நான்கு பேருக்கு மட்டுமே தெரிந்த ரகசியம் லீக் ஆனது எப்படி? ஜன நாயகன் படக்குழுவில் வெடித்தப் போராட்டம்

Jana Nayagan Full Movie HD Video Leaked Online: தமிழக வெற்றிக் கழகத் தலைவர் விஜய் நடிப்பில் உருவான ‘ஜனநாயகன்’ திரைப்படம், திரையரங்குகளில் வெளியாவதற்கு முன்பே இணையத்தில் கசிந்துள்ள சம்பவம் கோலிவுட் வட்டாரத்தில் பெரும் அதிர்வலைகளை ஏற்படுத்தியுள்ளது. 

TVK Vijay - Jana Nayagan Movie

தமிழக வெற்றிக் கழகத் தலைவர் விஜய் நடிப்பில் உருவான ‘ஜன நாயகன்’ திரைப்படம், திரையரங்குகளில் வெளியாவதற்கு முன்பே இணையத்தில் கசிந்துள்ள சம்பவம் கோலிவுட் வட்டாரத்தில் பெரும் அதிர்வலைகளை ஏற்படுத்தியுள்ளது. பொதுவாக ஒரு திரைப்படம் தணிக்கை செய்யப்பட்டு, இறுதி வடிவம் பெற்ற பின்னரே திரையரங்குகளுக்கு அனுப்பப்படும்.

Jana Nayagan - ஜன நாயகன்

ஆனால், நேற்று (ஏப்ரல் 9) இணையத்தில் வெளியான ‘ஜன நாயகன்’ படத்தின் பதிப்பில் ‘எடிட் மார்க்’ (Edit Marks) எனப்படும் படத்தொகுப்பு அடையாளங்கள் இடம் பெற்றிருப்பதுதான் பல கேள்விகளை எழுப்பியுள்ளது.திரைப்படத் துறையின் தொழில்நுட்ப முறைப்படி, ஒரு படத்தின் ஆரம்பக்கட்ட எடிட்டிங் பணிகளின் போது மட்டுமே இத்தகைய எடிட் மார்க்குகள் கொண்ட பதிப்புகள் (Raw Cut) பயன்படுத்தப்படும்.

Jana Nayagan Full Movie Leaked Online Ja

இத்தகைய பதிப்புகள் மிகவும் ரகசியமாகப் பாதுகாக்கப்படுபவை. குறிப்பாக, படத்தின் இயக்குநர், கதாநாயகன், எடிட்டர் மற்றும் தயாரிப்பாளர் ஆகிய இந்த நான்கு முக்கிய நபர்களிடம் அல்லது அவர்களின் நேரடி மேற்பார்வையில் உள்ள எடிட்டிங் ஸ்டுடியோக்களில் மட்டுமே இந்தப் பிரதி இருக்கும். தற்போது இணையத்தில் வெளியாகி இருக்கும் பதிப்பு, இந்த நான்கு தரப்பில் ஏதேனும் ஒன்றிலிருந்து தான் கசிந்திருக்க வேண்டும் எனத் திரையுலகினர் உறுதியாகக் கூறுகின்றனர்.

Jana Nayagan Movie Leaked Online

இதனால் படக்குழுவினர் இடையே தற்போது பெரும் போராட்டமும், ஒருவரையொருவர் சந்தேகப்படும் சூழலும் உருவாகியுள்ளது. தயாரிப்பு தரப்பு இது குறித்து சென்னை சைபர் க்ரைம் போலீசில் புகார் அளித்துள்ளது. பொதுவாகப் பெரிய நடிகர்களின் படங்கள் ரிலீஸாகும் போது திரையரங்கில் இருந்து படம் திருட்டுத்தனமாகப் பதிவு செய்யப்பட்டு கசிவது வழக்கம். ஆனால், எடிட்டிங் மேசையில் இருக்கும் ஒரு பதிப்பு கசிவது என்பது தயாரிப்பு நிர்வாகத்தின் பாதுகாப்புக் குறைபாட்டையே காட்டுகிறது.

Thalapathy Vijay Jana Nayagan Movie Leaked Online

தவிர, ‘ஜன நாயகன்’ திரைப்படம் ஏற்கனவே அதன் அரசியல் வசனங்கள் மற்றும் தணிக்கை வாரியத்துடனான மோதல் காரணமாகத் தேசிய அளவில் செய்திகளில் இடம்பெற்றிருந்தது. தேர்தல் ஆணையத்தின் நேரடி கண்காணிப்பில் இப்படம் இருப்பதாகக் கூறப்பட்ட நிலையில், இந்த திடீர் கசிவு அரசியல் உள்நோக்கம் கொண்டதா என்ற கோணத்திலும் தவெக தொண்டர்கள் சமூக வலைதளங்களில் விவாதித்து வருகின்றனர்.

Jana Nayagan Movie HD video Leaked

பல கோடி ரூபாய் முதலீடு செய்யப்பட்டுள்ள ஒரு பிரம்மாண்ட படம், ரிலீஸிற்கு முன்பே இப்படி கசிந்திருப்பது படத்தின் வசூலை கடுமையாகப் பாதிக்கும் என்பதால், விஜய் ரசிகர்கள் மிகுந்த சோகத்தில் உள்ளனர். இந்த விவகாரத்தில் உண்மையான குற்றவாளி யார் என்பதைக் கண்டறிய படக்குழுவினர் எடிட்டிங் ஸ்டுடியோவின் சிசிடிவி காட்சிகள் மற்றும் டிஜிட்டல் தடயங்களை ஆய்வு செய்து வருகின்றனர். இச்சம்பவம் சினிமா தயாரிப்பில் டிஜிட்டல் பாதுகாப்பின் அவசியத்தை மீண்டும் ஒருமுறை வலியுறுத்தியுள்ளது.