தனது 37 வது பிறந்தநாளைக் கொண்டாடும் காஜல் அகர்வால், தனது பிறந்தநாளுக்கு வாழ்த்து தெரிவித்த தனது ரசிகர்கள் மற்றும் நண்பர்களுக்கு நன்றி தெரிவித்தார்.
தற்போது தாய்மையின் மகிழ்ச்சியை அனுபவித்து வரும் நடிகை காஜல் அகர்வால் , தனக்கு எப்போதும் சிறந்த பிறந்தநாளை வழங்கியதற்காக தனது மகன் நீலுக்கு சமூக ஊடகங்களில் நன்றி தெரிவித்தார். ஜூன் 18 ஆம் தேதி தனது 37 வது பிறந்தநாளைக் கொண்டாடும் காஜல் அகர்வால், தனது பிறந்தநாளுக்கு வாழ்த்து தெரிவித்த தனது ரசிகர்கள் மற்றும் நண்பர்களுக்கு நன்றி தெரிவித்தார்.
தனது பிறந்தநாளை முதல்முறையாக மகனுடன் கழித்த காஜல் அகர்வால், தனது மகன் நீலுடன் ஒரு படத்தைப் பகிர்ந்துள்ளார். அதில் அனைத்து அன்பு, அரவணைப்பு மற்றும் இதயப்பூர்வமான வாழ்த்துக்களுக்கு மிக்க நன்றி.” என குறிப்பிட்டுள்ளார்.
காஜல் அகர்வால் தனது மகன் நீலைப் பெற்றெடுத்த பின்னர் தனது மகிழ்ச்சி மற்றும் தாயான தருணத்தைத் தழுவி இதயத்தை உருக்கும் பதிவுகளை அவ்வப்போது பதிவிட்டு வருகிறார். நடிகை ஏப்ரல் மாதம் தனது மகனைப் பற்றி தனது முதல் இடுகையை வெளியிட்டார், மேலும் தனது இன்ஸ்டாகிராமில் தனது மகன் மற்றும் கணவருடன் இருக்கும் சில காட்சிகளை வெளியிட்டுள்ளார்.
தென் இந்திய சினிமாவில் முன்னணி நடிகைகளில் ஒருவரான காஜல் அகர்வால் முன்னணி நடிகர்களான விஜய், சூர்யா, அஜித், தனுஷ் என பல முன்னணி தமிழ் நடிகர்களுக்கு ஜோடியாக நடித்துள்ளார். தமிழ், தெலுங்கு என கொடிகட்டி பறந்து வந்த காஜல் கடந்த 2020 ஆம் ஆண்டு, அக்டோபர் மாதம், தொழிலதிபரான கவுதம் கிச்சலு என்பவரை காதலித்து திருமணம் செய்து கொண்டார். சமீபத்தில் இவருக்கு ஆண் குழந்தை பிறந்தது.