ரெக்கார்டு மேக்கர் அண்ட் ரெக்கார்டு பிரேக்கர்: கூலி முதல் நாள் வசூல் இத்தனை கோடியா? சன் பிக்சர்ஸ் அறிவிப்பு!

ரஜினிகாந்த் மற்றும் லோகேஷ் கனகராஜ் கூட்டணியில் உருவான "கூலி" திரைப்படம், பாக்ஸ் ஆபிஸில் மிகப்பெரிய வெற்றியைப் பெற்றுள்ளது.

ரஜினிகாந்த் கூலி முதல் நாள் வசூல்

இயக்குனர லோகேஷ் கனகராஜ் இயக்கத்தில் ரஜினி நடிப்பில்வெளியான படம் ‘கூலி’. ஆக்‌ஷன் த்ரில்லரான இப்படம், ரசிகர்களிடம் கலவையான விமர்சனங்களைப் பெற்றுள்ளது. ரஜினி, தனது பங்களிப்பை சிறப்பாக செய்துள்ளார். நாகர்ஜூனாவின் வில்லன் கதாபாத்திரம் இன்னும் வலுவாக இருந்திருக்கலாம் என்று எண்ணம் தொன்றுகிறது.

கூலி வசூல்

கூலி பாக்ஸ் ஆபிஸ் வசூல்

ரஜினிகாந்த் மற்றும் லோகேஷ் கனகராஜ் கூட்டணியில் உருவான "கூலி" திரைப்படம், பாக்ஸ் ஆபிஸில் மிகப்பெரிய வெற்றியைப் பெற்றுள்ளது. பல்வேறு ஊடகங்கள் மற்றும் வர்த்தக வட்டாரங்களின் அறிக்கைகளின்படி, படத்தின் வசூல் குறித்து பல விதமாக தகவல் வெளியானது. அதன்படி 

தமிழ்நாட்டில் முதல் நாள் வசூல்:

"கூலி" திரைப்படம் தமிழ்நாட்டில் முதல் நாளில் ரூ.28 கோடி முதல் ரூ.45 கோடி வரை வசூல் செய்துள்ளதாக தகவல்கள் தெரிவிக்கின்றன.

இது தமிழ் சினிமா வரலாற்றில் ஒரு படத்தின் மிக அதிகபட்ச முதல் நாள் வசூல் என்று சில அறிக்கைகள் குறிப்பிடுகின்றன.

பல திரையரங்குகளில் முதல் நாள் காட்சிகள் பெரும்பாலும் நிரம்பி வழிந்தன.

இந்தியா முழுவதும் முதல் நாள் வசூல்:

படம் இந்தியா முழுவதும் 65 கோடி முதல் 70 கோடி வரை வசூல் செய்துள்ளதாக மதிப்பிடப்பட்டுள்ளது.

இந்த வசூலில் தமிழ் பதிப்பு அதிக பங்களிப்பை அளித்துள்ளது. தெலுங்கு, கன்னடம் மற்றும் இந்தி பதிப்புகளும் கணிசமான வரவேற்பைப் பெற்றுள்ளன.

உலகம் முழுவதும் முதல் நாள் வசூல்:

உலகளாவிய அளவில், "கூலி" முதல் நாளில் 150 கோடி முதல் 170 கோடி வரை வசூல் செய்துள்ளதாக கூறப்படுகிறது.

இது லோகேஷ் கனகராஜின் முந்தைய படமான "லியோ" படத்தின் முதல் நாள் வசூல் சாதனையை முறியடித்துள்ளதாக சில வட்டாரங்கள் தெரிவிக்கின்றன.

வெளிநாடுகளில், குறிப்பாக வட அமெரிக்காவில், ப்ரீ-சேல்ஸ் மூலம் திரைப்படம் மிகப்பெரிய வசூல் சாதனைகளைப் படைத்துள்ளது.

கூலி பாக்ஸ் ஆபிஸ் வசூல்

இந்த நிலையில் தான் சன் பிக்சர்ஸ் நிறுவனம் கூலி படத்தின் முதல் நாள் வசூல் குறித்து அதிகாரப்பூர்வமாக அறிவிப்பு வெளியிட்டது. அதில், கூறியிருப்பதாவது: ரெக்கார்டு மேக்கர் அண்ட் ரெக்கார்டு பிரேக்கர் என்று குறிப்பிட்டு உலகம் முழுவதும் ரூ.151 கூோடி வசூல் குவித்துள்ளது என்று அறிவித்துள்ளது.

https://x.com/sunpictures/status/1956274750994702492?t=qAoMkW84b75Ds33ZOXLxqA&s=19

கூலி படத்தின் கதை: சௌபின் ஷாகிர்

துறைமுக மாஃபியாவான நாகர்ஜூனாவுடன் சௌபின் ஷாகிர் பணிபுரிகிறார். காவல்துறை, அவர்களின் சட்டவிரோதச் செயல்களைப் பற்றி விசாரிக்கிறது. சௌபின் ஷாகிர் (தயாளன்), ரஜினியின் (தேவா) நண்பர் ராஜசேகரை (சத்யராஜ்) கொல்கிறார். தேவா, ராஜசேகரின் குடும்பத்தைக் காப்பாற்ற முயல்கிறார். இறுதியில், தேவா வெற்றி பெற்றாரா என்பதே கதை.

கூலி விமர்சனம்

'கூலி' படம் கலவையான விமர்சனங்களைப் பெற்றுள்ளது. வில்லன் மற்றும் செண்டிமெண்ட் காட்சிகள் இன்னும் வலுவாக இருந்திருக்கலாம். ஆக்‌ஷன் காட்சிகள் சிறப்பாக உள்ளன. லோகேஷ் கனகராஜ், ரஜினியின் இமேஜை மையமாக வைத்து சற்றுத் தடுமாறியுள்ளார்.