விஜய் படம் குறித்து வந்த அதிர்ச்சி அப்டேட்! தளபதி ரசிகர்கள் மீண்டும் அப்செட்.!

விஜய் ரசிகர்களால் பெரிதும் எதிர்பார்க்கப்பட்ட 'தெறி' படத்தின் மறுவெளியீடு மீண்டும் தள்ளிவைக்கப்பட்டுள்ளது. சிறிய பட்ஜெட் படங்களுக்கு ஆதரவளிக்கும் நோக்கில், தயாரிப்பாளர் கலைப்புலி எஸ். தாணு இந்த முடிவை எடுத்துள்ளதாக அறிவித்துள்ளார்.

மறுபடியுமா.? கடுப்பான தளபதி ரசிகர்கள்.!

விஜய் ரசிகர்கள் ஆவலோடு எதிர்பார்த்துக் காத்திருந்த ஒரு முக்கிய அறிவிப்பு ஏமாற்றத்தில் முடிந்துள்ளது. அட்லீ இயக்கத்தில் விஜய், சமந்தா, எமி ஜாக்சன் நடிப்பில் வெளியாகி பிளாக்பஸ்டர் ஹிட் அடித்த ‘தெறி’ படத்தின் மறுவெளியீடு மீண்டும் தள்ளிப்போயுள்ளது.

பின்னணி என்ன?

விஜய்யின் லேட்டஸ்ட் படமான ‘ஜனநாயகன்’ தணிக்கை சிக்கல்களை எதிர்கொண்டு வருவதால், இந்த பொங்கல் விடுமுறையை முன்னிட்டு ‘தெறி’ படத்தை பிரம்மாண்டமாக ரீ-ரிலீஸ் செய்ய தயாரிப்பாளர் கலைப்புலி எஸ். தாணு திட்டமிட்டிருந்தார். சில காரணங்களால் முதலில் ஜனவரி 23-க்கு மாற்றப்பட்ட இந்த தேதி, தற்போது மீண்டும் தள்ளிவைக்கப்பட்டுள்ளது.

தள்ளிவைக்கப்படக் காரணம்.!

ஜனவரி 23-ம் தேதி ‘திரௌபதி 2’ மற்றும் ‘ஹாட் ஸ்பாட் 2’ ஆகிய திரைப்படங்கள் திரைக்கு வரவுள்ளன. ஒரே நாளில் பல படங்கள் மோதுவதால், சிறிய பட்ஜெட் படங்கள் மற்றும் வளர்ந்து வரும் இயக்குநர்களின் நலன் கருதி இந்த முடிவை தயாரிப்பாளர் எடுத்துள்ளார்.

கலைப்புலி எஸ். தாணு அவர்களின் விளக்கம்

"புதிய தயாரிப்பாளர்கள் மற்றும் வளரும் இயக்குநர்களுக்கு ஆதரவு அளிக்கும் வகையில், அவர்களின் கோரிக்கையை ஏற்று 'தெறி' படத்தின் மறுவெளியீட்டை தற்காலிகமாக ஒத்திவைக்கிறோம்."

ரசிகர்கள் வருத்தம்.!

ஏற்கனவே 'ஜனநாயகன்' அப்டேட் தள்ளிப்போய்க்கொண்டிருக்கும் நிலையில், 'தெறி' படமாவது தியேட்டரில் வரும் என காத்திருந்த ரசிகர்களுக்கு இது பெரும் ஏமாற்றத்தை தந்துள்ளது. சமூக வலைதளங்களில் தளபதி ரசிகர்கள் இந்த 'அதிர்ச்சி அப்டேட்' குறித்து தங்கள் வருத்தத்தைப் பகிர்ந்து வருகின்றனர். இயக்குநர் மோகன் ஜி இந்த பெருந்தன்மையான முடிவுக்காக தயாரிப்பாளர் தாணுவுக்கு தனது நன்றியைத் தெரிவித்துள்ளார்.