Karuppu Pulsar: லப்பர் பந்து ஹிட்-க்கு பின் தினேஷின் 'கருப்பு பல்சர்' - எதிர்பார்ப்பை எகிற வைத்த டிரெய்லர்!

Karuppu Pulsar: நடிகர் தினேஷ் நடிப்பில் உருவாகியுள்ள 'கருப்பு பல்சர்' திரைப்படத்தின் டிரெய்லர் வெளியாகி நல்ல வரவேற்பைப் பெற்றுள்ளது. 'லப்பர் பந்து' படத்தின் வெற்றிக்குப் பிறகு வெளியாகும் இப்படத்தை முரளி கிருஷ் இயக்கியுள்ளார். 

சவாரிக்கு ரெடியாகும் கருப்பு பல்சர்

தமிழ் சினிமாவில் யதார்த்தமான நடிப்பால் தனக்கென ஒரு இடத்தைப் பிடித்தவர் நடிகர் தினேஷ். பா.இரஞ்சித் இயக்கத்தில் வெளியான 'அட்டகத்தி' படத்தின் மூலம் அறிமுகமான இவர், விசாரணை, குக்கூ, இரண்டாம் உலகப்போரின் கடைசி குண்டு போன்ற படங்களில் தனது திறமையை வெளிப்படுத்தினார். சமீபத்தில் இவர் நடித்த 'லப்பர் பந்து' திரைப்படம் மிகப்பெரிய வெற்றியைப் பெற்ற நிலையில், தற்போது தினேஷ் கதாநாயகனாக நடித்துள்ள 'கருப்பு பல்சர்' திரைப்படத்தின் டிரெய்லர் வெளியாகியுள்ளது.

படம் குறித்த விவரங்கள்

'கருப்பு பல்சர்' திரைப்படத்தை முரளி கிருஷ் இயக்கியுள்ளார். வழக்கம்போல தினேஷ் ஒரு வித்தியாசமான கதாபாத்திரத்தில் இந்தப் படத்தில் நடித்துள்ளார். இவருக்கு ஜோடியாக ரேஷ்மா நடித்துள்ளார். மேலும், முக்கிய கதாபாத்திரத்தில் பிரபல நடிகர் மன்சூர் அலிகான் நடித்துள்ளார்.

டிரெய்லர் மற்றும் எதிர்பார்ப்பு

தற்போது வெளியாகியுள்ள இப்படத்தின் டிரெய்லர் ரசிகர்களிடையே நல்ல வரவேற்பைப் பெற்றுள்ளது. தினேஷின் முந்தைய படங்கள் போலவே இதுவும் ஒரு அழுத்தமான கதையம்சம் கொண்ட படமாக இருக்கும் என்பதை டிரெய்லர் உணர்த்துகிறது. இது படத்தின் மீதான எதிர்பார்ப்பை ரசிகர்கள் மத்தியில் அதிகரித்துள்ளது.

நாங்க ரெடி நீங்க ரெடியா மக்களே

'கருப்பு பல்சர்' திரைப்படம் வருகிற ஜனவரி 30-ம் தேதி திரையரங்குகளில் வெளியாக உள்ளது. லப்பர் பந்து படத்தின் வெற்றிக்குப் பிறகு தினேஷிற்கு இந்தப் படம் மற்றுமொரு திருப்புமுனையாக அமையும் என எதிர்பார்க்கப்படுகிறது. https://www.youtube.com/watch?v=d-nH0NiNIzU&t=6s