செம்ம திமிர்..! சொந்த ஊருக்குள் அடியாட்களுடன் வலம்..! கொதித்துப் போன தனுஷ் ஊர் மக்கள்

நடிகர் தனுஷ் தனது சொந்த ஊருக்கு பவுன்சர்களுடன் சென்றது கிராம மக்களிடையே சர்ச்சையை ஏற்படுத்தியுள்ளது. "சொந்த ஊருக்கே பவுன்சர் தேவையா?" என மக்கள் கேள்வி எழுப்பியுள்ளனர்.

தனுஷ் சொந்த ஊர்

சினிமா உலகில் தனது தனித்துவமான நடிப்பால் ரசிகர்களின் இதயத்தை கவர்ந்தவர் நடிகர் தனுஷ். சமீபத்தில் அவர் தனது சொந்த ஊருக்குச் சென்றபோது, ​​அவருடன் பவுன்சர்கள் (பாதுகாப்பு பணியாளர்கள்) வருவது கிராம மக்களிடையே பெரும் சர்ச்சையை ஏற்படுத்தி உள்ளது. “நம்ம ஊரு பையன் தான், ஆனா இவ்ளோ பெரிய பவுன்சர் பாதுகாப்பு எதுக்கு?” என்று கேள்வி எழுப்புகின்றனர் உள்ளூர் கிராம மக்கள்.

கிராம மக்கள் குற்றச்சாட்டு

இதுகுறித்து ஊர் மக்கள் கூறுவதாவது, “தனுஷ் எளிமையாக நடந்து கொண்டால் அவருக்கு இன்னும் அதிக அன்பு கொடுப்போம்; பவுன்சர் பாதுகாப்பு தேவையில்லை” என்று குற்றச்சாட்டை சுமத்துகிறார்கள். தனுஷ் குடும்பத்தினர் வந்தபோது சிலர் அவரை நேரில் சந்திக்க முயன்றதாகவும், ஆனால் பவுன்சர்கள் அதைத் தடுத்ததாகவும் கூறப்படுகிறது. இதனால் மக்கள் இடையே “சொந்த ஊருக்கே வந்து பவுன்சர் வேணுமா?” என்ற கேள்வி எழுந்துள்ளது.

தனுஷ் உடன் செல்ஃபி

“தனுஷ் எப்போதும் மக்களுடன் கலந்துகொண்டு பேசுவார் என நினைத்தோம். ஆனால் இப்போது அவரை அணுக முடியாத நிலை ஏற்பட்டது” என வருத்தம் தெரிவித்துள்ளார். மறுபுறம், தனுஷ் தன் சொந்த ஊருக்கு அடிக்கடி வருவதாக கிராம மக்கள் கூறுகிறார்கள். ஆனால் அவர் வரும்போதெல்லாம் அமைதியாக வந்து, யாருடனும் பேசாமல் திரும்பிச் செல்கிறார். “ஒரு போட்டோ கூட எடுக்க முடியல, ஒரே முறை சிரிச்சா போதும்!” என ரசிகர்கள் கோரிக்கை விடுத்துள்ளனர்.

சொந்த ஊரில் தனுஷ்

சில இளைஞர்கள், “அவரை நெருங்கிப் பேசவே முடியவில்லை; குறைந்தது ஒரு சிறிய நிமிடம் ரசிகர்களுக்காக ஒதுக்கினால் போதும்” என்றும் கூறுகிறார்கள். தற்போது இந்த விவகாரம் இணையத்தில் பெரும் விவாதமாக மாறி, “தனுஷ் ஊருக்கே வந்தா ஊர் மக்களோடு பேசணும்” என ரசிகர்கள் வலியுறுத்தி வருகின்றனர்.