புஷ்பா 2 கலெக்‌ஷன்ஸ் குறித்து உயர் நீதிமன்றத்தில் பொதுநல வழக்கு!

PIL Case Filed against Pushpa 2 Collections : புஷ்பா 2 வசூல் குறித்து தெலுங்கானா உயர்நீதிமன்றத்தில் பொதுநல வழக்கு தாக்கல் செய்யப்பட்டுள்ளது.

PIL Case Filed against Pushpa 2 Collections : புஷ்பா 2 : அல்லு அர்ஜூன் ஹீரோவாகவும், பிரபல இயக்குனர் சுகுமார் இயக்கத்திலும் உருவான ஆக்ஷன் த்ரில்லர் ‘புஷ்பா 2’. ராஷ்மிகா ஹீரோயினாக நடித்த இந்த படம் கடந்த ஆண்டு டிசம்பரில் வெளியானது. இந்த படம் பாக்ஸ் ஆபிஸில் ரூ.1800 கோடிக்கு மேல் வசூல் செய்தது.

தற்போது பிரபல ஓடிடி தளமான நெட்ஃபிலிக்ஸில் தெலுங்கு மட்டுமின்றி மற்ற மொழிகளிலும் ஸ்ட்ரீமிங் ஆகிறது. ‘புஷ்பா 2: தி ரூல்’ (Pushpa 2) மூலம் கிடைக்கும் லாபத்தை சிறிய படங்களுக்கு பட்ஜெட் மானியமாக பயன்படுத்தவும், நாட்டுப்புற கலைஞர்களின் ஓய்வூதியத்திற்காக ஒதுக்க வேண்டும் என்றும் தெலுங்கானா உயர் நீதிமன்றத்தில் (TG High Court) பொதுநல வழக்கு (PIL) தாக்கல் செய்யப்பட்டுள்ளது.

PIL Case Filed against Pushpa 2 Collections

‘புஷ்பா 2: தி ரூல்’ வசூல் குறித்து வழக்கறிஞர் நரசிம்மராவ் இந்த பொதுநல வழக்கை (PIL) தாக்கல் செய்துள்ளார். சிறப்பு காட்சிகள், டிக்கெட் விலை உயர்வு காரணமாக ‘புஷ்பா 2’ படத்திற்கு அதிக வருவாய் கிடைத்ததாக அவர் நீதிமன்றத்தின் கவனத்திற்கு கொண்டு வந்தார்.

உள்துறை அமைச்சகம் சிறப்பு உத்தரவு பிறப்பித்து சிறப்பு காட்சிகள், டிக்கெட் விலையை உயர்த்த அனுமதி அளித்ததாக கூறினார். சிறப்பு காட்சி, டிக்கெட் விலை உயர்வுக்கு அனுமதி அளித்ததற்கான காரணத்தை கூறவில்லை என நீதிமன்றத்தில் விளக்கினார். உச்ச நீதிமன்ற தீர்ப்பின்படி, திரைப்படங்களின் லாபத்தை கலைஞர்களின் நலனுக்காக ஒதுக்க வேண்டும் என கோரினார்.

‘ஏற்கனவே சிறப்பு காட்சிகள், டிக்கெட் வசூல் முடிந்துவிட்டது அல்லவா’ என தலைமை நீதிபதி கேள்வி எழுப்ப, அதன் மூலம் கிடைத்த லாபம் குறித்து மனு தாக்கல் செய்துள்ளதாக வழக்கறிஞர் விளக்கினார். அதற்கு தகுந்தாற்போல் உச்ச நீதிமன்ற தீர்ப்பின் நகலை சமர்ப்பிக்க உத்தரவிட்டு விசாரணையை இரண்டு வாரங்களுக்கு உயர் நீதிமன்றம் ஒத்திவைத்தது.

Pushpa 2 Collections High Court Filed PIL Case

குறைந்த காலத்தில் ரூ. 1700 கோடி கிளப்பில் இணைந்த இந்திய திரைப்படமாக ‘புஷ்பா 2’ (Pushpa 2) சாதனை படைத்துள்ளது. 21 நாட்களில் இந்த படம் உலகம் முழுவதும் ரூ. 1705 கோடிக்கு மேல் (மொத்தம்) (Pushpa 2 Collections in 21 Days) வசூல் செய்துள்ளதாக படக்குழு தெரிவித்துள்ளது.

2024ல் அதிக வசூல் செய்த திரைப்படமாகவும் ‘புஷ்பா 2’ முதலிடத்தில் உள்ளது. ஆறு நாட்களில் ரூ. 1000 கோடி கிளப்பில் இணைந்த முதல் இந்திய திரைப்படம், இந்தியில் அதிக வசூல் செய்த திரைப்படம் என ‘புஷ்பா 2’ சாதனை படைத்துள்ளது குறிப்பிடத்தக்கது.