சிம்புவுக்கு எப்போ கல்யாணம்? அனிருத்தின் திருமணத்தை கணித்த ஜோதிடரின் கணிப்பால் ஷாக் ஆன STR ரசிகர்கள்

Simbu Marriage Prediction : அனிருத்தின் திருமணம் பற்றி 10 ஆண்டுகளுக்கு முன் கணித்த ஜோதிடர், தற்போது சிம்புவின் திருமணம் எப்போது நடக்கும் என்பது குறித்து பேசி இருக்கிறார். அதைப்பற்றி பார்க்கலாம்.

Simbu Marriage Prediction

தமிழ் சினிமாவில் முன்னணி நடிகராக வலம் வரும் சிம்புவின் திருமணம் குறித்த பேச்சுகள் அவ்வப்போது சமூக வலைதளங்களில் எழுவது வழக்கம். அவரது ரசிகர்களும் சிம்பு எப்போது திருமணம் செய்துகொள்வார் என்ற எதிர்பார்ப்பில் இருந்து வருகின்றனர். இந்நிலையில், பிரபல ஜோதிடர் ஜெயஸ்ரீ சிம்புவின் திருமண வாழ்க்கை குறித்து தெரிவித்துள்ள கருத்து தற்போது கோலிவுட் வட்டாரத்தில் புதிய விவாதத்தைக் கிளப்பியுள்ளது.

அனிருத் திருமணத்தைத் தொடர்ந்து சிம்பு பற்றிய பேச்சு!

இசையமைப்பாளர் அனிருத்துக்கும், சன் குழுமத் தலைவர் கலாநிதி மாறனின் மகள் காவ்யா மாறனுக்கும் நவம்பர் 11ஆம் தேதி திருமணம் நடைபெறவுள்ளது. இதற்கிடையில், பல ஆண்டுகளுக்கு முன்பே அனிருத்தின் வருங்கால மனைவி எப்படிப்பட்டவராக இருப்பார் என்பது குறித்து ஜோதிடர் ஜெயஸ்ரீ தெரிவித்திருந்த கணிப்புகள் மீண்டும் இணையத்தில் கவனம் பெற்றுள்ளன. அவர் அப்போது குறிப்பிட்ட சில அம்சங்கள் காவ்யா மாறனுடன் பொருந்துவதாகச் சமூக வலைதளங்களில் பேசப்படுகிறது. இந்தச் சூழலில்தான் சிம்புவின் திருமணம் தொடர்பாகவும் ஜெயஸ்ரீ தெரிவித்துள்ள கருத்து வைரலாகியுள்ளது.

காதலில் தோல்வி.. திருமணத்தைத் தள்ளிப்போடும் சிம்பு!

தமிழ் திரையுலகில் மிகவும் பிரபலமாகப் பேசப்பட்ட காதல் கதைகளில் சிம்புவின் காதல் வாழ்க்கையும் ஒன்று. நடிகை நயன்தாராவுடன் காதலில் இருந்த சிம்பு, ஒரு கட்டத்தில் அவரைத் திருமணம் செய்துகொள்வார் என்று எதிர்பார்க்கப்பட்டது. ஆனால், இருவருக்கும் இடையே ஏற்பட்ட கருத்து வேறுபாடுகளால் அந்த உறவு முடிவுக்கு வந்தது. அதன்பிறகு நடிகை ஹன்சிகாவுடன் சிம்புவுக்கு காதல் மலர்ந்தது. இருவரும் தங்களது காதலை வெளிப்படையாக அறிவித்ததால் இந்த முறை திருமணம் நிச்சயம் நடைபெறும் என்று ரசிகர்கள் நம்பினர்.

சிம்புவின் தந்தை டி.ராஜேந்தரும் மகனின் திருமணத்தை ஆவலுடன் எதிர்பார்த்ததாக அப்போது செய்திகள் வெளியாகின. ஆனால், ஹன்சிகாவுடனான காதலும் திருமணம் வரை செல்லவில்லை. அடுத்தடுத்த காதல் பிரிவுகளுக்குப் பிறகு ஆன்மீகத்தில் அதிக ஆர்வம் காட்டிய சிம்பு, தனது உடல்நலம் மற்றும் திரைப்பட வாழ்க்கையிலும் கவனம் செலுத்தத் தொடங்கினார்.

வெற்றிமாறன் இயக்கத்தில் அரசன்!

சினிமாவைப் பொறுத்தவரை சிம்பு தனது இரண்டாவது இன்னிங்ஸில் மாநாடு, வெந்து தணிந்தது காடு போன்ற படங்கள் மூலம் ரசிகர்களிடம் நல்ல வரவேற்பைப் பெற்றார். இருப்பினும், மணிரத்னம் இயக்கத்தில் வெளியான தக் லைஃப் திரைப்படம் அவருக்கு எதிர்பார்த்த வெற்றியைப் பெற்றுத்தரவில்லை.

தற்போது வெற்றிமாறன் இயக்கத்தில் உருவாகி வரும் அரசன் திரைப்படத்தில் நடித்து வருகிறார். இப்படம் அடுத்த ஆண்டு வெளியாகும் என்று எதிர்பார்க்கப்படுகிறது. இதனைத் தொடர்ந்து இயக்குநர் அஷ்வத் மாரிமுத்துவுடன் சிம்பு இணையவுள்ளதாகவும் கூறப்படுகிறது. இப்படி திரைத்துறையில் அடுத்தடுத்த படங்களில் பிஸியாக இருக்கும் சிம்பு, தனது 43 வயதிலும் திருமணம் குறித்த எந்த அறிவிப்பையும் வெளியிடவில்லை.

சிம்புவுக்கு திருமணமே நடக்காதா? ஜோதிடர் சொன்னது என்ன?

இந்நிலையில், தனியார் யூடியூப் சேனல் ஒன்றுக்கு ஜோதிடர் ஜெயஸ்ரீ அளித்த பேட்டியில் சிம்புவின் திருமண வாழ்க்கை குறித்து பேசினார். திருமணத்தில் இரண்டு வகைகள் இருப்பதாகக் குறிப்பிட்ட அவர், பெற்றோர் பார்த்து நடத்திவைக்கும் திருமணம் ஒரு வகை என்றும், மற்றொன்று கந்தர்வ திருமணம் என்றும் விளக்கினார். கந்தர்வ திருமணம் என்பது மற்றவர்களுக்குத் தெரியாமல் இருவர் தங்களுக்குள் திருமண உறவை ஏற்படுத்திக்கொள்வதைக் குறிக்கும் என்றும் தெரிவித்தார்.

தொடர்ந்து சிம்பு குறித்துப் பேசிய அவர், சிம்பு லிவிங் டுகெதர் உறவில் இருப்பதற்கான வாய்ப்பே அதிகம் என்றும், அவருக்கு வழக்கமான முறையில் திருமணம் நடைபெறாது என்றும் தனது ஜோதிடக் கணிப்பை வெளிப்படுத்தினார். ஜெயஸ்ரீயின் இந்தக் கருத்து தற்போது சிம்பு ரசிகர்கள் மத்தியில் பேசுபொருளாகியுள்ளது.

அனிருத்தை கணித்தவர் என்பதால் அதிகரித்த பரபரப்பு!

சுமார் பத்து ஆண்டுகளுக்கு முன்பு அனிருத்தின் திருமண வாழ்க்கை குறித்து ஜெயஸ்ரீ தெரிவித்திருந்த கணிப்புகள் தற்போது மீண்டும் பகிரப்பட்டு வருகின்றன. அனிருத்தின் வருங்கால மனைவி குறித்து அவர் குறிப்பிட்ட அம்சங்கள் காவ்யா மாறனுக்குப் பொருந்துவதாக சிலர் கூறுவதால், சிம்பு குறித்த அவரது தற்போதைய கணிப்பும் ரசிகர்களின் கவனத்தை ஈர்த்துள்ளது. ஏற்கெனவே நீண்ட காலமாகத் திருமணம் செய்துகொள்ளாமல் இருந்த நடிகர் பிரேம்ஜி அமரன் திருமண வாழ்க்கையில் இணைந்துவிட்ட நிலையில், சிம்புவின் திருமணம் எப்போது நடைபெறும் என்ற கேள்வி ரசிகர்கள் மத்தியில் தொடர்ந்து இருந்து வருகிறது.

இந்தச் சூழலில், ஜெயஸ்ரீயின் கணிப்பு உண்மையாகிவிடுமோ என்று சில ரசிகர்கள் சமூக வலைதளங்களில் கருத்து தெரிவித்து வருகின்றனர். இருப்பினும், இது ஜோதிடரின் தனிப்பட்ட கணிப்பு மட்டுமே. சிம்புவின் திருமணம் குறித்த முடிவை அவரே எடுக்க முடியும். தனது திரைப்படப் பயணத்தில் அடுத்தடுத்த அதிரடிகளை நிகழ்த்திவரும் STR, தனிப்பட்ட வாழ்க்கையிலும் ரசிகர்களுக்கு மகிழ்ச்சியான அறிவிப்பை வெளியிடுவாரா என்பதைப் பொறுத்திருந்துதான் பார்க்க வேண்டும்.