Dhanush: பாலிவுட் மருமகனாகிறாரா தனுஷ்? இணையத்தை ஆக்கிரமித்த திருமணச் செய்தி!

நடிகர் தனுஷ் மற்றும் 'சீதா ராமம்' புகழ் மிருனாள் தாகூர் காதலர் தினத்தன்று திருமணம் செய்யப்போவதாக வதந்திகள் பரவி வருகின்றன. இந்த வதந்திகள் குறித்து இருவரும் மௌனம் காப்பதால், ரசிகர்களிடையே எதிர்பார்ப்பு அதிகரித்துள்ளது.

காதலர் தினத்தில் காதல் திருமணம்.?!

தமிழ் திரையுலகின் 'நட்சத்திர நாயகன்' தனுஷ் மற்றும் பாலிவுட்டின் 'சீதா ராமம்' புகழ் மிருனாள் தாகூர் ஆகிய இருவரையும் சுற்றிச் சுழலும் திருமண வதந்திகள், தற்போது இந்தியத் திரைத்துறையையே அதிர வைத்துள்ளது. குறிப்பாக, வரும் பிப்ரவரி 14-ம் தேதி காதலர் தினத்தன்று இவர்களது திருமணம் நடைபெறப்போவதாகப் பரவி வரும் தகவல், ரசிகர்களிடையே பெரும் விவாதத்தை ஏற்படுத்தியுள்ளது.

நெருப்பு இல்லாமல் புகையுமா?!

தனுஷ் தனது அடுத்த பாலிவுட் படமான 'தேரே இஷ்க் மே' பணிகளுக்காக மும்பையில் அதிக நேரம் செலவிட்டு வருகிறார். அங்கு நடைபெற்ற சில தனியார் பார்ட்டிகளில் தனுஷும் மிருனாளும் மிகவும் நெருக்கமாகப் பழகிய வீடியோக்கள் சமூக வலைதளங்களில் காட்டுத்தீயாய் பரவி. வருகின்றன. தனுஷின் குடும்ப உறுப்பினர்களுடன் மிருனாள் சமூக வலைதளங்களில் காட்டும் நெருக்கமும், ஒருவருக்கொருவர் பதிவிடும் கமெண்ட்களும் இந்தச் சந்தேகத்திற்கு வலு சேர்த்துள்ளன.

ஏன் இந்த மௌனம்?

பொதுவாக இது போன்ற பெரிய வதந்திகள் பரவும்போது, பிரபலங்கள் உடனடியாக மறுப்புத் தெரிவிப்பது வழக்கம். ஆனால், தனுஷ் மற்றும் மிருனாள் தாகூர் ஆகிய இருவருமே இந்தத் திருமணச் செய்தி குறித்து இதுவரை நேரடியாக எந்தவொரு விளக்கமும் அளிக்காமல் மௌனம் காத்து வருகின்றனர்.

ரசிகர்களின் எதிர்பார்ப்பு

தனுஷ் ஏற்கனவே ஐஸ்வர்யா ரஜினிகாந்தை விவாகரத்து செய்து பிரிந்து வாழும் நிலையில், அவரது இரண்டாம் திருமணம் குறித்த செய்திகள் அடிக்கடி வெளிவந்த வண்ணம் உள்ளன. இப்போது 9 வயது இளையவரான மிருனாள் தாகூருடன் அவர் இணைத்துப் பேசப்படுவது பாலிவுட் முதல் கோலிவுட் வரை பேசுபொருளாகியுள்ளது.

இந்த மௌனம் கலைக்கப்படுமா?

பிப்ரவரி 14 நெருங்கி வரும் வேளையில், இந்த மௌனம் கலைக்கப்படுமா? அல்லது வதந்திகள் உண்மையாகுமா? என்பதைப் பொறுத்திருந்துதான் பார்க்க வேண்டும். அதுவரை ரசிகர்களுக்கு இது ஒரு புதிராகவே நீடிக்கும்.