KGF 3 : ராக்கி பாய் ரசிகர்களுக்கு மற்றுமொரு ட்ரீட்.... கே.ஜி.எஃப் 3-ம் பாகத்தின் புது அப்டேட் வந்தாச்சு

KGF 3: கே.ஜி.எஃப் 3-ம் பாகத்தில் யார் யாரெல்லாம் நடிக்கப்போகிறார்கள்? இதன் படப்பிடிப்பு எப்போது என்பதை தெரிந்துகொள்ள ரசிகர்கள் ஆவலோடு காத்திருக்கின்றனர்.

யாஷ்

கே.ஜி.எஃப் முதல் பாகத்தின் வெற்றியை தொடர்ந்து அதன் 2-ம் பாகத்துக்காக மிகுந்த எதிர்பார்ப்புடன் காத்திருந்த ரசிகர்களுக்கு, அதனை பூர்த்தி செய்யும் வகையில் வந்த படம் தான் கே.ஜி.எஃப் 2. பிரசாந்த் நீல் இயக்கத்தில் யாஷ் நடித்திருந்த இப்படத்தை கடந்த ஏப்ரல் 14-ந் தேதி உலகமெங்கும் 10 ஆயிரம் திரையரங்குகளில் வெளியிட்டனர்.

யாஷ்

வெளியான நாள் முதல் பாசிடிவ் விமர்சனங்களை பெற்று வரும் இப்படம் வசூலிலும் ராஜாவாக திகழ்ந்து வருகிறது. இப்படம் வெளியான 4 நாட்களில் ரூ.500 கோடிக்கு மேல் வசூலித்து சாதனை படைத்துள்ளது. இப்படத்தின் இறுதியில் ரசிகர்களுக்கு மற்றுமொரு இன்ப அதிர்ச்சியும் காத்திருந்தது. அது கே.ஜி.எஃப் படத்தின் 3-ம் பாகம் உருவாகும் என்பதுதான்.

கார்த்திக் கவுடா

கே.ஜி.எஃப் 3-ம் பாகத்தில் யார் யாரெல்லாம் நடிக்கப்போகிறார்கள்? இதன் படப்பிடிப்பு எப்போது என்பதை தெரிந்துகொள்ள ரசிகர்கள் ஆவலோடு காத்திருக்கும் நிலையில், அப்படம் குறித்த முக்கிய அப்டேட்டை அதன் தயாரிப்பாளர் கார்த்திக் கவுடா வெளியிட்டுள்ளார். அதன்படி கே.ஜி.எஃப் படத்தின் 3-ம் பாகத்தின் முதற்கட்ட பணிகள் தொடங்கி விட்டதாக அவர் சமீபத்திய பேட்டியில் தெரிவித்துள்ளார். 

பிரசாந்த் நீல்

கே.ஜி.எஃப் 3 படத்தை இயக்க உள்ள பிரசாந்த் நீல் தற்போது பிரபாஸ் நடிக்கும் சலார் படத்தை இயக்கி வருகிறார். இப்படத்தின் ஷூட்டிங் 30 சதவீதம் மட்டுமே முடிந்துள்ளது. அதனால் எஞ்சியுள்ள 70 சதவீத படப்பிடிப்பை முடித்த பின்னரே அவர் கே.ஜி.எஃப் 3 படத்தின் பணிகளை தொடங்குவார் என்றும் கூறப்படுகிறது.

இதையும் படியுங்கள்... DON movie : சிவகார்த்திகேயனின் ‘டான்’ ரிலீஸ் தேதி மீண்டும் மாற்றப்படுகிறதா? - பின்னணி என்ன?