தமிழக சட்டமன்ற தேர்தலுக்கான வாக்குப்பதிவு காலை 7 மணி முதலே தீவிரமாக நடைபெற்று வருகிறது. கொரோனா பரவலைக் கருத்தில் கொண்டு வாக்காளர்கள் அனைவரும் கட்டாயம் முகக்கவசம் அணிந்து வர வேண்டுமென வலியுறுத்தப்பட்டுள்ளனர். அதுமட்டுமின்றி வாக்களிக்க வரும் வாக்காளர்கள் சமூக இடைவெளியை கடைபிடிக்கவும், வாக்குச்சாவடிக்கு முன்பு உள்ள சானிடைசர் மற்றும் கையுறைகளை பயன்படுத்தி வாக்களிக்கவும் தேர்தல் ஆணையம் சிறப்பு ஏற்பாடுகளை செய்துள்ளது.
undefined
கொரோனா பரவல், கடும் வெயிலின் தாக்கம் காரணமாக காலை முதலே வரிசையில் காத்திருந்து மக்கள் வாக்களித்து வருகின்றனர். திரைப்பிரபலங்கள், அரசியல் கட்சி தலைவர்கள் ஆகியோரும் தங்களது தொகுதிக்குட்பட்ட வாக்குச்சாவடிகளில் வாக்களித்து வருகின்றனர்.
undefined
ராமதாஸ், துணை முதலமைச்சர் ஓ.பன்னீர்செல்வம், திமுக தலைவர் ஸ்டாலின், முதல்வர் எடப்பாடி பழனிசாமி, கமல் ஹாசன், சீமான் உள்ளிட்ட பலரும் தங்களது தொகுதியில் வரிசையில் நின்று வாக்குகளை பதிவு செய்தனர்.
undefined
சூப்பர் ஸ்டார் ரஜினிகாந்த் ஸ்டெல்லா மேரிஸ் கல்லூரியிலும், தல அஜித் தனது மனைவி ஷாலினியுடன் திருவான்மியூரிலும், சிவகார்த்திகேயன் வளசரவாக்கத்திலும், நடிகர்கள் பிரபு, விக்ரம் பிரபு ஆகியோர் குடும்பத்துடன் தியாகராய நகரிலும், தளபதி விஜய் நீலாங்கரையிலும் தங்களுடைய வாக்குகளை பதிவு செய்தனர்.
undefined
நடிகர் சிம்பு தியாகராய நகரில் உள்ள இந்தி பிரச்சார சபா வாக்குச்சாவடியில் தன்னுடைய வாக்கினை பதிவு செய்தார். வெள்ளை ஷர்ட், கூலிங்கிளாஸ் அணிந்து செம்ம ஸ்டைலிஷாக வந்து வாக்களித்த சிம்புவின் போட்டோஸ் சோசியல் மீடியாவில் வைரலாகி வருகிறது.
undefined
இந்தி பிரச்சார சபாவில் வாக்குப்பதிவு செய்த நடிகர் சிம்பு, வெளியில் வந்தவுடன் தன் கையில் மை வைத்திருக்கும் அடையாளத்தைக் காட்டி சிம்பு கொடுத்த டக்கர் போஸ் வைரலாகி வருகிறது.
undefined
சென்னை ஆழ்வார்பேட்டையில் உள்ள வாக்குச்சாவடியில் நடிகை த்ரிஷா வாக்களித்தார் .
undefined
எழும்பூர் எத்திராஜ் கல்லூரியில் உள்ள வாக்குச்சாவடியில் நடிகை நிக்கி கல்ராணி வாக்களித்தார். அதன் பின்னர் செய்தியாளர்களைச் சந்தித்த அவர், யாரெல்லாம் இதுவரை வாக்களிக்கவில்லையோ அனைவரும் தவறாமல் வந்து ஓட்டு போடுங்கள் என கோரிக்கை வைத்தார்.
undefined
சென்னை - கீழ்ப்பாக்கத்தில் உள்ள வாக்குச்சாவடியில் நடிகை ஆண்ட்ரியா வாக்களித்தார்.
undefined
சென்னை சாலிகிராமத்தில் உள்ள வாக்குச்சாவடியில் நடிகர் விவேக் வாக்களித்தார்
undefined