அகண்டா 2' - எப்போது ஓடிடியில் ரிலீஸ்? எந்த ஓடிடி தளத்தில் பார்க்கலாம்? ரசிகர்களுக்கு விருந்து!

அகண்டா 2 ஓடிடி ரிலீஸ்: பல பிரச்சனைகளைத் தாண்டி திரையரங்குகளில் வெளியாகி வெற்றிநடை போடுகிறது பாலைய்யாவின் அகண்டா 2. இப்படம் பாக்ஸ் ஆபிஸில் நல்ல வசூலை பெற்று வருகிறது. இந்நிலையில், இந்த படத்தின் ஓடிடி ரிலீஸ் எப்போது, எங்கே? 

நந்தமுரி பாலகிருஷ்ணா

நந்தமுரி பாலகிருஷ்ணா மற்றும் போயபதி சீனு கூட்டணியில் உருவான படம் 'அகண்டா 2'. இப்படம் டிசம்பர் 12 முதல் திரையரங்குகளில் ஓடிக்கொண்டிருக்கிறது. நிதிப் பிரச்சனையால் ஒரு வாரம் தாமதமாக வெளியானது. தற்போது இப்படத்தின் ஓடிடி ரிலீஸ் குறித்த அப்டேட் வைரலாகி வருகிறது.

அகண்டா 2' படத்தின் டிஜிட்டல் ஸ்ட்ரீமிங் தேதி

தகவல்களின்படி, 'அகண்டா 2' படத்தின் டிஜிட்டல் ஸ்ட்ரீமிங் தேதி இறுதி செய்யப்பட்டுள்ளது. இப்படம் நெட்ஃபிளிக்ஸில் வெளியாகும் என கூறப்படுகிறது. நான்கு வாரங்களுக்குப் பிறகு, ஜனவரி 9, 2026 அன்று ஓடிடியில் வெளியாகலாம். பொங்கல் பண்டிகையை குறிவைத்து வெளியிட நெட்ஃபிளிக்ஸ் திட்டமிட்டுள்ளது.

அகோரியாக பாலகிருஷ்ணா

'அகண்டா 2' படத்தில் அகோரியாக பாலகிருஷ்ணா மிரட்டியுள்ளார். ஆதி பினிசெட்டி வில்லனாக நடித்துள்ளார். சம்யுக்தா மேனன், ஹர்ஷாலி மல்ஹோத்ரா போன்றோர் முக்கிய வேடங்களில் நடித்துள்ளனர். இப்படத்தின் வசூல் குறைந்து வருவது படக்குழுவினரை கவலையடையச் செய்துள்ளது.

65 வயதிலும் இளம் ஹீரோக்களுக்கு போட்டி

பாலகிருஷ்ணா தொடர் வெற்றிகளால் வேகமாக முன்னேறி செல்கிறார். 65 வயதிலும் இளம் ஹீரோக்களுக்கு போட்டியாக இருக்கிறார். அகண்டா 2 வெற்றி பெற்றால், அடுத்த படத்துடன் இரட்டை ஹாட்ரிக் அடிப்பார். அடுத்து கோபிசந்த் மலினேனி இயக்கத்தில் நடிக்கவுள்ளார். இதில் நயன்தாரா நாயகியாக நடிக்கலாம் என கூறப்படுகிறது.