Dada Ganguly : கங்குலியாக மாறி சட்டையைக் கழற்றிய ராஜ்குமார் ராவ்! தாதா படத்தின் மிரட்டல் லுக்!
Dada Ganguly : இந்திய கிரிக்கெட் அணியின் முன்னாள் கேப்டன் சௌரவ் கங்குலியின் பிறந்தநாளை முன்னிட்டு, அவரது வாழ்க்கை வரலாற்றுப் படமான 'தாதா - தி சௌரவ் கங்குலி ஸ்டோரி' படத்தின் ஃபர்ஸ்ட் லுக் போஸ்டர் வெளியாகி பெரும் எதிர்பார்ப்பை ஏற்படுத்தியுள்ளது.
இந்த படத்தில் சௌரவ் கங்குலியாக பாலிவுட் நடிகர் ராஜ்குமார் ராவ் நடிக்கிறார். படத்தின் முதல் போஸ்டரில், 2002-ம் ஆண்டு லார்ட்ஸ் மைதானத்தில் நடைபெற்ற நாட்வெஸ்ட் கோப்பை இறுதிப் போட்டியின்போது, இந்தியா வெற்றி பெற்றதைக் கொண்டாடும் வகையில் கங்குலி தனது சட்டையைக் கழற்றி சுழற்றிய அந்த வரலாற்றுச் சிறப்புமிக்க தருணத்தை ராஜ்குமார் ராவ் அப்படியே தத்ரூபமாகப் பிரதிபலித்துள்ளார். இந்த புகைப்படம் தற்போது சமூக வலைதளங்களில் வைரலாகி வருகிறது.
படம் சொல்லும் கதை: ஒரு சாதாரண கிரிக்கெட் வீரராகத் தனது பயணத்தைத் தொடங்கி, இந்திய கிரிக்கெட் அணியின் மிகச்சிறந்த மற்றும் செல்வாக்கு மிக்க கேப்டனாக கங்குலி உருவெடுத்த பின்னணியையும், அவரது விடாமுயற்சி, உறுதி மற்றும் இந்திய கிரிக்கெட்டை அடுத்த கட்டத்திற்கு எடுத்துச் சென்ற அந்தப் போராட்டமான தருணங்களையும் இந்தப் படம் பேசவிருக்கிறது.
படக்குழுவினர்: இந்த படத்திற்குப் புகழ்பெற்ற இயக்குநர் விக்ரம் ஆதித்யா மோத்வானே இயக்குநராகப் பொறுப்பேற்றுள்ளார். லவ் ரஞ்சன் மற்றும் அன்குர் கார்க் இணைந்து இப்படத்தைத் தயாரிக்கின்றனர். டி-சீரிஸ் (T-Series) மற்றும் எல்.யு.வி ஃபிலிம்ஸ் (Luv Films) நிறுவனங்கள் இணைந்து இப்படத்தை வழங்குகின்றன.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.