Breaking: புதுப்பேட்டை - தெறி போன்ற படங்களில் நடித்த நடிகர் ஜெயசீலன் காலமானார்!

தமிழில் 100-க்கும் மேற்பட்ட படங்களில், துணை கதாபாத்திரங்களில் நடித்து பிரபலமான நடிகர் ஜெயசீலன் காலமானார்.  

Pudhupettai

நடிகர் தனுஷ் நடிப்பில் வெளியான புதுப்பேட்டை,  விஜய் நடித்த தெறி, பிகில், விஜய் சேதுபதியுடன் விக்ரம் வேதா, போன்ற பல படங்களில் துணை கதாபாத்திரங்களிலும் அடியாட்கள் கூட்டத்தில் நடித்து பிரபலமானவர் ஜெயசீலன்.

Actor Jayaseelan

40 வயதாகும், இவர் கடந்த இரண்டு மாதங்களாக மஞ்சள் காமாலை நோயால் பாதிக்கப்பட்டு, அதற்காக சென்னை ஸ்டான்லி மருத்துவமனையில் தொடர்ந்து சிகிச்சை பெற்று வந்துள்ளார். இந்நிலையில் மஞ்சள் காமாலை நோய் தீவிரம் அடைந்த நிலையில், இன்று சிகிச்சை பலனின்றி உயிரிழந்துள்ளார். தகவலை அறிந்த அவரது உறவினர்கள் தெரிவித்துள்ளனர்.

jayaseJayaseelan

மேலும் இவரின் இறுதிச் சடங்குகள், வண்ணாரப்பேட்டையில் உள்ள அவருடைய வீட்டில் நாளை நடைபெறும் என தெரிவிக்கப்பட்டுள்ளது. ஏராளமான படங்களில் நடித்த போதும், இதுவரை இவரை அடையாளப்படுத்தும் விதமாக எந்த ஒரு கதாபாத்திரமும் அமையவில்லை. சினிமாவில் சாதிக்க வேண்டும் என தன்னால் முடிந்தவரை போராடி வந்த இவருக்கு... அடியாள் கூட்டங்களில் வரும் கதாபாத்திரங்களே அதிகம் கிடைத்ததாக கூறப்படுகிறது.

Death

40 வயது ஆகும் நடிகர் ஜெயசீலன் திடீர் மறைவு, அவருடைய குடும்பத்தினரை சோகத்தில் ஆழ்த்தியுள்ளது. மேலும் பல ரசிகர்கள் தொடர்ந்து ஜெயசீலனுக்கு தங்களுடைய இரங்கலை தெரிவித்து வருகின்றனர். இதுவரை இவருக்கு திருமணம் ஆகவில்லை என்பது குறிப்பிடத்தக்கது.