பிரபலங்கள் கலந்து கொண்ட நிக்கி - ஆதி வரவேற்பு நிகழ்ச்சி..யார் யார் வந்தார்கள் தெரியுமா?
First Published May 24, 2022, 7:38 PM ISTநட்சத்திர தம்பதிகளான நிக்கி கல்ராணி - ஆதியின் திருமண வரவேற்பு நிகழ்ச்சி சமூக வலைதளத்தில் வைரலாகி வருகிறது.
நட்சத்திர தம்பதிகளான நிக்கி கல்ராணி - ஆதியின் திருமண வரவேற்பு நிகழ்ச்சி சமூக வலைதளத்தில் வைரலாகி வருகிறது.
சினிமா பிரபலங்களான ஆதி பினிசெட்டி மற்றும் நிக்கி கல்ராணி சமீபத்தில் சென்னையில் ஆடம்பரமான முறையில் திருமணம் செய்து கொண்டனர். ஆர்யா, நானி, சந்தீப் கிஷன் போன்ற திரையுலக பிரபலங்கள் திருமண விழாவில் கலந்து கொண்டனர். மெஹந்தி, ஹல்டி முதல் திருமண விழா வரை எல்லாமே நேர்த்தியாகத் தெரிந்தன.
கடந்த மார்ச் மாதம் நிச்சயதார்த்தம் செய்து கொண்ட ஆதி பினிசெட்டி மற்றும் நிக்கி கல்ராணி, சென்னையில் அதிகாரப்பூர்வ பத்திரிகையாளர் சந்திப்பில் தங்கள் திருமண விவரங்களை அறிவித்தனர். இருவரும் பத்திரிகையாளர் சந்திப்பை ஏற்பாடு செய்து, தங்கள் திருமணம் மற்றும் பிற விவரங்களைப் பற்றி ஊடகங்களுடன் பகிர்ந்து கொண்டனர்.
இதையடுத்து ஆதி - நிக்கி திருமணம் மே 18 ஆம் தேதி சென்னையில் நடைபெறவுள்ளது. திருமணமானது மிக நெருக்கமான விழாவாக இருக்கும் என்று அவர்கள் செய்தியாளர்களிடம் குறிப்பிட்டிருந்தாலும், இடம் மற்றும் விருந்தினர்கள் பற்றிய விவரங்கள் வெளியிடப்படவில்லை.
பின்னர் திருமணத்திற்கு தயாரான நட்சத்திரங்கள் "நிக்கி கல்ராணி தங்க நிற பட்டுப் புடவை அணிந்திருந்தார், கனமான தங்க நகைகளால் அலங்கரிக்கப்பட்டார், ஆதி முண்டு கொண்ட தங்க குர்தாவைத் தேர்ந்தெடுத்தார். புதுமணத் தம்பதிகள் பார்வையாளர்களை வெகுவாக கவர்ந்திருந்தனர்.
இருவரும் பல ஆண்டுகளாக உறவில் இருந்தனர். நிக்கி கல்ராணியும் ஆதி பினிஷெட்டியும் ஏழு ஆண்டுகளுக்கு முன்பு மலுபு படப்பிடிப்பில் முதல் முறையாக சந்தித்து நட்பை வளர்த்துக் கொண்டனர். பின்னர் இருவரும் டேட்டிங் செய்ய ஆரம்பித்தனர். மலுபு உட்பட, கோலிவுட் படமான யாகவராயினும் நா காக்க படத்திலும் ஜோடி சேர்ந்து நடித்துள்ளனர்.
நெருங்கிய நண்பர்கள், உறவினர்கள் மட்டும் கலந்து கொண்ட இவர்களது மெகந்தி விழா, சங்கீத் போன்றவை வைரலானை அடுத்து திருமண புகைப்படங்கள் மற்றும் வரவேற்பு படங்களும் தற்போது வைரலாகி வருகிறது.
தமிழ் திரையுலகில் மிகவும் அறியப்படும் இந்த நட்சத்திர தம்பதிகளின் திருமண வரவேற்பிற்கு இளையராஜா, ஜீவா, அருண் விஜய், விஜய்குமார், இயக்குனர் ஹரி, நாசர், ராதிகா, சசிகுமார், ஐஸ்வர்யா ராஜேஷ் உள்ளிட்ட திரைபிரபலங்கள் கலந்து கொண்டு மணமக்களை வாழ்த்தியுள்ளனர்.
இந்த புகைப்படங்கள் தற்போது சமூகவலைத்தளத்தில் வைரலாகி வருகிறது. இதையொட்டி ரசிகர்கள் நிக்கி - ஆதிக்கு வாழ்த்து தெரிவித்து வருகின்றனர்.