3 நாளில் 500 கோடி! இந்திய சினிமாவையே மிரள வைத்த 'துரந்தர் 2'! பாக்ஸ் ஆபிஸில் அடுத்தடுத்த சரித்திரம்!

Dhurandhar 2 worldwide box office collection day 3 : 2026-ன் மிகப்பெரிய ஆக்சன் படமான 'துரந்தர் 2' உலகளவில் மூன்றே நாட்களில் ரூ. 500 கோடி வசூலித்து புதிய சரித்திரம் படைத்துள்ளது.

Dhurandhar 2 worldwide box office collection day 3

துரந்தர் 2 திரைப்படம் உலகம் முழுவதும் மிகப்பெரிய வரவேற்பை பெற்று வசூலில் சாதனை படைத்து வருகிறது. வெளியான மூன்று நாட்களிலேயே இந்த படம் ரூ.500 கோடி கிளப்பில் இணைந்துள்ளது என்பது திரையுலகில் பெரும் பேசுபொருளாக மாறியுள்ளது. தகவல்களின் படி, இந்த படம் உலகளவில் ரூ.501.04 கோடி வசூலை எட்டியுள்ளது. வெளிநாட்டு சந்தையில் மட்டும் ரூ.96.50 கோடி வசூல் செய்துள்ளது. இந்தியாவில் நெட் வசூல் ரூ.339.37 கோடியும், மொத்த (gross) வசூல் ரூ.404.54 கோடியும் கிடைத்துள்ளது. இது படத்தின் மாபெரும் வரவேற்பை காட்டுகிறது.

Dhurandhar 2 crossed 500 crore in 3 days

வாராந்திர வசூல் விவரங்களை பார்க்கும்போது, பேட் பிரிவியூ மூலம் ரூ.43 கோடி வசூல் கிடைத்துள்ளது. முதல் நாளில் ரூ.102.55 கோடி, இரண்டாம் நாளில் ரூ.80.72 கோடி, மூன்றாம் நாளில் ரூ.113 கோடி வசூல் செய்து சாதனை படைத்துள்ளது. மூன்றாம் நாளில் 81.6% ஆக்யுபென்சி கிடைத்துள்ளது. இரண்டாம் நாள் 62.6% மற்றும் முதல் நாள் 67.8% ஆக இருந்தது. மொத்தம் 20,000-க்கும் மேற்பட்ட காட்சிகள் திரையிடப்பட்டுள்ளன.

Dhurandhar 2 box office collection day-wise

இந்த படம் War மற்றும் Tiger 3 போன்ற படங்களின் வசூல் சாதனைகளையும் முறியடித்துள்ளது. கதையைப் பொறுத்தவரை, ரெஹ்மான் டக்காய்த் மரணத்திற்குப் பிறகு நடைபெறும் சம்பவங்களை மையமாகக் கொண்டு கதை நகர்கிறது. இதில் ஹம்சா என்ற கதாபாத்திரத்தில் ரன்வீர் சிங் நடித்துள்ளார். அவர் இந்திய உளவு அதிகாரியாக பாகிஸ்தானில் உள்ள கும்பல்களை ஒவ்வொன்றாக அழிக்கும் காட்சிகள் ரசிகர்களை கவர்ந்துள்ளன.

துரந்தர் 2 வசூல் விவரம்

மேலும் சஞ்சய் தத் நடித்த சௌதரி அஸ்லம் கதாபாத்திரமும் மாதான் மற்றும் Arjun Rampal ஆகியோரின் கதாபாத்திரங்களும் பாராட்டைப் பெற்றுள்ளன. இயக்குநர் Aditya Dhar அவர்களின் பணிக்கும் மிகுந்த பாராட்டு கிடைத்து வருகிறது. மொத்தத்தில், துரந்தர் 2 படம் வசூல் மற்றும் வரவேற்பில் மிகப்பெரிய வெற்றியை பதிவு செய்து வருகிறது. இன்னும் வர நாளில் வசூல் அதிகரிக்கும் என்று எதிர்பார்க்கப்படுகிறது.