சூர்யாவின் சீன் முதல் நாள் வசூல் இத்தனை கோடியா?கருப்பு, விஸ்வநாத் அன் சன்ஸ் படங்களை முந்தி சாதனை

Scene Box Office Collection: தீபாவளி திரைப்படப் போட்டியில் சூர்யாவின் 'சீன்' படம் வசூலில் வலுவான தொடக்கத்தைப் பதிவு செய்துள்ளது. இப்படம், சூர்யாவின் இந்த ஆண்டின் முந்தைய இரண்டு படங்களின் முதல் நாள் வசூலையும் கடந்துள்ளது.

சீன் படத்தின் முதல் நாள் வசூல்

நடிகர் சூர்யா நடிப்பில் தீபாவளி வெளியீடாக நவம்பர் 6ஆம் தேதி திரையரங்குகளில் வெளியான 'சீன்' திரைப்படம் முதல் நாளிலேயே வசூலில் கவனம் ஈர்த்துள்ளது. மலையாள இயக்குநர் ஜித்து மாதவன் இயக்கியுள்ள இந்தப் படத்தில் நஸ்ரியா நஸிம், நஸ்லென் உள்ளிட்டோர் முக்கிய கதாபாத்திரங்களில் நடித்துள்ளனர். அதிரடி கலந்த நகைச்சுவைத் திரைப்படமாக உருவாகியுள்ள இப்படத்திற்கு ரசிகர்கள் மத்தியில் வரவேற்பு கிடைத்து வருகிறது. வர்த்தகக் கண்காணிப்பு இணையதளமான Sacnilk வெளியிட்டுள்ள தகவலின்படி, முதல் நாளில் இந்தியாவில் ரூ.19.15 கோடி நிகர வசூலும், உலகம் முழுவதும் ரூ.34.25 கோடி மொத்த வசூலும் கிடைத்துள்ளது.

தமிழ், தெலுங்கில் கிடைத்த வசூல் எவ்வளவு?

இந்திய வசூலில் தமிழ் பதிப்பு முக்கியப் பங்கு வகிக்கிறது என்றே கூறலாம். முதல் நாளில் தமிழ் பதிப்பு மூலம் ரூ.16.15 கோடி நிகர வசூல் கிடைத்துள்ளது. தெலுங்குப் பதிப்பு ரூ.3 கோடி வசூல் செய்துள்ளது. இதன்மூலம் இந்தியாவில் மொத்த நிகர வசூல் ரூ.19.15 கோடியாகவும், வரி உள்ளிட்டவற்றுடன் கூடிய மொத்த வசூல் ரூ.22.25 கோடியாகவும் பதிவாகியுள்ளது. வெளிநாடுகளில் ரூ.12 கோடி வசூல் கிடைத்துள்ளது. முதல் நாளில் மட்டும் சுமார் 14.31 லட்சம் டிக்கெட்டுகள் விற்பனையாகியுள்ளதாகவும் தகவல் வெளியாகியுள்ளது.

கருப்பு, விஸ்வநாத் அன் சன்ஸ் படங்களை முந்திய சீன்

சூர்யாவுக்கு இந்த ஆண்டு திரையரங்குகளில் வெளியான படங்களில் 'கருப்பு', 'விஸ்வநாத் அன் சன்ஸ்' ஆகியவை ஏற்கெனவே கவனம் பெற்றன. இதில் 'கருப்பு' திரைப்படம் முதல் நாளில் ரூ.15.50 கோடியும், 'விஸ்வநாத் அன் சன்ஸ்' ரூ.15.35 கோடியும் இந்திய நிகர வசூல் செய்ததாக வர்த்தகக் கணக்கீடுகள் தெரிவிக்கின்றன. தற்போது 'சீன்' ரூ.19.15 கோடி வசூலுடன் இந்த இரண்டு படங்களின் முதல் நாள் வசூலையும் கடந்துள்ளது. இதனால் சூர்யாவின் இந்த ஆண்டின் படங்களில் வலுவான தொடக்கத்தைப் பெற்ற படமாக 'சீன்' அமைந்துள்ளது.

ரூ.100 கோடியை எட்டுமா? ரசிகர்கள் எதிர்பார்ப்பு!

தீபாவளிப் பண்டிகையை முன்னிட்டு தொடர் விடுமுறை நாட்கள் கிடைப்பது படத்தின் வசூலுக்கு சாதகமாக அமையலாம். குறிப்பாக குடும்ப ரசிகர்கள் திரையரங்குகளுக்கு வருவது அதிகரித்தால் அடுத்தடுத்த நாட்களில் வசூல் உயர வாய்ப்புள்ளது. முதல் நாளில் கிடைத்த வரவேற்பைத் தொடர்ந்து உலகளாவிய வசூல் ரூ.100 கோடியை எட்டுமா என்ற எதிர்பார்ப்பு ரசிகர்கள் மத்தியில் எழுந்துள்ளது. இருப்பினும், இந்த இலக்கை எட்டிவிட்டதாகக் கூற முடியாது. அடுத்தடுத்த நாட்களின் வசூல் நிலவரத்தைப் பொறுத்தே படத்தின் பயணம் அமையும்.