ஜன நாயகன் படத்துக்கு வந்த சோதனை; இணையத்தில் கசிந்த முழு படம்- கண்ணீர் மல்க சிவகார்த்திகேயன் வேண்டுகோள்!

Jana Nayagan Leak Sivakarthikeyan Condemns : தளபதி விஜய்யின் 'ஜன நாயகன்' படம் லீக் ஆனதற்கு சிவகார்த்திகேயன் கடும் கண்டனம் தெரிவித்துள்ளார். பைரசியை ஆதரிக்க வேண்டாம் என அவர் கேட்டுக்கொண்டுள்ளார். 

ஜன நாயகன்: கண்ணீர் மல்க சிவகார்த்திகேயன் வேண்டுகோள்

தளபதி விஜய்யின் 'ஜன நாயகன்' படக் காட்சிகள் இணையத்தில் கசிந்ததற்கு நடிகர் சிவகார்த்திகேயன் தனது கடும் கண்டனத்தைப் பதிவு செய்துள்ளார். இது குறித்து தனது X (ட்விட்டர்) பக்கத்தில் அவர் பதிவிட்டுள்ளதாவது:

"ஒவ்வொரு திரைப்படமும் நூற்றுக்கணக்கான மனிதர்களின் ஆர்வம், ரத்தம் மற்றும் வியர்வையால் உருவாகிறது. தயவுசெய்து பைரசியைத் தவிருங்கள். தியேட்டரில் படம் வெளியாகும் வரை காத்திருந்து பாருங்கள். இந்தச் செயலுக்குக் காரணமானவர்கள் மீது கடுமையான நடவடிக்கை எடுக்கப்பட வேண்டும். திறமையையும், கடின உழைப்பையும், சினிமாவையும் மதியுங்கள்!"

தயாரிப்பு நிறுவனத்தின் 'வார்னிங்' அறிக்கை:

படத்தின் தயாரிப்பு நிறுவனமான KVN புரொடக்‌ஷன்ஸ், லீக் ஆன காட்சிகளைப் பகிர்பவர்களுக்கு எதிராக மிக வலுவான எச்சரிக்கையை விடுத்துள்ளது. அவர்களின் அறிக்கையில் இடம்பெற்றுள்ள முக்கிய அம்சங்கள்:

கிரிமினல் குற்றம்: படத்தையோ அல்லது காட்சிகளையோ WhatsApp, Telegram, Instagram, YouTube போன்ற எந்தத் தளத்திலும் பதிவிறக்கம் செய்வது, பார்ப்பது அல்லது பகிர்வது மிகப்பெரிய கிரிமினல் குற்றமாகும்.

டிஜிட்டல் ட்ராக் (Digital Track):

ஆன்லைனில் செய்யக் கூடிய ஒவ்வொரு நடவடிக்கையையும் பின்தொடர முடியும். ஏற்கனவே தடயவியல் விசாரணைகள் (Forensic Investigation) தொடங்கப்பட்டுவிட்டன.

தண்டனை உறுதி: இந்தச் சங்கிலித் தொடரில் சம்பந்தப்பட்ட அனைவரையும் அடையாளம் கண்டு, அவர்கள் மீது பாரபட்சமின்றி சிவில் மற்றும் கிரிமினல் வழக்குகள் பதியப்படும்.

ஜன நாயகன்

எச். வினோத் இயக்கத்தில் விஜய் நடித்துள்ள 'ஜன நாயகன்', அவர் முழு நேர அரசியலில் இறங்குவதற்கு முன்னதாக வெளியாகும் கடைசிப் படம் என்பதால் உலகளவில் பெரும் எதிர்பார்ப்பு நிலவுகிறது. சென்சார் நடைமுறைகளால் பொங்கல் ரிலீஸில் இருந்து தள்ளிப்போன இப்படம், தற்போது பைரசி சிக்கலைச் சந்தித்துள்ளது ரசிகர்களிடையே சோகத்தை ஏற்படுத்தியுள்ளது.

ஜன நாயகன் படத்துக்கு வந்த சோதனை

தளபதி விஜய் தவெக கட்சியை ஆரம்பித்து 2026 சட்டமன்ற தேர்தலை எதிர்நோக்கி முழு நேர அரசியல்வாதியாக நாடு முழுவதும் பிரச்சாரம் மேற்கொண்டு வரும் நிலையில் ஜன நாயகன் பட ரிலீஸில் முழு கவனம் செலுத்தவில்லை என்று கூறப்படுகிறது. இந்த சூழலில் இப்போது ஜன நாயகன் முழு படமும் ஹெச் டி வீடியோவாக லீக் செய்யப்பட்டது பெரும் அதிர்ச்சியை ஏற்படுத்தியுள்ளது.