Yogi Babu: தீபாவளியன்று இரண்டாவது குழந்தைக்கு தந்தையான யோகி பாபு..! குவியும் வாழ்த்து..!

தமிழ் சினிமாவில் முன்னணி காமெடி நடிகராக இருக்கும் யோகி பாபுவுக்கு இன்று காலை அழகிய பெண் குழந்தை பிறந்துள்ளது. இதை தொடர்ந்து பலரும் அவருக்கு வாழ்த்துக்களை தெரிவித்து வருகிறார்கள்.  

Yogi babu

தமிழ் திரையுலகில் தன்னுடைய எதார்த்தமான காமெடி சென்ஸ் மூலம், மிக குறுகிய காலத்திலேயே பிரபலமான காமெடி நடிகராக உருவெடுத்தவர் யோகி பாபு. சமீப காலமாக அனைத்து முன்னணி நடிகர்களின் படங்களிலும் யோகி பாபுவின் காமெடி காட்சிகள் இடம்பெற்று வருகிறது. முன்பெல்லாம் எப்படி முன்னணி நடிகர்களின் படங்களில் வைகை புயல் வடிவேலுவை கமிட் செய்தார்களோ... அதே போல், யோகி பாபுவையும் பல இயக்குனர்கள் கமிட் செய்வதை வழக்கமாக வைத்துள்ளனர்.

காமெடி நடிகர் என்பதை தாண்டி, பல இயக்குனர்கள் இவரை ஹீரோவாக வைத்து படம் இயக்கவும் தயாராக இருந்தாலும், வருடத்திற்கு ஒன்று அல்லது இரண்டு படங்களில் மட்டுமே கதையின் நாயகனாக நடிப்பேன். மற்ற படங்களில், காமெடி வேடத்தில் மட்டுமே நடிப்பேன் என, கண்டீஷன் போட்டு நடித்து வருகிறார். 

மேலும் செய்திகள்: 2-வது மனைவியையும் விவாகரத்து செய்தார் பாலா... ஒரே ஆண்டில் முடிவுக்கு வந்த திருமண வாழ்க்கை

இந்நிலையில் இவருக்கும், பார்கவி என்கிற பெண்ணுக்கும் கடந்த 2020 ஆம் ஆண்டு, மிகவும் எளிமையாக திருமணம் நடந்த நிலையில், திருமண வரவேற்பை பிரமாண்டமாக செய்ய யோகி பாபு திட்டமிட்டிருந்தார், ஆனால் அப்போது கொரோனா அதிகம் பரவியதால், முழு ஊரடங்கு போடப்பட்டது எனவே திருமண வரவேற்பும் நடத்தமுடியாத சூழ்நிலை உருவானது.

திருமணம் ஆன அதே ஆண்டு, டிசம்பர் மாதம்... யோகி பாபு - பார்கவி தம்பதிக்கு விசாகன் என்கிற மகன் பிறந்த நிலையில், தற்போது இரண்டாவது குழந்தைக்கும் தந்தையாகியுள்ளார் யோகி பாபு.

மேலும் செய்திகள்: பாதியில் விலகிய ஜிபி முத்து... அவருக்கு பதில் பிக்பாஸ் வீட்டுக்குள் செல்லப்போகும் போட்டியாளர் யார் தெரியுமா?

தீபாவளி திருநாளான இன்று காலை, சென்னையில் உள்ள பிரபல தனியார் மருத்துவமனையில் இவருக்கு அழகிய பெண் குழந்தை பிறந்துள்ளது. தீபாவளி தினத்தில் திருமகளை பெற்றெடுத்த யோகி பாபுவுக்கு வாழ்த்துக்கள் குவிந்து வருகிறது.