தனுஷ் உடன் காதலர் தினத்தன்று கல்யாணமா? வேறு வழியின்றி உண்மையை போட்டுடைத்த மிருணாள் தாக்கூர்..!

நடிகர் தனுஷை வருகிற பிப்ரவரி 14ந் தேதி காதலர் தினத்தன்று மிருணாள் தாக்கூர் திருமணம் செய்துகொள்ள உள்ளதாக செய்திகள் பரவிய நிலையில், அதுகுறித்து அவரே விளக்கம் அளித்துள்ளார்.

Mrunal Thakur Breaks Silence

தென்னிந்திய ரசிகர்களின் விருப்பமான நடிகைகளில் ஒருவர் மிருணாள் தாக்கூர். அவரும் நடிகர் தனுஷும் திருமணம் செய்துகொள்ளப் போவதாக சமீபத்தில் செய்திகள் பரவின. காதலர் தினமான பிப்ரவரி 14 அன்று திருமணம் நடைபெறும் என்றும் கூறப்பட்டது. இந்த செய்திக்கு நடிகை மிருணாள் தாக்கூர் முதன்முறையாக பதிலளித்துள்ளார். கலாட்டா பிளஸ் உடனான பேட்டியில், 'நான் திருமணம் செய்துகொள்ளப் போகிறேனா? இல்லை, நிச்சயமாக இல்லை. பிப்ரவரி 14 ஏப்ரல் 1 ஆகப் போகிறது என்று நினைக்கிறேன். அதாவது முட்டாள்கள் தினம். இதை யார் ஆரம்பித்தார்கள் என்று எனக்குத் தெரியவில்லை' என்று மிருணாள் தாக்கூர் கூறி உள்ளார்.

காதல் சர்ச்சையில் சிக்கிய மிருணாள் தாக்கூர்

ஆனந்த் எல் ராய் இயக்கத்தில் தனுஷ் நாயகனாக நடித்த 'தேரே இஷ்க் மேன்' என்ற பாலிவுட் படத்தின் பார்ட்டியில் மிருணாள் தாக்கூர் கலந்துகொண்டதிலிருந்தே இருவரும் காதலிப்பதாக சமூக வலைதளங்களில் வதந்திகள் பரவத் தொடங்கின. 'சன் ஆஃப் சர்தார் 2' திரையிடல் நிகழ்ச்சியில் இருவரும் ஒன்றாக இருக்கும் படங்கள் வெளியானதும் இந்த வதந்தி மேலும் வலுப்பெற்றது. இந்தப் படங்கள் சமூக வலைதளங்களில் வைரலாகின. தனுஷின் சகோதரிகளை மிருணாள் தாக்கூர் இன்ஸ்டாகிராமில் பின்தொடர்வதையும் சிலர் கண்டுபிடித்து சமூக வலைதளங்களில் பதிவிட்டனர்.

விளக்கம் அளித்த மிருணாள் தாக்கூர்

நடிகர் தனுஷுடன் காதலில் இருப்பதாக பரவிய வதந்திக்கு மிருணாள் தாக்கூர் முன்பே பதிலளித்திருந்தார். அந்த வதந்தியை சிரித்துக்கொண்டே மறுத்த மிருணாள், தனுஷ் தனது நல்ல நண்பர் என்று தெளிவுபடுத்தினார். அந்த பேட்டியில், 'தனுஷுடன் காதலில் இருப்பதாக வரும் செய்திகள் வேடிக்கையாக உள்ளன. எங்களுக்குள் அப்படிப்பட்ட காதல் உறவு எதுவும் இல்லை' என்று கூறினார். 'சன் ஆஃப் சர்தார் 2' திரையிடலில் தனுஷ் கலந்துகொண்டது குறித்தும் மிருணாள் விளக்கமளித்தார். 'நான் தனுஷை அழைக்கவில்லை, அவரை அஜய் தேவ்கன்தான் அழைத்திருந்தார்' என்றும் மிருணாள் கூறினார்.

சர்ச்சைக்கு முற்றுப்புள்ளி

இருப்பினும், இருவரும் டேட்டிங்கில் இருப்பதாக சினிமா ஊடகங்கள் பலமுறை செய்தி வெளியிட்டன. இதற்கிடையில், திருமண செய்தி வெளியானதும், இருவரின் ரசிகர்களும் இந்தத் தகவலைக் கொண்டாடினர். நெருங்கிய நண்பர்கள் மற்றும் உறவினர்கள் முன்னிலையில் தனிப்பட்ட முறையில் திருமணம் நடைபெறும் என்றும் செய்திகள் கூறின. தற்போது, தனுஷுக்கு நெருக்கமான வட்டாரங்களும், மிருணாள் தாக்கூரும் இந்தச் செய்தியை மறுத்துள்ளதால், திருமண வதந்திக்கு முற்றுப்புள்ளி வைக்கப்பட்டுள்ளதாக எக்ஸ் உள்ளிட்ட சமூக வலைதளங்களில் ரசிகர்கள் கருத்து தெரிவித்து வருகின்றனர். தனுஷ், ஐஸ்வர்யா ரஜினிகாந்தை விவாகரத்து செய்தவர். இந்தத் தம்பதிக்கு இரண்டு மகன்கள் உள்ளனர்.