OTT Thriller Movies: நாவல்களை தழுவி எடுக்கப்பட்ட 5 தரமான த்ரில்லர் படங்கள்... ஓடிடியில் மிஸ் பண்ணாதீங்க!

OTT: பிரபலமான நாவல்களை அடிப்படையாகக் கொண்டு எடுக்கப்பட்ட 5 பெஸ்ட் சஸ்பென்ஸ் த்ரில்லர் படங்களின் லிஸ்ட் இது. ஓடிடியில் இருக்கும் இந்தப் படங்களை த்ரில்லர் ரசிகர்கள் கண்டிப்பா பார்க்கணும்.

நாவல்களை மையமாக வைத்து வந்த சஸ்பென்ஸ் த்ரில்லர் படங்கள்

நாவல்களை அடிப்படையாகக் கொண்டு சினிமா எடுப்பது இண்டஸ்ட்ரிக்கு புதுசு கிடையாது. ரொம்ப காலமாகவே பெஸ்ட் செல்லர் நாவல்களை வைத்து இயக்குநர்கள் பிளாக்பஸ்டர் ஹிட் கொடுத்து வருகிறார்கள். அப்படி ஓடிடி தளங்களில் இருக்கும் சில சஸ்பென்ஸ் த்ரில்லர் படங்களைப் பற்றி இன்று நாம் பார்க்கலாம்.

1. கான் கேர்ள் (Gone Girl)

ஐஎம்டிபி தளத்தில் 8.1 ரேட்டிங் பெற்ற படம் இது. திருமணமான ஐந்தாவது ஆண்டு விழாவன்று மனைவி திடீரென காணாமல் போகிறாள். அவளைத் தேடும் பயணத்தை சுற்றியே கதை நகரும். கில்லியன் ஃபிளின் எழுதிய பிரபலமான த்ரில்லர் நாவலை வைத்து இந்தப் படத்தை எடுத்திருக்கிறார்கள். இது ஒரு அருமையான சைக்கலாஜிக்கல் த்ரில்லர். கதையில் வரும் எதிர்பாராத ட்விஸ்ட்கள் ஆடியன்ஸை ஆச்சரியப்படுத்தும். சஸ்பென்ஸ், மிஸ்ட்ரி பிடிக்கும் என்பவர்களுக்கு இது பெஸ்ட் சாய்ஸ். அமேசான் பிரைம் வீடியோவில் இந்தப் படம் ஸ்ட்ரீம் ஆகிறது.

2. தி பேல் ப்ளூ ஐ (The Pale Blue Eye)

லூயிஸ் பேயார்ட் எழுதிய வரலாற்று மிஸ்ட்ரி நாவலை வைத்து இந்த ஹாரர் மிஸ்ட்ரி த்ரில்லர் படத்தை உருவாக்கியுள்ளனர். 1830-களில் நடப்பது போல கதை அமைக்கப்பட்டிருக்கும். ஒரு மிலிட்டரி அகாடமியில் நடந்த கொடூரமான கொலையை விசாரிக்க ஒரு டிடெக்டிவ் வருகிறார். இந்த மர்டர் மிஸ்ட்ரியை கண்டுபிடிக்க அதே அகாடமியைச் சேர்ந்த ஒரு இளம் கேடட் அவருக்கு உதவி செய்கிறான். அந்த இளம் கேடட் பிற்காலத்தில் பெரிய எழுத்தாளராக மாறுகிறான். விசாரணை நகர நகர பல ரகசியங்கள் வெளிவரும். மிஸ்ட்ரி, க்ரைம் த்ரில்லர் படங்களை விரும்புபவர்கள் நெட்ஃபிளிக்ஸில் உள்ள இந்தப் படத்தைப் பார்க்கலாம்.

3. லீவ் தி வேர்ல்ட் பிஹைண்ட் (Leave the World Behind)

ருமான் ஆலம் எழுதிய நாவலை அடிப்படையாகக் கொண்டு இந்தப் படத்தை எடுத்திருக்கிறார்கள். ஐஎம்டிபி தளத்தில் இதற்கு 6.4 ரேட்டிங் உள்ளது. ரிலீசான பிறகு இந்தப் படம் பற்றி நிறைய விவாதங்கள் நடந்தன. நியூயார்க் நகரத்திற்கு அருகில் உள்ள ஒரு அழகான வீட்டை வாடகைக்கு எடுத்து ஒரு குடும்பம் விடுமுறையை கொண்டாட செல்கிறது. ஆனால், எதிர்பாராத சைபர் அட்டாக் காரணமாக உலகம் முழுவதும் கம்யூனிகேஷன் சிஸ்டம் முடங்கிவிட்டதை அவர்கள் தெரிந்து கொள்கிறார்கள். அதன்பிறகு அடுத்தடுத்து பல விசித்திரமான சம்பவங்கள் நடக்கும். தகவல் தொடர்பு முடங்கும் போது ஏற்படும் பயம், உயிர் பிழைக்க நடக்கும் போராட்டத்தை இந்தப் படத்தில் அருமையாக காட்டியிருக்கிறார்கள். இது ஒரு வித்தியாசமான சர்வைவல் த்ரில்லர். நெட்ஃபிளிக்ஸில் பார்க்கலாம்.

4. மோனிகா, ஓ மை டார்லிங் (Monica, O My Darling)

ராஜ்குமார் ராவ், ராதிகா ஆப்தே, சிக்கந்தர் கெர் ஆகியோர் முக்கிய வேடங்களில் நடித்த இந்தப் படமும் ஒரு நாவலை மையமாக வைத்துதான் வந்தது. ஜப்பானிய எழுத்தாளர் கீகோ ஹிகாஷினோ எழுதிய 'புருடாசு நோ ஷின்ஜோ' நாவலை வைத்து இந்த இந்தி டார்க் காமெடி க்ரைம் த்ரில்லரை எடுத்திருக்கிறார்கள். ஒரு ரோபோடிக்ஸ் எக்ஸ்பர்ட் தனது கம்பெனியிலேயே வேலை செய்யும் பெண்ணுடன் தொடர்பு வைத்துக் கொள்கிறான். ஆனால், அதன்பிறகு அவள் அவனை பிளாக்மெயில் செய்யத் தொடங்குகிறாள். இதனால் அவன் எதிர்பாராத சிக்கல்களில் மாட்டிக் கொள்கிறான். காமெடி, க்ரைம், சஸ்பென்ஸ் மற்றும் அதிரடியான ட்விஸ்ட்கள் இந்தப் படத்திற்கு ஹைலைட். ஐஎம்டிபி-யில் 7.4 ரேட்டிங் உள்ள இந்தப் படம் நெட்ஃபிளிக்ஸில் ஸ்ட்ரீம் ஆகிறது.

5. காட்ஸ் க்ரூக்கட் லைன்ஸ் (God's Crooked Lines)

டோர்குவாடோ லூகா டி டெனா நாவலை வைத்து வந்த இந்தப் படம் ஒரு அருமையான மைண்ட்-கேம் த்ரில்லர். ஒரு பிரைவேட் இன்வெஸ்டிகேட்டர் மனநல காப்பகத்தில் நோயாளியாக சேருவதில் இருந்து கதை தொடங்குகிறது. அங்கு ஒரு நோயாளியின் மர்ம மரணத்திற்கு பின்னால் உள்ள உண்மையை கண்டுபிடிப்பதே அவளது டார்கெட். ஆனால், விசாரணை நகர நகர மருத்துவமனை டாக்டர்கள் சொல்லும் வார்த்தைகள், ஆலிஸின் மனநிலை மீது வரும் சந்தேகங்கள் என எது உண்மை, எது பொய் என்ற குழப்பத்தை உருவாக்கும். ஆடியன்ஸும் எது உண்மை, எது பொய் என்று மண்டையை பிய்த்துக் கொள்வார்கள். கடைசி வரை விறுவிறுப்பாக செல்லும் இந்தப் படம் மிஸ்ட்ரி, சைக்கலாஜிக்கல் த்ரில்லர் ரசிகர்களுக்கு பர்ஃபெக்ட் சாய்ஸ். இந்தப் படம் நெட்ஃபிளிக்ஸில் ஸ்ட்ரீம் ஆகிறது.