Samantha : 'சாப்பிட பிடிக்காம இல்ல, சாப்பிட முடியல'... படாதபாடு படுத்திய மயோசிடிஸ்; கண்ணீர்க் கதையை பகிர்ந்த சமந்தா!

Samantha Ruth Prabhu : மயோசிடிஸ் நோய் பாதிப்பால் கடந்த இரண்டு ஆண்டுகளாக சிகிச்சை எடுத்து வந்த சமந்தா, தான் உடல் எடை குறைந்ததற்கான காரணத்தையும் கூறி இருக்கிறார்.

Samantha weight loss reason

தென்னிந்தியாவின் பிரபலமான நடிகை, லட்சக்கணக்கான இதயங்களின் ராணி சமந்தா இப்போது செய்திகளில் இடம்பிடித்துள்ளார். ஆனால் இந்த முறை தனது படத்திற்காக மட்டுமல்ல, தனது உடல்நிலை குறித்து அவர் பகிர்ந்துகொண்ட ஒரு வேதனையான விஷயத்தால் அனைவரின் கவனத்தையும் ஈர்த்துள்ளார். கடந்த சில காலமாக சமந்தா மிகவும் எடை குறைந்து காணப்பட்டதால், ரசிகர்கள் கவலைப்பட்டனர். 'ஏன் இவ்வளவு ஒல்லியாகிவிட்டீர்கள்?' என்ற கேள்விக்கு சமந்தா இப்போது அதிரடியான, அதே சமயம் உருக்கமான ஒரு பதிலை அளித்துள்ளார்.

சமந்தாவின் எடை குறைப்புக்கு என்ன காரணம்?

தனது அடுத்த படமான எங்கள் தங்கம் புரொமோஷனில் பேசிய சமந்தா, 'மயோசிடிஸ்' (Myositis) என்ற ஆட்டோ இம்யூன் நோயின் தீவிரத்தைப் பற்றி பேசியுள்ளார். 'மக்கள் என்னைப் பார்க்கும்போதெல்லாம் ஏன் இவ்வளவு எடை குறைந்துவிட்டீர்கள் என்று கேட்கிறார்கள். ஆனால் ஒருவரின் வாழ்க்கையில் என்ன நடக்கிறது என்று யாருக்கும் தெரியாது. எனக்கு சாப்பிட பிடிக்கவில்லை என்பதல்ல, என்னால் சாப்பிட முடியவில்லை' என்று சமந்தா மனம்திறந்து கூறியுள்ளார்.

2 வருடங்களாக நிறமும் ருசியும் இல்லாத சாப்பாடு!

சினிமாவில் இருந்து பிரேக் எடுத்திருந்த அந்த இரண்டு வருடங்கள் சமந்தாவுக்கு நரகம் போல இருந்துள்ளது. இதைப்பற்றி விளக்கிய அவர், 'அந்த நேரத்தில் நான் சாப்பிடும் உணவே என் நோயைத் தூண்டிவிடும். என் செரிமான மண்டலத்தில் சிறிய பிரச்சனை ஏற்பட்டால் கூட, என் மயோசிடிஸ் பாதிப்பு அதிகமாகிவிடும்' என்று கூறியுள்ளார். அதனால், நான் மிகவும் கடுமையான டயட்டைப் பின்பற்ற வேண்டியிருந்தது. கிட்டத்தட்ட இரண்டு வருடங்களாக காலை, மதியம், இரவு என மூன்று வேளையும் ஒரே மாதிரியான, ருசியே இல்லாத சப்பென்ற உணவைத்தான் சாப்பிட்டேன்' என்று தனது கஷ்டத்தைப் பகிர்ந்துகொண்டார்.

பூனையின் பெயருக்குப் பின்னால் ஒரு எமோஷனல் கதை!

சமந்தாவின் செல்லப் பூனையின் பெயர் 'ஜெலாட்டோ'. இந்தப் பெயருக்குப் பின்னால் ஒரு ஸ்பெஷல் கதை இருக்கிறது. உணவில் கடுமையான கட்டுப்பாடுகள் இருந்தபோது, மருத்துவர்கள் சமந்தாவுக்கு சர்க்கரை, பால் இல்லாத 'ஜெலாட்டோ' ஐஸ்கிரீம் சாப்பிட அனுமதி கொடுத்துள்ளனர். பல வருடங்களுக்குப் பிறகு அவர் சாப்பிட்ட முதல் சுவையான உணவு அதுதான். அந்தத் தருணத்தின் நினைவாகத்தான் தனது பூனைக்கு ஜெலாட்டோ என்று பெயர் வைத்துள்ளார்.

ஃபீனிக்ஸ் பறவை போல மீண்டு வந்த சமந்தா!

2022-ல் 'யசோதா' பட புரொமோஷனின் போதுதான் தனக்கு மயோசிடிஸ் பாதிப்பு இருப்பதை சமந்தா வெளிப்படையாகத் தெரிவித்தார். அன்றிலிருந்து இன்றுவரை அவர் தைரியமாக இந்த நோய்க்கு எதிராகப் போராடி வருகிறார். இப்போது அவர் குணமடைந்து வருகிறார், கிட்டத்தட்ட சரியாகிவிட்டதாகவும் கூறப்படுகிறது. இன்று, வெளியாகியுள்ள நந்தினி ரெட்டி இயக்கிய 'எங்கள் தங்கம்' படம் மூலம் சமந்தா மீண்டும் வெள்ளித்திரையில் கலக்க வருகிறார். இந்த நடிகையின் விடாமுயற்சியும் தைரியமும் கோடிக்கணக்கான ரசிகர்களுக்கு ஒரு இன்ஸ்பிரேஷன். 'நோயற்ற வாழ்வே குறைவற்ற செல்வம்' என்பதை சமந்தாவின் இந்தப் பயணம் மீண்டும் நிரூபித்துள்ளது. அவர் முழுமையாகக் குணமடைந்து, பழையபடி உற்சாகமாக வர வேண்டும் என்பதே ரசிகர்களின் விருப்பம்.