Jailer update : சூப்பர் ஸ்டாரின் ஜெயிலர் படத்தின் அடுத்த அப்டேட்டை வெளியிட்ட ஸ்டண்ட் மாஸ்டர்

இதன் மூலம் ஜெயிலர் படம் ஆக்சன் நிறைந்த திரில்லராக அமையும் என்பது ஸ்டண்ட் மாஸ்டரின் இன்டர்வியூவில் இருந்து தெரியவந்துள்ளது.

jailer

அண்ணாத்த படத்தை தொடர்ந்து தற்போது சூப்பர் ஸ்டார் ரஜினிகாந்த், ஜெயிலர் படத்தில் நடித்து வருகிறார். டாக்டர், பீஸ்ட் உள்ளிட்ட படங்களை இயக்கிய நெல்சன் திலீப்குமார், இந்த படத்தையும் இயக்கி வருகிறார். சன் பிக்சர்ஸ் இந்த படத்தை தயாரிக்கிறது. யோகி பாபு, ரம்யா கிருஷ்ணன் உள்ளிட்டோர் துணை வேடங்களில் நடிக்க உள்ளதாகவும் கூறப்படுகிறது.

jailer

ரஜினிகாந்த் இந்த போஸ்டரை பார்த்த பலரும் பேட்ட பட ஸ்டைலில் இருப்பதாக கூறி வந்தனர். ரஜினியின் 169 படமான இந்த படத்தில் கே எஸ் ரவிக்குமார் கதை, வசனம் எழுதுவதாக கூறப்படுகிறது. விஜய் கார்த்திக் கண்ணன் ஒளிப்பதிவு செய்ய ஆர் நிர்மல் படத்தொகுப்பு செய்கிறார். படம் பிரம்மாண்டமாக உருவாகி வருகிறது. 

மேலும் செய்திகளுக்கு...Actress Rambha : கார் விபத்திற்கு பிறகு பிள்ளைகளுடன் வீடியோ வெளியிட்ட நடிகை ரம்பா...குவியும் வாழ்த்துக்கள்

jailer

சென்னை ஹைதராபாத் உள்ளிட்ட இடங்களில் படப்பிடிப்பு நடைபெற்று வருகிறது. இந்த படம் கடந்த மாதம் தான் படப்பிடிப்பை துவங்கியது. இந்தப் படம் அடுத்த ஆண்டு கோடை விடுமுறையை ஒட்டி திரைக்கு வரும் என கூறப்படுகிறது. இந்நிலையில் படத்தின் ஸ்டன்ட் மாஸ்டராக உள்ள ஸ்டண்ட் சிவா சமீபத்தில் ஒரு பேட்டியில்  படத்தின் சண்டைக் காட்சிகள் குறித்து கூறியுள்ளது வைரலாகி வருகிறது.

jailer

70 வயதை தொட்டுவிட்ட ரஜினிகாந்தின் சண்டைக் காட்சிகள் தான் மிகப்பெரிய எதிர்பார்ப்பில் இருப்பதால் ,இது குறித்த தகவல் வைரலாகி வருகிறது. அதாவது ஏழு சண்டைக்காட்சிகள் படத்தில் இடம்பெற்று இருப்பதாகவும், அனைத்தும் படமாக்கப்பட்டு விட்டது என்றும் கூறியுள்ளார். இதன் மூலம் ஜெயிலர் படம் ஆக்சன் நிறைந்த திரில்லராக அமையும் என்பது ஸ்டண்ட் மாஸ்டரின் இன்டர்வியூவில் இருந்து தெரியவந்துள்ளது.

மேலும் செய்திகளுக்கு... Raja Rani 2 serial : அப்துலை வெல்ல சபதம் எடுக்கும் சந்தியா...சூழ்ச்சி செய்யும் அர்ச்சனா ..இன்றைய எபிசோட்