மீண்டும் சூடுபிடிக்கும் வலிமை அப்டேட்.... புது ரிலீஸ் பிளானுக்கு ஓகே சொன்ன அஜித் - எப்போ ரிலீஸ் தெரியுமா?

பொங்கல் பண்டிகையை ஒட்டி தமிழ், தெலுங்கு, இந்தி ஆகிய 3 மொழிகளில் வெளியாக இருந்த வலிமை திரைப்படம் கொரோனா பரவல் அதிகரித்து வருவதன்  காரணமாக தள்ளிவைக்கப்பட்டது.

valimai

நேர்கொண்ட பார்வை படத்தின் வெற்றியை தொடர்ந்து எச்.வினோத் இயக்கத்தில் அஜித் நடிக்கும் 2-வது படம் வலிமை. இப்படத்தை மறைந்த நடிகை ஸ்ரீதேவியின் கணவர் போனி கபூர் தயாரித்துள்ளார். இதில் அஜித் போலீஸ் அதிகாரி கதாபாத்திரத்தில் நடித்துள்ளார். இப்படத்தில் ஹீரோயினாக காலா பட நடிகை ஹூமா குரேஷி நடித்துள்ளார். 

மேலும் யோகிபாபு, குக் வித் கோமாளி புகழ் ஆகியோர் நகைச்சுவை கதாபாத்திரத்தில் நடித்துள்ளனர். இப்படத்தில் வில்லன் கேரக்டரில் பிரபல தெலுங்கு நடிகர் கார்த்திகேயா நடித்துள்ளார். யுவன் சங்கர் ராஜா இசையமைத்துள்ள இப்படத்திற்கு நீரவ் ஷா ஒளிப்பதிவு செய்துள்ளார்.

ஜனவரி 13-ந் தேதி பொங்கல் பண்டிகையை முன்னிட்டு தமிழ், தெலுங்கு, இந்தி ஆகிய 3 மொழிகளில் வெளியாக இருந்த இப்படம் கொரோனா பரவல் அதிகரித்து வருவதன்  காரணமாக தள்ளிவைக்கப்பட்டு உள்ளது. மேலும் நிலைமை சீரானது திரையரங்குகளில் வெளியிடுவோம் என படக்குழு தெரிவித்துள்ளது.

இதனால் ஏமாற்றம் அடைந்த ரசிகர்கள், இப்படம் எப்போ ரிலீஸ் ஆகும் என்பதை தெரிந்துகொள்ள ஆவலோடு காத்திருக்கின்றனர். அவர்களை சந்தோஷப்படுத்தும் விதமாக தற்போது வலிமை படத்தின் புது அப்டேட் வெளியாகி உள்ளது.

அதன்படி இப்படத்தை வருகிற மார்ச் மாத இறுதியில் திரையரங்குகளில் வெளியிட திட்டமிட்டு உள்ளார்களாம். சமீபத்தில் மும்பை சென்ற அஜித்திடம் போனி கபூர் இந்த ஐடியாவை சொல்ல, அஜித்தும் அதற்கு ஓகே சொல்லிவிட்டாராம். இந்த அப்டேட் அஜித் ரசிகர்களை உற்சாகத்தில் ஆழ்த்தி உள்ளது.