Nayanthara : 42வது பிறந்தநாள் கொண்டாடும் நயன்தாராவின் சொத்து மதிப்பு இத்தனை கோடியா?

Published : Nov 18, 2026, 06:07 PM IST

Nayanthara Birthday : தமிழ் திரையுலகில் முன்னணி நடிகையாக வலம் வரும் நயன்தாரா, தன்னுடைய 42வது பிறந்தநாளை கொண்டாடி வரும் நிலையில், அவரின் சொத்து மதிப்பு பற்றி பார்க்கலாம்.

PREV
16
நயன்தாராவின் 42வது பிறந்தநாள்

நயன்தாரா இன்று (நவம்பர் 18) தனது 42வது பிறந்தநாளை கொண்டாடுகிறார். இந்த சிறப்பு நாளில் இந்திய சினிமா பிரபலங்களும் ரசிகர்களும் சோஷியல் மீடியாவில் அவருக்கு வாழ்த்து மழையை பொழிந்து வருகிறார்கள். 20 ஆண்டுகளுக்கும் மேலான சினிமா பயணம் இது. 75க்கும் மேற்பட்ட படங்களில் நடித்துள்ள நயன்தாரா, தென்னிந்திய சினிமாவில் ஹீரோயின்களுக்கான ஸ்டார் வேல்யூவை மொத்தமாக மாற்றி எழுதிவிட்டார்.

பொதுவாக பெரிய ஹீரோக்களின் படங்களுக்குத் தான் தியேட்டர்களில் மாஸ் ஓபனிங், ரசிகர்களின் கொண்டாட்டம் எல்லாம் இருக்கும். ஆனால் ஒரு ஹீரோயினாக தனது படங்களுக்கும் அதே அளவு பாக்ஸ் ஆபிஸ் கலெக்‌ஷன் வர வைக்க முடியும் என நிரூபித்தவர் நயன்தாரா. மலையாள சினிமாவில் அறிமுகமான அவர், தமிழ் சினிமாவில் தனக்கென ஒரு பெரிய சாம்ராஜ்யத்தை உருவாக்கி 'லேடி சூப்பர்ஸ்டார்' என்ற பட்டத்தையும் தட்டிச் சென்றார்.

26
தமிழ் ஆடியன்ஸை கவர்ந்த முதல் என்ட்ரி

டயானா மரியம் குரியன் என்பதுதான் நயன்தாராவின் உண்மையான பெயர். 1984ம் ஆண்டு நவம்பர் 18-ம் தேதி பெங்களூரில் பிறந்தார். 2003-ல் சத்யன் அந்திக்காடு இயக்கிய 'மனஸ்ஸினக்கரே' என்ற மலையாள படம் மூலம் சினிமாவில் அறிமுகமானார். 2005-ல் தமிழ் சினிமாவில் அவரது என்ட்ரியே செம மாஸாக இருந்தது. ஹரி இயக்கத்தில் சரத்குமார் ஜோடியாக 'ஐயா' படத்தில் நடித்து கோலிவுட்டில் கால் வைத்தார். தனது இயல்பான நடிப்பால் குடும்ப ரசிகர்களின் மனதை முதல் படத்திலேயே வென்றார்.

அதே வருடம் பி.வாசு இயக்கத்தில் சூப்பர்ஸ்டார் ரஜினிகாந்த் நடித்த 'சந்திரமுகி' படத்தில் நடிக்கும் பெரிய வாய்ப்பு அவருக்கு கிடைத்தது. இந்தப் படம் பாக்ஸ் ஆபிஸில் மிகப்பெரிய ஹிட் அடித்தது. ஒரே இரவில் தமிழ்நாடு முழுவதும் பிரபலமான நடிகையாக மாறினார் நயன்தாரா. அதன்பிறகு ஏ.ஆர். முருகதாஸ் இயக்கிய 'கஜினி' படத்தில் அவரது வித்தியாசமான நடிப்பு அவருக்கு பெரிய அடையாளத்தை கொடுத்தது.

36
கிளாமர் டூ சீரியஸ் ரோல்: மாறிய நயன்தாராவின் இமேஜ்

2000-களின் இறுதியில் நயன்தாரா தனது நடிப்பால் அடுத்த கட்டத்துக்கு சென்றார். வெறும் கிளாமர் ரோல்கள் மட்டுமல்லாமல், பக்கத்து வீட்டுப் பெண் போன்ற இயல்பான கேரக்டர்களிலும் முத்திரை பதித்தார். அஜித் குமார் நடித்த 'பில்லா' (2007) படத்தில் நயன்தாராவின் ஸ்டைலிஷ் மற்றும் ஆக்‌ஷன் லுக், தமிழ் சினிமா ஹீரோயின்கள் பற்றிய பழைய இமேஜையே உடைத்தது.

அதன்பிறகு 'யாரடி நீ மோகினி' (2008), 'பாஸ் என்கிற பாஸ்கரன்' (2010) மற்றும் 'ராஜா ராணி' (2013) போன்ற படங்களின் வெற்றி, அவரை சினிமாவில் அதிகம் சம்பளம் வாங்கும் முன்னணி ஹீரோயினாக மாற்றியது. ரஜினிகாந்தின் 'தர்பார்', விஜய்யின் 'வில்லு', 'பிகில்', அஜித் குமாரின் 'ஆரம்பம்', 'விஸ்வாசம்', சூர்யாவின் 'ஆதவன்', 'மாஸ்' என பல பெரிய ஹீரோக்களுடன் நடித்தாலும், நயன்தாரா தனது கேரக்டர்கள் மூலம் ரசிகர்களின் கவனத்தை ஈர்ப்பதில் எப்போதும் வெற்றி பெற்றார்.

46
ஹீரோயினே ஹீரோ: பாக்ஸ் ஆபிஸில் புதிய புரட்சி

மற்ற நடிகைகளிடம் இருந்து நயன்தாராவை வித்தியாசப்படுத்திக் காட்டுவது, ஹீரோயினுக்கு முக்கியத்துவம் உள்ள படங்களை பாக்ஸ் ஆபிஸில் வெற்றிபெற வைக்கும் அவரது திறமைதான். 2010-களின் பாதியில் இருந்து ஹீரோவை மட்டுமே நம்பி இருக்காமல், தன் சொந்தப் பெயரில் படங்களை ஹிட் ஆக்க அவர் அதிகம் மெனக்கெட்டார்.

மாயா (2015): குறைந்த பட்ஜெட்டில் எடுக்கப்பட்ட இந்த ஹாரர் த்ரில்லர் படம், நயன்தாராவின் ஸ்டார் வேல்யூவை உலகத்துக்கு காட்டியது. ஹீரோயின் சப்ஜெக்ட் படங்களும் தியேட்டருக்கு கூட்டத்தை இழுக்கும் என்பதை இந்தப் படம் நிரூபித்தது.

அறம் (2017): கலெக்டர் கேரக்டரில் வந்த நயன்தாரா, தண்ணீர் பிரச்னை மற்றும் அதிகாரிகளின் அலட்சியத்துக்கு எதிராக போராடும் ஒரு தைரியமான அதிகாரியாக மிரட்டினார். இந்த நடிப்புக்கு விமர்சகர்களிடம் பெரிய அளவில் பாராட்டுகள் குவிந்தது. சிறந்த நடிகைக்கான பிலிம்பேர் விருதையும் வென்றார்.

கோலமாவு கோகிலா மற்றும் இமைக்கா நொடிகள் (2018): சில வார இடைவெளியில் ரிலீசான இந்த இரண்டு படங்களுமே பாக்ஸ் ஆபிஸில் பெரிய ஹிட் அடித்தன. இதில் 'கோலமாவு கோகிலா' அந்த காலகட்டத்தில் ஒரு ஹீரோயின் சப்ஜெக்ட் படத்துக்கு கிடைத்த அதிகப்படியான ஓபனிங் கலெக்‌ஷனை பதிவு செய்தது.

மூக்குத்தி அம்மன் (2020) மற்றும் நெற்றிக்கண் (2021): மாடர்ன் அம்மன் கேரக்டரில் இருந்து, பார்வையில்லாத முன்னாள் சிபிஐ அதிகாரியாக சீரியல் கில்லரை வேட்டையாடும் ரோல் வரை நயன்தாரா தேர்ந்தெடுத்த கதைகள் எல்லாமே வித்தியாசம். தியேட்டர்கள் மட்டுமின்றி ஓடிடி தளங்களிலும் அவரது ஆதிக்கம் தொடர்ந்தது.

56
தயாரிப்பாளர், பிசினஸ் வுமன் அவதாரம்

தமிழ் சினிமாவில் மட்டுமின்றி, தெலுங்கு மற்றும் மலையாள சினிமாவிலும் நயன்தாராவுக்கு பெரிய ரசிகர் பட்டாளம் இருக்கிறது. தெலுங்கில் 'ஸ்ரீராமராஜ்யம்', 'சைரா நரசிம்ம ரெட்டி', 'மன சங்கர வர பிரசாத் காரு' மற்றும் மலையாளத்தில் 'புதிய நியமம்' போன்ற படங்கள் மூலம் வேறு மொழி ஆடியன்ஸையும் கவர்ந்தார். 2023-ல் அட்லீ இயக்கத்தில் ஷாருக்கான் நடித்த 'ஜவான்' படம் மூலம் பாலிவுட்டிலும் எண்ட்ரி கொடுத்து அங்கும் தடம் பதித்தார்.

2026-லும் 'டாக்சிக்' போன்ற பான் இந்தியா படங்களுடன், சுந்தர் சி இயக்கிய 'மூக்குத்தி அம்மன் 2' படத்தில் டபுள் ஆக்‌ஷனில் நடித்து இருந்தார். சினிமா தாண்டி பிசினஸிலும் இறங்கியுள்ள நயன்தாரா, 'ரவுடி பிக்சர்ஸ்' நிறுவனம் மூலம் தயாரிப்பாளராகவும் இருக்கிறார். அதோடு, '9Skin' மற்றும் 'Femi9' போன்ற பிராண்டுகள் மூலம் பிசினஸ் உலகிலும் கலக்கி வருகிறார்.

66
நயன்தாரா சொத்து மதிப்பு

42 வயதை தொடும் நயன்தாராவின் சினிமா பயணம் நிஜமாகவே பலருக்கும் ஒரு பெரிய இன்ஸ்பிரேஷன். எதார்த்தமாக சினிமாவுக்கு வந்த அவர், தனது உழைப்பு, திறமை மற்றும் சரியான கதைகளை தேர்ந்தெடுத்ததன் மூலம் 20 ஆண்டுகளுக்கும் மேலாக மக்கள் மனதில் சிம்மாசனம் போட்டு அமர்ந்திருக்கிறார். இவரின் சொத்து மதிப்பு 223 கோடி இருக்கும் என தகவல்கள் தெரிவிக்கின்றன.

ஒரு காலத்தில் ஹீரோயின்களுக்கு பாக்ஸ் ஆபிஸில் பெரிய மவுசு இல்லை என்ற நிலை இருந்தது. ஆனால், லீட் ரோலில் நடித்து அந்த எழுதப்படாத விதியை மாற்றிய நயன்தாரா, இன்று தன் பெயருக்காகவே தியேட்டருக்கு ஆடியன்ஸை வரவைக்கும் அளவுக்கு உயர்ந்துள்ளார். அதனால் தான் அவர் வெறும் பிரபலமான நடிகை மட்டுமல்ல; இந்திய சினிமாவில் லேடி சூப்பர்ஸ்டார் என்ற வார்த்தைக்கு அர்த்தம் சொல்லிக் கொடுத்த ஒரு அபூர்வ தாரகை.

தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.

Read more Photos on
click me!

Recommended Stories