சர்க்காரு வாரி பட்டா படம் வெளியாகியுள்ள திரையரங்கு வளாகத்தில் 35 அடி உயர கீர்த்தி சுரேஷின் கட்டவுட்டை தெலுங்கு ரசிகர்கள் வைத்து அசத்தியுள்ளனர்.
பரசுராம் இயக்கத்தில் பிரபல தெலுங்கு நடிகர் மகேஷ்பாபு நடிப்பில் உருவாகி இருந்த படம் சர்காரு வாரி பாட்டா. இந்த படத்தில் கீர்த்தி சுரேஷ் நாயகியாக நடித்துள்ளார்.
தமன் இசையமையில் வெளியான பாடல்கள் அமோக வரவேற்பை பெற்றதால், படத்தின் மீதான எதிர்பர்ப்பும் ரசிகர்களிடையே அதிகரித்தது.
மிகுந்த எதிர்பார்ப்புக்கு மத்தியில் நேற்று வெளியான இப்படம் மோசமான திரைக்கதையால் நெகடிவ் விமர்சனங்களை பெற்று வருவதாக கூறப்பட்டது.
ஆனால் உண்மையில் இந்த படம் முதல் நாளில் மட்டும் கிட்டத்தட்ட 50 கோடிகளை வசூல் செய்துள்ளதாக தகவல் வெளியாகியுள்ளது.
அதோடு இதன் முதல் பாதி நகைச்சுவை கலந்த சுவாரஸ்யமாகவும்,இரண்டாம் பாகம் உணர்ச்சி பூர்வமாக இருந்ததாகவும் ரசிகர்கள் கூறி வருகின்றனர்.
தமிழக ரசிகர்களை ஈர்க்கவில்லை என்றாலும் இப்படம் ஆந்திரா மற்றும் தெலுங்கானா மாநிலங்களில் 36.01 கோடி வசூல் செய்து அசத்தியது.
மகேஷ் பாபாவுடன் முதல் முறையாக ஜோடி சேர்ந்துள்ள கீர்த்தி சுரேஷ்க்கு தெலுங்கில் ஏகபோக வரவேற்பு கிடைத்துள்ளது. அங்கு ரசிகர்களின் எண்ணிக்கையும் கூடியுள்ளது.
பொதுவாக படம் வெளியாகும் போது நபர்களின் கட்டவுட் தான் வைக்கப்படும். ஆனால் நாயகி கீர்த்திக்கு ஆந்திர ரசிகர்கள் 35 அடியில் கட்டவுட் வைத்து அசத்தியுள்ளனர்.