கையில் தாமரை பூ... வித்தியாசமாக கேரளா சேலை கட்டி ஹீரோயிகளையே கதிகலங்க வைத்த அனிகா!!

குழந்தை நட்சத்திரமாக அறிமுகமானாலும், ஹீரோயின்களுக்கே டஃப் கொடுக்கும் விதமாக போட்டோ ஷூட் புகைப்படங்களை வெளியிட்டு வருபவர் அனிகா. ஓணம் பண்டிகையை முன்னிட்டு வித்தியாசமாக சேலை கட்டி இவர் வெளியிட்டுள்ள புகைப்படங்கள் ரசிகர்கள் மனதை வசீகரித்துள்ளது.  

பேபி ஷாலினியில் ஆரம்பித்து மீனா மகள் நைனிகா, தெய்வத்திருமகள் சாரா வரை தமிழ் திரையில் ஒரு சில குழந்தை நட்சத்திரங்கள் மட்டுமே ரசிகர்கள் மனதில் ஒட்டிக்கொள்கின்றனர்.

அதிலும் சிலருக்கு மட்டுமே எதிர்காலத்தில் ஹீரோயினாக வளரும் அளவுக்கு வாய்ப்பு கிடைக்கும். ஆனால் குழந்தை நட்சத்திரமாகவே நடித்தாலும் ரசிகர்கள் மனதில் ஹீரோயின் அளவிற்கு இடம் பிடித்திருப்பவர் அனிகா சுரேந்திரன்.

கேரள திரையுலகில் மோகன் லால், மம்மூட்டி, ஜெயராம் உள்ளிட்ட முன்னணி நட்சத்திரங்களின் படங்களில் குழந்தை நட்சத்திரமாக வலம் வந்தவர் அனிகா. மலையாளத்தில் 10க்கும் மேற்பட்ட படங்களில் குழந்தை நட்சத்திரமாக நடித்துள்ளார். தமிழில் அஜித்திற்கு மகளாக என்னை அறிந்தால், விஸ்வாசம் படங்களில் நடித்த அனிகாவை ரசிகர்கள் அஜித்தின் ரீல் மகள் என அழைக்கும் அளவிற்கு பிரபலமாகிவிட்டார். அதே போல் லேடி சூப்பர் ஸ்டார் நயன்தாராவின் மினியேச்சர் போலவே இருப்பதால் அனிகாவை குட்டி நயன் என செல்லமாக ரசிகர்கள் கொண்டாடி வருகின்றனர்.

குழந்தை நட்சத்திரமாக இருந்தாலும் மாடலிங், சினிமா என கலந்து கட்டி கலக்கி வருகிறார். 16 வயதிலேயே டாப் நடிகைகளுக்கு எல்லாம் டப் கொடுக்கும் விதமாக போட்டோ ஷூட்டிலும் மிளிருகிறார். அந்த வகையில் தற்போது ஓணம் பண்டிகையை முன்னிட்டு வெளியிட்டுள்ள புகைப்படம் முன்னணி ஹீரோயின்களையே கதைக்களங்க வைக்கும் விதத்தில் உள்ளது. அந்த புகைப்படங்கள் தற்போது சோசியல் மீடியாவில் அதிகம் பார்க்கப்பட்டு வருகிறது.