தமிழ் சினிமாவில் முன்னணி நடிகர்களாக வலம் வரும் விஜய்யும், அஜித்தும் அவர்களது படங்களான வாரிசு மற்றும் துணிவை கடந்த மாதம் பொங்கல் பண்டிகைக்கு போட்டி போட்டு ரிலீஸ் செய்தனர். இரண்டு படங்களுக்கும் சமமான அளவு வரவேற்பு கிடைத்தாலும், வசூலில் இரண்டுமே சற்று தொய்வை சந்தித்தது. இதற்கு காரணம் இந்த படங்கள் ஒரே நாளில் ரிலீஸ் ஆனது தான். ஒருவேளை தனியாக வெளியிடப்பட்டு இருந்தால் இரு படங்களும் வசூல் சாதனை நிகழ்த்தி இருக்கும் என்பதே திரையரங்க உரிமையாளர்களின் கருத்தாக உள்ளது.
24
வாரிசு மற்றும் துணிவு படங்களின் ரிலீசுக்கு முன்பே, அஜித் மற்றும் விஜய் இருவருமே அடுத்த படத்திற்கான இயக்குனரை தேர்வு செய்துவிட்டனர். அதன்படி விஜய், லோகேஷ் கனகராஜ் உடனும், அஜித் விக்னேஷ் சிவனுடனும் பணியாற்றுவதாக இருந்தது. இதில் விஜய் - லோகேஷ் கூட்டணி திட்டமிட்டபடி பணிகளை தொடங்கியது. ஆனால் அஜித் - விக்னேஷ் சிவன் கூட்டணி கடைசி நேரத்தில் உடைந்தது. விக்கி சொன்ன கதை பிடிக்காததால், ஏகே 62 படத்தை இயக்கும் வாய்ப்பை வேறு ஒரு இயக்குனருக்கு வழங்க முடிவு செய்துவிட்டார் அஜித்.
இதனால் பிப்ரவரி மாதம் தொடங்க திட்டமிட்டிருந்த ஏகே 62 படத்தின் ஷூட்டிங் தள்ளிப்போய் உள்ளது. இப்படி இயக்குனரே முடிவாகாமல் ஏகே 62 படக்குழு தடுமாறி வரும் நிலையில் மறுபுறம் விஜய் தனது அடுத்த படத்திற்கு லியோ என பெயர் வைத்து, அதற்கான புரோமோவையும் வெளியிட்டதோடு மட்டுமின்றி அப்படத்தை வருகிற அக்டோபர் 19-ந் தேதி ரிலீஸ் செய்ய உள்ளதாகவும் அறிவித்துவிட்டது. அப்படத்திற்கான ஷூட்டிங்கும் தற்போது காஷ்மீரில் படு ஜோராக நடைபெற்று வருகிறது.
44
இப்படி விஜய் படம் டாப் கியரில் சென்றுகொண்டிருக்க, அஜித் தனது அடுத்த பட இயக்குனரை இன்னும் இறுதி செய்யாமல் தடுமாறி வருகிறாராம். விக்னேஷ் சிவன் நீக்கப்பட்டதை அடுத்து அவருக்கு பதிலாக மகிழ் திருமேனி இயக்குவார் என கூறப்பட்ட நிலையில், தற்போது அவருடன் மற்றுமொரு இயக்குனரும் போட்டி போட்டு வரும் தகவல் வெளியாகி உள்ளது. அவர் வேறு யாரும் இல்லை. அஜித்தை வைத்தை ஏற்கனவே மங்காத்தா எனும் பிளாக்பஸ்டர் ஹிட் படத்தை கொடுத்த வெங்கட் பிரபு தான். தற்போது இவருக்கும், மகிழ் திருமேனிக்கும் இடையே தான் கடும் போட்டியாம். இவர்கள் இருவரில் அஜித் யாரை தேர்வு செய்யப்போகிறார் என்பதை பொறுத்திருந்து தான் பார்க்க வேண்டும்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
