை த்ரிஷா கண்டனம்

இந்த நிலையில், நடிகை த்ரிஷா தனது வழக்கறிஞர் மூலம் அதிகாரப்பூர்வ அறிக்கை ஒன்றை வெளியிட்டுள்ளார். அதில் மாநிலத்தில் முக்கிய பதவியில் உள்ள ஒருவர் இவ்வாறு பொருத்தமற்ற கருத்துகளை வெளியிடுவார் என்று எதிர்பார்க்கவில்லை என்று த்ரிஷா தெரிவித்துள்ளார். த்ரிஷா எந்த அரசியல் கட்சியுடனும் இணைந்ததில்லை என்றும், எதிர்காலத்திலும் அத்தகைய திட்டம் இல்லை என்றும் தெளிவாக கூறப்பட்டுள்ளது.

அரசியலுக்கு வரமாட்டேன்

அரசியல் விஷயங்களில் எப்போதும் நடுநிலை வகிப்பவர் என்பதை வலியுறுத்தியுள்ளார். த்ரிஷா தனது திரைப்பட பணிகள் மூலம் மட்டுமே அறியப்பட விரும்புகிறார். எந்த அரசியல் இணைப்பு மூலமும் அல்ல என்று குறிப்பிடப்பட்டுள்ளது. ஒருவரின் தனிப்பட்ட விஷயங்கள் பொது விவாதத்திற்கு உட்படுத்தப்படக் கூடாது என்பது அடிப்படை மரியாதை என்று அந்த அறிக்கையில் வலியுறுத்தப்பட்டுள்ளது.

எச்சரிக்கை விடுத்த த்ரிஷா

உயர் பதவிகளில் உள்ளவர்கள் பொதுவில் பேசும்போது மிகுந்த கவனத்துடனும் பொறுப்புடனும் செயல்பட வேண்டும் என்று எதிர்பார்க்கப்படுகிறது. த்ரிஷாவுக்கு எந்த தொடர்பும் இல்லாத விஷயங்களில் அவரது பெயரை இழுப்பதை நிறுத்த வேண்டும் என்று கேட்டுக்கொள்ளப்பட்டுள்ளது. இந்த சட்ட அறிக்கை வெளியான பின்னர், சமூக ஊடகங்களில் த்ரிஷாவுக்கு ஆதரவாக பலரும் குரல் கொடுத்து வருகின்றனர்.