மும்பையில் பிரபல நடிகையும், மாடலுமாக இருப்பவர் கெஹானா வசிஸ்த். டி.வி தொகுப்பாளினியாக பணியாற்றியவர், மெல்ல விளம்பர படங்களில் நடித்தவர். 2012ம் ஆண்டு மிஸ் ஆசியா பிகினி போட்டியில் பங்கேற்றதன் மூலமாக கிடைத்த புகழால் ஒருசில பாலிவுட், தெலுங்கு படங்களில் கூட நடித்துள்ளார்.
undefined
சமீப காலமாக தான் புதிதாக படமெடுப்பதாகவும், அதற்கான புதுமுக தேர்வு நடைபெற்று வருவதாகவும் விளம்பரம் கொடுத்துள்ளார். அதை பார்த்து பல பெண்கள் இவரிடம் வாய்ப்பு தேடி வந்துள்ளனர். அப்படி வரும் பெண்களை ஆபாசமாக வீடியோ எடுத்து, அதை இணையதளத்தில் வெளியிட்டு பணம் சம்பாதித்து வந்துள்ளார்.
undefined
இதுகுறித்து மும்பை குற்றப்பிரிவு போலீசாருக்கு தகவல் கிடைத்துள்ளது. இதையடுத்து நடைபெற்ற விசாரணையில் மும்பையில் உள்ள சொகுசு பங்களா ஒன்றில் தங்கியிருந்த கெஹானா வசிஸ்த், தன்னிடம் வாய்ப்பு கேட்டு வரும் இளம் பெண்களை ஆபாசமாக வீடியோ எடுத்து அதை இணையதளத்தில் விற்று காசு பார்த்து வந்தது தெரியவந்தது.
undefined
இதையடுத்து கைது செய்யப்பட்ட கெஹானாவிடம் இருந்து கேமரா, மெமரி கார்டுகள், லேப்டாப், 36 லட்ச ரூபாய் ரொக்கப் பணமும் உள்ளிட்டவை பறிமுதல் செய்தனர். இதுவரை 87 ஆபாச வீடியோக்களை பதிவேற்றியுள்ளது கண்டறியப்பட்டுள்ளது.
undefined