தனுஷ் ரசிகர்கள் ஆவலுடன் எதிர்பார்த்துக் காத்திருந்த 'O.M: Operation Mole' பட்டாசு பால் அபிஷேகத்துடன் தியேட்டர்களில் வெளியாகியுள்ளது. ராஜ்குமார் பெரியசாமி இயக்கத்தில் தனுஷ், மம்மூட்டி, சாய் பல்லவி உள்ளிட்ட முன்னணி நட்சத்திரங்கள் நடித்துள்ள இந்த படம் உலகம் முழுவதும் ரீலீசாகியுள்ளது.
ஆக்ஷன், திரில்லர், உணர்ச்சிகரமான காட்சிகள் எனப் பல அம்சங்களைக் கொண்ட படமாக இது உருவாகியுள்ளதாக முதல் காட்சியை பார்த்த ரசிகர்கள் பதவியிட்டுள்ளனர். குறிப்பாக, தனுஷ் மற்றும் மம்மூட்டி இணைந்து நடித்துள்ள காட்சிகள் செம மாசாக இருப்பதாக தெரிவித்துள்ளனர்.
படத்தின் கதை மற்றும் திரைக்கதை எப்படி?
கிடைத்துள்ள ஆரம்பகட்டத் தகவல்களின்படி, இப்படம் உளவுத்துறை நடவடிக்கை, குற்றப் பின்னணி, ரகசிய ஆபரேஷன் மற்றும் அதிரடி மோதல்களை மையமாகக் கொண்ட ஸ்பை ஆக்ஷன் திரில்லராக உருவாகியுள்ளது.
படத்தின் அடிப்படைக் கதையைவிட, அதை இயக்குநர் ராஜ்குமார் பெரியசாமி திரையில் கையாண்டுள்ள விதம்தான் முக்கிய பலமாகக் குறிப்பிடப்படுகிறது. கதாபாத்திரங்களுக்குக் கொடுக்கப்பட்டுள்ள முக்கியத்துவம், வெவ்வேறு கதைக்களங்களை இணைக்கும் திரைக்கதை ஆகியவை ஆரம்பகட்ட விமர்சனங்களில் பாராட்டுகளைப் பெற்றுள்ளன.
அதேநேரத்தில், சில திருப்பங்கள் முன்கூட்டியே கணிக்கக்கூடியதாக இருப்பதாகவும், சில காட்சிகள் நீளமாக இருப்பதாகவும் விமர்சனங்கள் தெரிவிக்கின்றன. குறிப்பாக, வெவ்வேறு கதைக்களங்களுக்கு இடையிலான மாற்றங்கள் இன்னும் சீராக இருந்திருக்கலாம் என்ற கருத்தும் முன்வைக்கப்பட்டுள்ளது.