நடிகர் ஷாருக்கானின் மகன் ஆர்யன் கான் புதிதாக சரக்கு பிசினஸ் ஒன்றை தொடங்கியுள்ளதோடு அதற்காக நடிகைகளுக்கு பார்ட்டியும் கொடுத்துள்ளார்.
பாலிவுட் திரையுலகில் பாட்ஷாவாக வலம் வருபவர் ஷாருக்கான். இவர் நடிப்பில் அண்மையில் வெளியான பதான் திரைப்படம் பிளாக்பஸ்டர் ஹிட் ஆனதோடு, உலகளவில் ரூ.1000 கோடிக்கு மேல் வசூலையும் வாரிக்குவித்து சாதனை படைத்தது. பதான் படத்தின் வெற்றியை தொடர்ந்து ஷாருக்கான் நடிப்பில் ஜவான் திரைப்படம் உருவாகி வருகிறது. அட்லீ இயக்கும் இப்படத்தில் ஷாருக்கான் உடன் நயன்தாரா, விஜய் சேதுபதி, யோகிபாபு என மிகப்பெரிய நட்சத்திர பட்டாளமே நடிக்கிறது.
நடிகர் ஷாருக்கானுக்கு ஆர்யன் கான் என்கிற மகனும் உள்ளார். இவர் கடந்த 2021-ம் ஆண்டு மும்பையில் உள்ள கப்பல் ஒன்றில் போதை விருந்தில் கலந்துகொண்டதற்காக கைது செய்யப்பட்டு சிறையில் அடைக்கப்பட்டார். இதையடுத்து தனது அதிகாரத்தை பயன்படுத்தி மகனை நீண்ட போராட்டத்துக்கு பின் தன் மகனை சிறையில் இருந்து வெளியில் கொண்டு வந்தார் ஷாருக்கான். அவருக்கும் அந்த போதை கும்பலுக்கும் எந்த தொடர்பும் இல்லை எனவும் தீர்ப்பளிக்கப்பட்டது.
இதையும் படியுங்கள்... Pathu Thala Review : ஏஜிஆர்-ஆக அதகளப்படுத்தி... ஹாட்ரிக் ஹிட் கொடுத்தாரா சிம்பு? - பத்து தல விமர்சனம் இதோ
இப்படி போதைப் பொருள் சர்சையின் மூலம் பிரபலமான ஆர்யன் கான். அதன் பின் சினிமாவில் இயக்குனராக இருப்பதாகவும், இதற்காக அவர் கதை தயார் செய்யும் பணிகளில் இருப்பதாகவும் செய்திகள் வெளியான நிலையில், தற்போது அவர் புதிதாக சரக்கு பிசினஸ் ஒன்றை தொடங்கி ஷாக் கொடுத்துள்ளார். அதன்படி D'YAVOL என பெயரிடப்பட்டுள்ள அந்த பிராண்டை தான் ஆர்யன் கான் ஆரம்பித்துள்ளார்.
இந்த பிராண்டை பிரபலமாக்கும் விதமாக டிவி மற்றும் சினிமா நடிகைகளை அழைத்து பார்ட்டி ஒன்றையும் கொடுத்திருக்கிறார் ஆர்யன் கான். அதில் ஷாருக்கான் மகன் உடன் நடிகைகள் பலர் நெருக்கமாக எடுத்துக்கொண்ட புகைப்படங்கள் வெளியாகி சோசியல் மீடியாவில் செம்ம வைரல் ஆனது.
இதைப்பார்த்த நெட்டிசன்கள் ஆர்யன் கானை கடுமையாக ட்ரோல் செய்து வருகின்றனர். போதைப்பொருள் வழக்கில் சிக்கியும் திருந்தவில்லையா என கேள்வி எழுப்பி வருகின்றனர்.
இதையும் படியுங்கள்... Dasara review : பத்து தல... விடுதலைக்கு டஃப் கொடுக்குமா நானியின் தசரா? - முழு விமர்சனம் இதோ