விஜய்யை போல் உதயநிதியும் சினிமாவை விட்டு விலக வேண்டும் - இயக்குனர் பேரரசு பளீச் பேட்டி

நடிகர் விஜய் நடிக்க மாட்டேன் என அறிவித்ததை போல துணை முதலமைச்சர் உதயநிதி ஸ்டாலினும் சினிமா தயாரிப்பில் ஈடுபட மாட்டேன் என அறிவிக்க வேண்டும் என இயக்குனர் பேரரசு கூறி உள்ளார்.

Director Perarasu Request to Udhayanidhi Stalin : நடிகர் விஜய் நடித்த சிவகாசி, திருப்பாச்சி போன்ற திரைப்படங்களை இயக்கியதன் மூலம் தமிழ் சினிமாவில் முன்னணி இயக்குனராக உருவெடுத்தவர் பேரரசு. இவர் தற்போது படங்களை இயக்காவிட்டாலும் சினிமா மற்றம் அரசியல் குறித்து தன்னுடைய கருத்தை தொடர்ந்து முன்வைத்த வண்ணம் இருக்கிறார். இந்த நிலையில் ஈரோட்டில் நிகழ்ச்சி ஒன்றில் பங்கேற்க சென்றிருந்த பேரரசு, அங்கு செய்தியாளர்களை சந்தித்து அவர்களின் கேள்விக்கு பதிலளித்தார்.

Director Perarasu

அப்போது இயக்குனர் பேரரசு, விஜயின் அரசியல் பயணத்தைப் பற்றி பேனார். மேலும் விஜய்யின் அரசியல் கட்சி குறித்து சில முக்கியமான கருத்துகளை வெளியிட்டுள்ளார். அதன்படி, விஜய்யின் அரசியலில் முன்னேற வேண்டும் என்றால் மக்களின் தேவைகளுக்கு ஏற்ப புதிய கொள்கைகள் மற்றும் திட்டங்களை உருவாக்க வேண்டும். ஏற்கனவே உள்ள கட்சிகளின் கொள்கைகளை பின்பற்றுவது புதியதாகத் தெரியாது. அதனால், விஜய் மக்களுக்கு நன்மை செய்ய புதிய தீர்வுகள் கொண்டு வர வேண்டும்.

இதையும் படியுங்கள்... "மொத்த தமிழ்நாடும் ஒரே பாட்டில்" ஸ்பாட்டில் லிரிக் எழுதி அசத்திய பேரரசு - எந்த பாட்டு தெரியுமா?

TVK Vijay

மேலும், விஜய்யின் அரசியல் பயணத்தில் அவருடைய ரசிகர்கள் தற்பொழுது தொண்டர்களாக மாறியுள்ளனர். இது, அவருக்கு பெரிய ஆதரவாக இருக்கும். ஆனால், அவருடைய கட்சி மக்களின் நம்பிக்கையை பெறுவதற்கு, அவருடைய புதிய கொள்கைகள் மற்றும் திட்டங்களை தெளிவாக பரப்ப வேண்டும். ஒரு கட்சி வெற்றிபெறுவதை விட, அது மற்ற கட்சிகளை எதிர்த்துப் பேசவேண்டும். அது மக்களின் கவனத்தை அந்தக் கட்சியில் ஈர்க்க உதவும். விஜயின் அரசியல் பாதை சரியானது, ஆளும் கட்சியை விமர்சிக்காமல் எந்த கட்சியும் முன்னேற முடியாது. அதனால், விஜய் தெளிவாக இந்த முறையைச் சரியாகப் பின்பற்றுவதாக பேரரசு கூறியுள்ளார்.

Vijay, Udhayanidhi

தொடர்ந்து பேசிய அவர், இப்போது உதயநிதி அரசியலுக்கு வந்துவிட்டார். தற்போது, அவர் துணை முதல்வராக பதவியை வகிக்கின்றார். ஆனால், அவர் திரைப்படத்துறையில் தொடர்ந்து செயல்படும் நிலையைப் பற்றி பேரரசு கருத்து தெரிவித்தார். உதயநிதி படங்களை வாங்கி வெளியிடுவதில் இருந்து விலக வேண்டும். விஜய் தன் நடிப்பை விலக்குவதாக அறிவித்த நிலையில், உதயநிதி அவ்வாறே படங்களை தயாரித்து வெளியிடாமல் அரசியலிலேயே முழு கவனம் செலுத்த வேண்டும் என பேரரசு கூறினார்.

இதையும் படியுங்கள்... “நான் எப்போதுமே விஜய்யின் விசுவாசி தான்” பட விழாவில் தளபதிக்கு சப்போர்ட் செய்த இயக்குனர் பேரரசு!