ஓடிடி தளங்களின் வளர்ச்சியால் தற்போது படங்களை திரையரங்குகளில் பார்ப்போர் எண்ணிக்கை கணிசமாக குறைந்து வருகிறது. ஒரு படம் தியேட்டரில் ரிலீஸ் ஆன 28 நாட்களில் ஓடிடிக்கு வந்துவிடுவதால், அதை வீட்டில் இருந்தபடியே ஓடிடியில் பார்க்கவே பெரும்பாலானோர் முனைப்பு காட்டி வருகின்றனர். இந்த நிலையில், ஓர்மேக்ஸ் தளம் வெளியிட்டுள்ள தரவுகளின் படி, கடந்த மே 36ந் தேதி முதல் ஜூன் 1ந் தேதி வரை ஓடிடியில் அதிகம் பார்க்கப்பட்ட படங்கள் மற்றும் வெப் தொடர்களின் பட்டியலை பார்க்கலாம்.
24
ஓடிடியில் அதிகம் பார்க்கப்பட்ட திரைப்படங்கள்
ஓடிடியில் அதிகம் பார்க்கப்பட்ட திரைப்படங்களின் பட்டியலில் நெட்பிளிக்ஸில் ஸ்ட்ரீம் ஆகி வரும் ஜான் ஆபிரஹாமின் தி டிப்ளோமேட் திரைப்படம் 5ம் இடத்தில் உள்ளது. இந்த படத்தை கடந்த வாரத்தில் மட்டும் 19 லட்சம் பார்வைகளை பெற்றுள்ளது. அடுத்ததாக மலையாளத்தில் பேசில் ஜோசப் நடிப்பில் வெளியாகி சூப்பர் டூப்பர் ஹிட்டான மரணமாஸ் திரைப்படம் நான்காம் இடத்தில் உள்ளது. சோனி லிவ் ஓடிடி தளத்தில் ஸ்ட்ரீம் ஆகிவரும் இப்படத்தை 23 லட்சம் வியூஸ் பெற்றுள்ளது.
34
முதலிடத்தில் மோகன்லால் படம்
3ம் இடத்தில் சல்மான் கான் நடித்த சிக்கந்தர் படம் உள்ளது. இப்படத்திற்கு நெட்பிளிக்ஸில் 26 லட்சம் வியூஸ் கிடைத்துள்ளது. அடுத்ததாக 2ம் இடத்தில் ஜாக் என்கிற தெலுங்கு படம் உள்ளது. நெட்பிளிக்ஸில் ஸ்ட்ரீம் ஆகிவரும் இப்படம் 28 லட்சம் பார்வைகளை பெற்றுள்ளது. இந்த பட்டியலில் முதலிடம் பிடித்துள்ள படம் துடரும். மோகன்லால் நடிப்பில் சூப்பர் டூப்பர் ஹிட் அடித்த இப்படம் கடந்த வாரத்தில் மட்டும் ஜியோ ஹாட்ஸ்டார் தளத்தில் 29 லட்சம் பார்வைகளை பெற்றிருக்கிறது.
சோனி லிவ்வில் ஸ்ட்ரீம் ஆகி வரும் kankhajura என்கிற இந்தி வெப் தொடர், 18 லட்சம் பார்வைகளை பெற்றுள்ளது. ஜியோ ஹாட்ஸ்டாரில் உள்ள Hai Junoon என்கிற தொடர் 20 லட்சம் பார்வைகளுடன் 4ம் இடத்தில் உள்ளது. The Last of Us என்கிற வெப்தொடரின் இரண்டாவது சீசன் ஜியோ ஹாட்ஸ்டாரில் ஸ்ட்ரீம் ஆகி வருகிறது. இந்த வெப் தொடர் 21 லட்சம் பார்வைகளுடன் 3ம் இடத்தில் உள்ளது. தமிழ் வெப் தொடரான ஹார்ட் பீட் சீசன் 2 ஜியோ ஹாட்ஸ்டாரில் 22 லட்சம் வியூஸ் உடன் 2ம் இடத்தில் உள்ளது. Criminal Justice: A Family Matter என்கிற இந்தி வெப் தொடர் தான் முதலிடத்தில் உள்ளது. ஜியோ ஹாட்ஸ்டாரில் ஸ்ட்ரீம் ஆகி வரும் இந்த வெப் தொடருக்கு 84 லட்சம் வியூஸ் கிடைத்துள்ளது.
