சூர்யாவின் கங்குவா பட டிரைலர் ரிலீஸ் ஆகி 5 நாட்களாக பொத்தி பொத்தி வைத்திருந்த சாதனையை கோட் பட டிரைலர் 3 மணிநேரத்தில் முறியடித்து உள்ளது.
நடிகர் விஜய்யின் கோட் பட டிரைலர் தான் தற்போது யூடியூப் டிரெண்டிங்கில் டாப் 1 இடத்தை பிடித்திருக்கிறது. வெங்கட் பிரபு இயக்கியுள்ள இப்படத்தில் நடிகர் விஜய் இரட்டை வேடங்களில் நடித்துள்ளதாக கூறப்பட்ட நிலையில், அவரின் பல்வேறு விதமான கெட் அப்கள் டிரைலரில் காட்டப்படுவதால் ரசிகர்கள் குழம்பிப் போய் உள்ளனர். அதுமட்டுமின்றி விஜய்யின் ஐகானிக் படங்களில் இருந்து அவரின் மேனரிசத்தையும் படம் முழுக்க வெங்கட் பிரபு பயன்படுத்தி இருப்பது டிரைலரிலேயே தெரிகிறது.
குறிப்பாக கில்லியில் விஜய் பாடும் முருகன் பாடல் தொடங்கி, போக்கிரி வாக், திருப்பாச்சி ஸ்டைல், மாஸ்டர் பைட் சீன் என அந்த லிஸ்ட் நீண்டு கொண்டே செல்கிறது. அதுமட்டுமின்றி, படத்தில் நிறைய ஆச்சர்யங்களும் காத்திருக்கின்றன என்பது டிரைலர் பார்க்கும் போதே தெரிகிறது. முக்கியமாக மைக் மோகன் இப்படத்தில் விஜய்க்கு வில்லனாக நடித்திருக்கிறார். அவரின் இந்த வில்லன் அவதாரமும் டிரைலரிலேயே காட்டப்பட்டு இருக்கிறது.
இதையும் படியுங்கள்... யுவன் - நா.முத்துக்குமார் தந்த மாஸ்டர் பீஸ் சாங்... ‘ஒரு நாளில்’ பாடலுக்கு பின்னணியில் இப்படி ஒரு கதை இருக்கா!
அதுமட்டுமின்றி ஸ்பார்க் பாடல் வெளியானபோது ட்ரோல் செய்யப்பட்ட விஜய்யின் டீ ஏஜிங் லுக் தற்போது டிரைலரில் பார்க்கும் போது வேறலெவலில் இருக்கிறது. அதிலும் குறிப்பாக பதின்ம வயதில் விஜய்யின் தோற்றம் அச்சு அசல் இருப்பதாகவும் பாராட்டுக்கள் கிடைத்து வருகின்றன. இத்தனை ஆச்சர்யங்கள் அடங்கிய கோட் பட டிரைலர் யூடியூப்பில் பல்வேறு சாதனைகளையும் படைத்து வருகிறது. அந்த டிரைலர் வெளியான 16 மணிநேரத்திலேயே 20 மில்லியன் பார்வைகளை கடந்துவிட்டது.
அதிலும் குறிப்பாக கடந்த சில தினங்களுக்கு முன்னர் வெளிவந்த கங்குவா படத்தின் டிரைலர் 5 நாட்கள் வாங்கிய லைக்குகளை விஜய்யின் கோட் பட டிரைலர் 3 மணிநேரத்தில் வாங்கி அசத்தி இருக்கிறது. கோட் டிரைலர் ஆகஸ்ட் 15-ந் தேதி வெளியிடாததற்கு கங்குவா தான் காரணம், அந்த டிரைலருக்கு பயந்து கோட் பட டிரைலர் வெளியீடை தள்ளிவைத்துவிட்டதாக சூர்யா ரசிகர்கள் கூறி வந்த நிலையில், தற்போது கோட் பட டிரைலர் செய்யும் சாதனைகளை பார்த்து அவர்கள் கப் சிப்னு ஆகி உள்ளனர்.
இதையும் படியுங்கள்... அரங்கமே வேடிக்கை பார்க்க ஒரே மேடையில் மோதிக் கொண்ட இளையராஜா, வைரமுத்து!
சேனலை கிளிக் செய்து பின்தொடரவும்